Тазалық жұмыстарына AMANAT партиясы Шымкент қалалық филиалының төрағасы Бахадыр Нарымбетов, партияның қалалық филиалы Атқарушы хатшының м.а. Бекайдар Төлегенов, партия өкілдері, партия жанындағы «Жастар Рухы» жастар қанатының мүшелері, зиялы қауым, ардагерлер, мәслихат депутаттары қатысты
– Акцияның басты мақсаты – елді мекендерді қоқыстан тазарту. Алдымен ластанған аумақтар картаға сызылады. Егер өзіміз өмір сүріп жатқан қала, еліміз-жеріміз таза әрі әдемі болсын десек, тазалықты алдымен өзімізден бастауымыз керек, – дейді акцияға қатысушылар.
«Таза бейсенбі» бір реттік науқан емес, AMANAT партиясының мүшелері әр апта сайын бас қосып, ең лас деген аумақтарды ретке келтіреді.
«Таза бейсенбі» акциясы Таза Қазақстан жобасы шеңберінде жалпы мақсаттарға қол жеткізу үшін, Қазақстандағы экологиялық жағдайды жақсарту және өмір сүру сапасын арттыру жолындағы маңызды қадам болады.
Г. ТЕМІРХАНҚЫЗЫ