Шымкент қаласының кәсіпкерлік және индустриалды-инновациялық даму басқармасы Әл-Фараби, Қаратау және Тұран аудандарында орналасқан көктас шеберханаларын, сынық металл қабылдау орындарын, брусчатка жасау цехтарын сыртқа көшіру бойынша түсіндірме жұмыстарын бастады.
Басқарма тарапынан ұсынылған Алтынтөбе шағынауданында орналасқан «Шымкент» (77га), Бозарық шағынауданында орналасқан «Солтүстік-1» (2,8га) және «Солтүстік-2» (2,6га) құрылыс материалдарын сатуға, өңдеуге арналған индустриалды аймақтары құрылған. Кәсіпкерлерге аталған аймақтардан заң шеңберінде жер телімін алу жолдары түсіндіріліп жатыр.
Айта кетейік, қала басшысының тапсырмасына сәйкес құрылыс материалдарын өңдеуге арналған кіші цехтарды және оларды сатумен айналысатын базарлар Құрсай, Бадам және Қызылсай шағынаудандарына көшірілуде.
Шымкент қаласы әкімінің баспасөз қызметі
