Зообақта осыдан бір ай бұрын жыртқыш аңдардың саны екі абданмен толыққан еді. Абдан – Арыстанның баласы. «Шымкент зообағы» мекемесінің басшысы Нұрғазы Бұхарбаев сүйкімді қос абданды «Оңтүстік-Циркке» тапсыруға ұсыныс жасады.
Мұндай ұсынысты қуана қабыл алған цирк директоры Арман Әлиев аңдарды үйретуші маманмен бірге кішкентай жыртқыштармен танысып қайтты. Олардың денсаулығы жақсы. Қала тұрғындарының қызығушылығын оятқан абдандар енді цирк алаңында көрермен көзайымына айналады. Қос басшы қолға алған игі іс алдағы уақытта да жалғасатынын хабарлады.
– Келесі апта арыстанның балаларын толығымен «Оңтүстік цирк» мекемесіне жайғастырамыз. Ал оларға ат қоюға байқау жариялауды көздеп отырмыз, – дейді Арман Махмұтұлы.
