Қала көшелері мен демалыс орындарына гүл егу жұмыстары қарқын алмақ. Бүгінгі күнге дейін «ЛТД-Тұрмыс» ЖШС мамандары қаланың орталық көшелері мен демалыс орындарына 98 мың түп голландық қызғалдақ гүлін отырғызған.
Енді тазалық мекемесінің мамандары қаламызда 150 мың түп көпжылдық гүл көшеттерін отырғызуды жоспарлап отыр.
Бір айта кететіні, қаламызда шафран, петуния, катарантус сияқты гүл көшеттері жерсіндірілуде. Енді салаға жауапты мамандар биыл бір жылдық гүлдерді шығыны аз, күтімге қолайлы көп жылдық гүлдерге алмастырмақ ниетте.