Шымкент келбеті

Шымкентке «Аңсаған сәби» бағдарламасы бойынша 2021 жылы — 403, биыл 413 квота бөлінген. Өткен жылы экстракорпоральді ұрықтандыру бағдарламасымен 105 келіншек жүктілік бойынша есепке алынған. Бұл туралы Шымкент қалалық денсаулық сақтау басқармасы басшысының орынбасары Сәуле Дүйсенбаева мәлімдеді.

Биыл Шымкентте 8841 отбасының тұрғынжайды жалдау ақысы субсидияланады деп жоспарлануда. Бұл туралы Шымкент қаласы әкімдігінің ақпараттық-коммуникациялық орталығында өткен брифинг барысында қалалық тұрғын үй басқармасының басшысы Ғалымжан Утенбаев мәлімдеді.

«Кітап — ақылына ақы сұрамайтын алтын қазына». Бұл түркі халықтарының ойшылы, ақын Әлішер Науаи айтқан пайым. Расында да, кітап оқырман таңдамайды, барлығына пайдалы ілім ұсынады, тіптен онысы үшін ақы да сұрамайды.
Шымкенттік кітапсүйер қауым үшін 2021 жыл жағымды жаңалыққа толы жыл болды. Себебі, қаладағы тозығы жеткен 10 кітапхана модернизациядан өтіп, оқырмандарына жаңа леп әкелді. Олардың қатарында Шымкент қалалық көзі көрмейтін және әлсіз көретіндерге арналған арнайы кітапхана ғимараты да бар. Бүгін осындай ерекше жандарға қызмет көрсетіп отырған ұжымның тыныс-тіршілігі мен мүмкіндіктері жайлы баяндамақпыз.

«Қыс мезгілінде ағаштардағы қарды сілкіп түсіру жұмыстары жасыл желек күтіміндегі көп бағыттың бірі ғана. Мұндай жұмыстар қауіпсіздік мақсатында адамдар жиі жүретін, көпшілік орындардағы 66 220 түп ағашқа қатысты. Оған бюджеттен 891,4 мың теңге қаржы қаралған». Шымкент қаласы әкімдігінің Ақпараттық-коммуникациялық орталығында өткен брифингте қала әкімінің орынбасары Ерғали Білісбеков осылай мәлімдеді.

Елімізде әрбір алтыншы жұп сәби сүйе алмайды. Ал, ажырасушылардың 20 пайызы ортақ сәбилерінің болмауынан некесін бұзуға мәжбүр. Бұл қазақстандықтар арасында жүргізілген әлеуметтік сауалнаманың деректері.
Мемлекет басшысы Қ.Тоқаев «Жаңа жағдайдағы Қазақстан: іс-қимыл кезеңі» атты Қазақстан халқына Жолдауында «Аңсаған сәби» арнайы бағдарламасын бастап, экстракорпоралды ұрықтандыруға квота санын жеті есеге көбейтуді тапсырған болатын. Үкімет 2021 жылдан бастап «Аңсаған сәби» арнайы бағдарламасын іске қосты. Ал, республикалық электрондық денсаулық сақтау орталығының мәліметінше, 2020 жылы 9 467 әйел бедеулік бойынша есепте тұрса, өткен жылы бұл есептегі әйелдердің саны 11 030-ға жеткен.

Драматург жазған пьесаны қоюшы режиссер сахнада сөйлетеді. Алайда, режиссер ойлаған образдың ашылуы мен оның көрерменге жетуі суретші қиялының ұшқырлығына тікелей байланысты. Газетіміздің тұрақты айдарының бүгінгі кейіпкері — Жаһангиров Сайдсұлтан Бақтиярұлы.

Еліміздегі 2020 жылғы пандемия кезінде жарияланған төтенше жағдайға байланысты мемлекеттік бюджеттен қаралған 7 миллиард 200 млн теңгеге жалпы саны 56 586 дана дербес компьютер, ноутбук және планшет алынған. Бұл туралы Шымкент қаласы әкімдігінің ақпараттық-коммуникациялық орталығында өткен брифингте қалалық білім басқармасының басшысы Жанат Тәжиева мәлімдеді.

Шымкенттегі көзі көрмейтін және әлсіз көретін азаматтарға арналған арнайы кітапханада Сабыр Рахымовтың 120 жылдығына арналған «Ел үмітін ақтаған, ер атағын сақтаған — Сабыр батыр» іс-шарасы өтті.