Биыл Ұлы Отан соғысының 70 жылдығына орай елімізде түрлі деңгейдегі іс-шаралар ұйымдастырылып, ардагерлерімізге материалдық, рухани көмектер көрсетілуде.
Соның 
бір дәлелі – Әл-Фараби ауданы әкімі аппараты мен аудандық ардагерлер кеңесі ауданда тұратын Ұлы Отан соғысы ардагері Жақыпбаев Төлегенді 90 жасқа толған мерейтойымен құттықтады.
Аудан әкімінің орынбасары С. Нұрманов пен аудандық ардагерлер кеңесінің төрағасы М. Омаров майдангер қарияның шаңырағында болып, аудан әкімінің құттықтау хатын табыс етті. Сонымен қатар, қазақы дәстүрмен қарияға шапан жауып, ыстық ықыластарын білдірді.
– Соғыстың салған жарасы оңай емес. Қаншама боздақтардың қыршын қиылуымен келген бұл Жеңістің маңызы зор. Уақыт алға жылжып сырғыған сайын, тірі тарихи батырларымыздың қатары күн санап кеміп, арамыздан азайып бара жатыр. Оларға қандай да қолдау, көмек көрсетсек те артық болмайды. Сондықтан да батырларымызды қолда барда қадірлейік! – дейді аудан әкімінің орынбасары С. Нұрманов.
С. АЙБАР
