Былтыр Шымкенттегі 355 нысанға арнайы тексеру жүргізіліп, санитарлық талапты толық сақтамаған 529 тұлғаға айыппұл салынды. Олардан жалпы өндірілген сома 83 млн 611 мың 245 теңгені құрайды. Бұл туралы Шымкент қаласының санитариялық-эпидемиологиялық бақылау департаменті басшының орынбасары Алдарқұл Ахметов брифинг барысында мәлімдеді.
Шымкент қаласында аялдамалардың қазақша дұрыс аталуына талап күшейіп келеді. Сонымен қоса, қоғамдық көлікте аялдама атауын электронды-дыбыстық хабарлау жүйесін енгізу басталды.
Реновациялық бағдарлама инвесторлардың көмегімен азаматтық заңнамаға сәйкес тұрғындардың келісімімен жүзеге асырылады. Бұл туралы аудан әкімдіктері, тұрғын үй басқармасы, «Shymkent ӘКК» АҚ және инвесторлар және тұрғындардың қатысуымен тыңдалым өтті. Басқосуда жауаптылар реновациялауға жататын объектілер бойынша тұрғын үй иелеріне өтеудің тәртібі мен шарттарын түсіндірді.
Қазіргі таңда Шымкент қаласындағы «Бозарық» индустриялық аймағында инфрақұрылым жұмыстары қарқынды жүргізіліп жатыр. Мердігерлер аймақты электр қуатымен қамтамасыз ету үшін құрылыс-монтаж жұмыстарын жалғастыруда.
Шымкент қаласында өткен 2022 жылы 301 193 түп ағаш көшеті отырғызылды. Оның 40 497-сі көктем айларында отырғызылса, 160 696 ағаш көшеті күзгі маусымда егілген. Бұл туралы Шымкент қаласы әкімдігінің қалалық жайлы ортаны дамыту басқармасынан хабарлады.
9 ақпан – ақиық ақын Мұқағали Мақатаевтың туған күні. Мұзбалақ ақын қамшының сабындай қысқа ғұмырында, сан ғасырға азық боларлық туындылар қалдырып үлгерді. Оның өлеңдері жастарға шабыт беріп, биік белестерге жетеледі.
Шымкент қаласы Төтенше жағдайлар департаменті ақпарттық коммуникациялық орталықта өткізген брифингте 2022 жылы атқарған жедел-қызметтік жұмыстарының қорытындысы және 2023 жылға арналған жұмыс жоспарларын баяндады.
Пушкин атындағы әмбебап кітапханасында шымкенттік кітапқұмар жастардың басын қосып, тұлғалық кемелденуіне басты себепкер болып жүрген «Kitapclub» оқырмандар клубы жұмыс істейді. Биыл оқырман клубына екі жыл толып, салтанатты түрде аталып өтті.
Шымкент қаласында көркем гимнастикадан спорт шеберлері және спорт шеберлігіне кандидат спортшылар арасында Қазақстан Республикасының чемпионаты басталды. 7-10 ақпан аралығына жоспарланған бәсекенің салтанатты ашылу рәсімі өтті.
Бүгін Жұмабек Тәшенев атындағы университетте оқытушылар мен студент-жастарға арналған «Эмпатия» психологиялық кеңес беру ресурстық қолдау орталығы ашылды. Ашық есік түрінде ұйымдастырылған жиында университет фойесінде «Психологиялық ғажайыптар әлеміне саяхат» атты шеру ұйымдастырылып, ертегітерапия, шығармашылық креативтілік бұрышы, психодиогностикалық және нейропсихология бұрыштары келушілерге қызмет көрсетті.