Бір мезгілде 30 мыңға жуық студент дене шынықтырып, жаттығу жасады. Бұл іс-шара ел Тәуелсіздіктің 25 жылдығына арналды.
Жаттығуға облыстағы 11 жоғары оқу орнының студенті қатысты. Спорттық шараның негізгі бөлігі Оңтүстік Қазақстан мемлекеттік педагогикалық институты, М.Әуезов атындағы Оңтүстік Қазақстан мемлекеттік университетінде өтті. Жоғары оқу орындарынан 1000-ға жуық жастар дене шынықтыруға бір кісідей атсалысты. Ұйымдастырушылардың айтуынша, жастар үшін салауатты өмір салтының маңызы зор.
Айта кетейік, өңірдегі 11 жоғары оқу орнының 9-ы Шымкентте, екеуі Түркістан қаласы мен Мақтарал ауданында орналасқан. Бұл оқу орындарында бүгінде 66,5 мың студент білім алады. Оның 45 мыңы күндізгі бөлімде, 8 мыңнан астамы сыртқы, 13 мыңнан астамы кешкі бөлімде оқиды.
