Шымкент келбеті

Ел Тәуелсіздігінің 30 жылдығына орай 8-шағынаудандағы жастар аллеясында «Кітап оқитын Шымқала» атты кітап алмасу іс-шарасы өтті.

Намысшыл қазақ жастарының ызғарлы желтоқсанда империяның сұрқия саясатына қарсы шығып, Қазақстанның еркіндігі мен бостандығы жолында бастарын бәйгеге тігуі Тәуелсіздік таңын жақындатты. Желтоқсаншылардың сол қаһарлы күндердегі қайсарлығы мен көзсіз ерлігі — бүгінгі жастарға үлгі-өнеге. Осындай желтоқсанның желіне тоңып, елі үшін ерлікке барған азаматтың бірі — Мұратбек Шекербеков.

Әл-Фараби атындағы қалалық ғылыми-әмбебап кітапханасында «Шымкент қаласының энциклопедиясы» қамтитын мәліметтерді саралау жиыны өтті. Басқосуға Шымкент қалалық мәслихатының хатшысы Б.Нарымбетов, энциклопедияны құрастырушы редактор М.Әбдәкімұлы, жазушы М.Байғұт, ОҚМПУ ректоры Г.Сүгірбаева және зиялы қауым өкілдері қатысты.

Елімізде 1-8 қараша аралығында кезекті жалпыұлттық халық санағының нақтылау кезеңі өтті. Ұлттық статистика бюросының 8 қарашадағы мәліметіне сәйкес, нақтылау жұмыстарының қорытындысы бойынша 19,6 миллионнан аса респондент санақтан өткен. Респонденттердің 42 пайыздан астамы онлайн-санақ функциясын пайдаланған.

Ел Тәуелсіздігінің 30 жылдығына орай Шымкенттегі Чернобыль апаты құрбандарына арналған гүлзарда «Кітап оқитын Шымқала» кітап алмасу шарасы өтті.

Әлем елдері COVID-19 вирусына қарсы екпені балалар мен жасөспірімдерге салдыруды бастап кетті. Ресми деректерге сүйенсек, Эстонияда 12-17 жас аралығындағы жасөспірімдердің 50 пайызы қыркүйек айына дейін екпенің бірінші компонентін алып үлгерсе, Германияда 12 жастан асқан әр бесінші бала екпе алған. Қытайда күзге дейін 12 миллионнан аса жеткіншекке екпе егілген. Көрші елде қажеттілікке қарай жасы үштен асқан бүлдіршіндерге де вакцина салдыруға рұқсат беріліпті. Таяуда Біріккен Араб Әмірліктерінің құзырлы органдары 3 жастан асқан балғындардың екпе қабылдауын мақұлдаса, Аргентина қазан айында қызу кірісіп кетті. Ал Италиядағы жағдай мүлде бөлек. Ата-анасы қарсы болса да, екпе алу кезінде баланың шешіміне басымдық беріледі.

Шымкент қалалық әзіл-сықақ және сатира театрының ұжымы — «Шымкент келбеті» және «Панорама Шымкента» газеттерінің тұрақты оқырманы. «Мерзімді баспасөз де театр сынды идеологияның басты құралы» дейді театрдың директоры Бақдәулет Оңғарұлы. Кезекті қойылым алдында театр директоры Б.Әмірқұлов пен актер, көрерменнің көзайымына айналған Жүсіп Ақшораұлы ағамызбен аз-кем сұхбаттасудың сәті түскен еді. Сәті түскен сұхбатты өздеріңізбен бөліскенді жөн көрдік.