Шымкент келбеті

Теңге ілуден ҚР ұлттық құрамасы, 5-ші Дүниежүзілік көшпенділер ойындарында ел намысын қоррғайтын үш үздік спортшыны анықтады.

«Іріктеу сайыстарының нәтижесінде 3 стиль бойынша 3 үздік спортшыны анықтадық. 5-ші Дүниежүзілік көшпенділер ойындарында сайыстың барлық түрінен алтын иеленеміз деген сенім бар. Ол үшін бар мүмкіндігімізді пайдаланамыз», - деді ҚР Ұлттық және ат спорты түрлерінен мемлекеттік жаттықтырушы Нұркен Байбөриев.

Еліміздің ең үздік 6 теңге ілушісі Көшпенділер ойындарына тікелей жолдама беретін 3 орынды сарапқа салып, іріктеу ойындарына қатысты.

Спортшыларымыз «Қос құлаш», «Бес белес», «Жеті құт» стилдері бойынша бақ сынады. Қорытындылай келе, 5-ші Дүниежүзілік көшпенділер ойындарында ел намысын келесі спортшылар қорғайды:

«Бес белес» стилінен Бекнұр Серіков;

«Жеті құт» стилі бойынша Бақыт Төлтай;

«Қос құлаш» стилінен Рахат Қамбаров.

Бекнұр Серіков – Батыс Қазақстан облысының тумасы. 2018 жылы жасөспірімдер арасындағы ҚР чемпионатында 1-орын, 2020 жылы жастар арасындағы ҚР чемпионатында 1-орын, 2023 жылы І Азия кубогінің 1-орын иегері.

Бақыт Төлтай - 1998 жылдың 12 тамызында Шымкент қаласы, Арыс ауданы, Монтайтас ауылында дүниеге келген. 2021 жылы ересектер арасындағы ҚР чемпионатының қола жүлдегері, 2023 жылы ересектер арасындағы ҚР чемпионатында алтын және күміс медалінің иегері, 2024 жылы Азия чемпионатының алтын медалінің иегері.

Рахат Қамбаров - 2001 жылы Түркістан облысында туған. 2022 жылы Теңге ілу федерациясының бас жүлдесін, 2023 жылы өткен VI ҚР Ұлттық спорт фестивалінің бас жүлдесін, 2024 жылы Азия кубогын иеленіп, 2024 жылы өткен Азия чемпионатының алтын жүлдегері атанды.

«Мен бала кезімнен атқа жақын өстім. Теңге ілу спортына келуіме де себеп болған жылғықа деген махаббатым. Бүгінде 5-ші Дүниежүзілік көшпенділер ойындарына дайындық жоғарғы деңгейде өтіп жатыр. Ел намысын абыроймен қорғау үшін барымызды саламыз»,- деді теңге ілуден ұлттық құрама мүшесі Бақыт Төлтай.

Айта кетейік, теңге ілуден 5-ші Дүниежүзілік көшпенділер ойындары алдындағы қорытынды оқу-жаттығу жиыны 27 тамыз бен 7 қыркүйек аралығында Астанада болады. Оқу-жаттығу жиындарын ҚР Туризм және спорт министрлігінің Ұлттық және ат спорты түрлері орталығы ұйымдастырып отыр. Ал 5-ші Дүниежүзілік көшпенділер ойындарында теңге ілу бойынша жарыстар 11-13 қыркүйек аралығында Этноауыл аумағында өтеді.

Еске сала кетейік, Республикалық «Теңге ілу» федерациясы Қазақстан Республикасы Ұлттық спорт қауымдастығының құрамына кіреді. Қауымдастық құрамында бұдан өзге «Аударыспақ», «Көкпар», «Жамбы ату», «Садақ ату», «Бәйге», «Құсбегілік», «Асық ату», «JORYQ» ат спорты және т.б. федерациялар бар. ҚР Ұлттық спорт қауымдастығын Исламбек Салжанов басқарады.

Айта кетерлігі, 8-13 қыркүйекте Астана қаласында 5-ші Дүниежүзілік көшпенділер ойындары өтеді. Іс-шараға 89 елден 2000-нан астам спортшы қатысады деп жоспарлануда. 5-ші Дүниежүзілік көшпенділер ойындарының Бас демеушісі - ALAGEUM ELECTRIC, Ойындардың Бас серіктесі - Halyk Bank. Астанада өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады.

Мемлекеттік қызметшілердің әдеп кодексіне сәйкес қызмет атқаруы -қоғам мен мемлекет тарапынан ерекше сенім білдіру болып табылады. Әдеп жөніндегі уәкіл ретінде қала, аудан әкімі аппараттары мен жергілікті атқарушы органдары қызметшілеріне Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамаларын және Әдеп кодексі талаптарын сақтау мәселелері бойынша 34 түсіндіру жұмыстары ұйымдастырылып, 21 мемлекеттік қызметшіге түсінік берілсе, жеке және заңды тұлғаларға 12 азаматқа түсінік берілді.

Мемлекеттік қызметшілермен кездесу барысында - мемлекеттік қызметшілердің еңбекақы төлемі, жұмыс уақытынан артық қызмет жасаған жағдайда үстемақы төлеу мәселелері, еңбек заңнамасы аясындағы құқықтары, сонымен қатар аталған кездесулер аясында әдеп кодексі талаптарын сақтау, мемлекеттік қызмет және сыбайлас жемқорлыққа қарсы күрес және оған қарсы мәдениетті қалыптастыру жөнінде кеңестер берілді.

Жеке және заңды тұлғалармен кездесу барысында мемлекеттік қызметке орналасу, мемлекеттік органдарға жүгінгенде орын алатын кедергілер жайлы, мемлекеттік қызметшілерінің көпшілік алдында сөйлеуі мен мемлекеттік қызметтің қоғам алдындағы жауапкершілігі жөнінде ақпараттар мен оларға қолданыстағы заңнамалар аясында тиісті мемлекеттік органдар өкілдерінің қатысуымен кеңестер берілді.

Қазақстан Республикасы Мемлекеттік қызмет істері агенттігі төрағасы Әдеп жөніндегі уәкілдердің үлгілік жоспарын бекітті. Агенттік тарапынан бекітіліген жоспар Әдеп жөніндегі уәкілдердің жұмысын одан әрі жетілдіруге өз әсерін беруде. Өйткені Агенттіктің бастамасымен жүзеге асырылып жатқан бұзушылықтарды болдырмау, оларды алдын алуға, азаматтардың құқықтары мен заңды мүдделерін қорғауға бағытталған маңызды профилактикалық жұмыстар жүргізу болып табылады. Бекітілген жоспар бойынша мемлекеттік әкімшілік қызметке алғаш кірген және оны тоқтатқаннан кейін қайтадан кірген 46 мемлекеттік қызметшілерге сыбайлас жемқорлыққа қарсы және мемлекеттiк қызметте болуға байланысты шектеулерді сақтау, мемлекеттік қызметшілердің қызметтік әдеп стандарттарын сақтау, мүлікті сенімгерлікке басқаруға беру туралы жұмыстары ұйымдастырылды. Мемлекеттік органда іскерлік әдеп пен ресми мінез-құлық қағидаларын сақтау, ойын мекемесіне барудан тартыну және әріптестерге өзінің діни нанымдарын таңбауға, қол астындағы қызметшілерді діни бірлестіктердің қызметіне қатысуға мәжбүрлемеу мәселелерін түсіндіру бойынша қаладағы аудан әкімі аппаратында діни өкілдерінің қатысуымен іс-шара ұйымдастырылды.

Мемлекеттік әкімшілік қызметшілерге қатысты олардың әкімшілік жауаптылыққа тартылуы жағдайына тоқсан сайын мониторинг жүргізіледі, оның нәтижелері бойынша қызметтік әдеп нормаларын бұзу фактілері анықталған жағдайда, тиісті қызметшілердің тәртіптік жауаптылығын қарау немесе профилактикалық жұмыс жүргізу бойынша шара қолдану бойынша тиісті мемлекеттік органға ұсынылады. Мемлекеттік органның мемлекеттік қызметшілерінің қызметтік әдеп нормаларын сақтауы, сыбайлас жемқорлыққа қарсы мәдениетті қалыптастыру мәселелері мен мемлекеттік қызмет туралы бойынша баспа басылымдарында мақалалар ай сайын жергілікті «Шымкент келбеті» газеті беттерінде жарияланып тұрады.

Мемлекеттік органның оң имиджін және ұжымда жағымды ахуал қалыптастыруға елеулі үлес қосқан азаматтарды көтермелеу мақсатында мерекелік күндер қарсаңында 51 мемлекеттік қызметші қала әкімінің «Алғыс хатымен» марапатталды. Қазақстан Республикасының Мемлекеттік қызмет істері агенттігі төрағасының 2023 жылғы 29 мамырдағы №121 бұйрығымен мемлекеттік органдардың жұмыс уақыты режимін сақтауына мониторинг жүргізу қағидасы талаптарын орындау мақсатында Қазақстан Республикасының Мемлекеттік қызмет істері агенттігінің Шымкент қаласы бойынша департаментімен бірлесе отырып жұмыстан тыс уақытта үстеме жұмысқа негізсіз тартқан жергілікті атқарушы органдарына рейдтік іс-шара ұйымдастырылды. Рейд барысында жұмыстан тыс уақытта жұмысқа тартылған мемлекеттік органдар басшыларына түсінідірме жұмыстары жүргізіліп, бұзушылықтарды болдырмау және бұзушылықтарға жол берген қызметшілерді алдағы уақытта жауапқа тартылатыны қатаң ескертілді. Қызметтік әдеп нормаларын сақтау және ұжымда моральдық-психологиялық ахуалдың жағдайына талдау жүргізу мақсатында ағымдағы жылдың 1-ші жартыжылдығында жүргізілген анонимді сауалнамаға 624 мемлекеттік қызметшілер қатысты, нәтижесінде мемлекеттік органдарда моральдық-психологиялық ахуал өз деңгейінде, тұрақты екендігі анықталды. Мемлекеттік қызметшілермен заңмен белгіленген шектеулер мен тыйым салуды сақтауды қамтамасыз етуге, оның ішінде мүдделер қақтығысын болдырмау мен алдын алуға бағытталған талдау жүргізіліп, кемшіліктер орын алмады.

Әдеп жөніндегі уәкілдер мемлекеттік органда корпоративтік мәдениетті қалыптастыру, салауатты әлеуметтік психологиялық еңбек ахуалын нығайту, халықпен сындарлы диалог орнату және сыбайлас жемқорлық тәуекелдерін болдырмау бөлігінде маңызды рөл атқарады, сондай-ақ мемлекеттік қызметшілер мемлекеттік қызметтің негізгі тұтынушысы саналатын халықтың талабына барынша икемді, жұртшылықпен жұмыс істеуге дайын болуы және өз жұмысының ашықтығын қамтамасыз етуі тиіс екендігін көрсету керек.

Мұратжан АКИШЕВ,
Шымкент қаласы әкімі аппаратының
Әдеп жөніндегі уәкіліa

Шымкент қаласының «Мәдениет, тілдерді дамыту және архивтер» басқармасының ұйымдастыруымен ақын, «Алаш» әдеби сыйлығының иегері, Ханбибі Есенқарақызының 75 жылдығына арналған «Ханбибінің биігі» республикалық жыр мүшәйрасын жариялайды.

Мақсаты: Қазақ поэзиясының классигі, көрнекті ақын Ханбибі Есенқарақызының шығармашылығын кеңінен насихаттау. Ақынның шабытты өмір жолы мен қайраткерлік болмысын тереңірек тану.   Шайырларымыздың ішкі мүмкіндіктерін ашып, әдеби үрдісте дарынды ақындардың жарқырап көрінуіне жол ашу. Жас таланттар мен оқырмандардың, әдебиеттегі аға буын мен жас толқынның пікірлес орта табуына арқау болу және қазақ поэзиясына жаңа шығармалар ұсыну.

Ережесі мен шарттары: Мүшәйраға Қазақстан Республикасында тұратын кез келген ақын қатыса алады. Жасқа шектеу қойылмайды.

Мүшәйра екі кезеңнен тұрады:

Бірінші кезең: Мүшәйраға қатысуға өтініш білдірген барлық ақындар еркін тақырыпта бір өлең және Ханбибі Есенқарақызына арналған бір өлең жібереді. Әр өлеңнің көлемі Times New Roman шрифтімен, 14 қаріппен 3 беттен аспауы керек. Шығармалар электрондық пошта немесе WhatsApp арқылы 27 қыркүйекке дейін қабылданады.

Екінші кезең: Қазылар алқасы ең мықты деп танылған он ақынды іріктеп алады. Іріктелген ақындарға Шымкент қаласында өтетін Ханбибі Есенқарақызының шығармашылық кешіне жолдама беріледі. Шығармашылық кешке жолдама алған 10 ақын да қомақты қаржылай сый-сяпатқа ие болады.

Шығармашылық кеш қазан айында өтеді.

Ескерту: Қазылар алқасының шешімі қайта қарауға жатпайды. Қазылар алқасының ұсынысымен тағайындалған жүлделерді бөлуге, көбейтуге, қосуға болады.

Жүлде қоры

Бас жүлде – 1 000 000 теңге (1 ақынға беріледі)

1 орын – 700 000 теңге (1 ақынға беріледі)

2 орын – 500 000 теңгеден (2 ақынға беріледі)

3 орын – 300 000 теңгеден (3 ақынға беріледі)

Арнайы жүлде – 150 000 теңгеден (3 ақынға беріледі)

Ақындардың келіп-кету жол шығындары мен қонақ үйі, тамағы ұйымдастырушылар тарапынан төленеді.

Байқауға қатысу үшін ұсынылатын құжаттар:

- Үміткерлердің шығармашылық өмірбаяны;

- Екі дана түрлі-түсті фотосуреті;

- Жеке куәлігінің көшірмесі;

- Байланыс телефондары.

Байқауды ұйымдастырушылар: Шымкент қаласы «Мәдениет, тілдерді дамыту және архивтер» басқармасы.

Байланыс нөмірі: 87015821339

Электронды пошта: qaratau_mektebi @mail.ru

Олимпиадалық даярлау орталығында 8 тамыз күні 5-ші Дүниежүзілік көшпенділер ойындарында Қазақстан құрамасынан ел намысын қорғайтын спортшылар есімі белгілі болды.

Еліміздің ең үздік 6 теңге ілушісі Көшпенділер ойындарына тікелей жолдама беретін 3 орынды сарапқа салып, іріктеу ойындарына қатысты. Спортшыларымыз «қос құлаш», «бес белес», «жеті құт» стилдері бойынша бақ сынады. Қорытындылай келе, 5-ші Дүниежүзілік көшпенділер ойындарында ел намысын «бес белес» стилінен Бекнұр Серіков, «жеті құт» стилі бойынша Бақыт Төлтай, ал «қос құлаш» стилінен Рахат Қамбаров қорғайды.

Теңге ілуден 5-ші Дүниежүзілік көшпенділер ойындарына қатысатын Қазақстан ұлттық құрамасы келесідей:

1. Рахат Қамбаров - 2001 жылы Түркістан облысында туған. 2022 жылы Теңге ілу федерациясының бас жүлдесін, 2023 жылы өткен VI ҚР Ұлттық спорт фестивалінің бас жүлдесін, 2024 жылы Азия кубогын иеленіп, 2024 жылы өткен Азия чемпионатының алтын жүлдегері атанды.

2. Бақыт Төлтай - 1998 жылдың 12 тамызында Шымкент қаласы, Арыс ауданы, Монтайтас ауылында дүниеге келген. 2021 жылы ересектер арасындағы ҚР чемпионатының қола жүлдегері, 2023 жылы ересектер арасындағы ҚР чемпионатында алтын және күміс медалінің иегері, 2024 жылы Азия чемпионатының алтын медалінің иегері.

3. Бекнұр Серіков – Батыс Қазақстан облысының тумасы. 2018 жылы жасөспірімдер арасындағы ҚР чемпионатында 1-орын, 2020 жылы жастар арасындағы ҚР чемпионатында 1-орын, 2023 жылы І Азия кубогінің 1-орын иегері.

Еске сала кетейік, теңге ілуден 5-ші Дүниежүзілік көшпенділер ойындары алдындағы қорытынды оқу-жаттығу жиыны 27 тамыз бен 7 қыркүйек аралығында Астанада болады. Ал Ойындарда теңге ілу бойынша жарыстар 11-13 қыркүйек аралығында Этноауыл аумағында өтеді.

Айта кетерлігі, 8-13 қыркүйекте Астана қаласында 5-ші Дүниежүзілік көшпенділер ойындары өтеді. Іс-шараға 89 елден 2000-нан астам спортшы қатысады деп жоспарланған. Астанада өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады. 5-ші Дүниежүзілік көшпенділер ойындарының Бас демеушісі – ALAGEUM ELECTRIC, Ойындардың Бас серіктесі – Halyk Bank.

Барлық жарысқа билеттерді ресми билет операторының www.zakazbiletov.kz сайтынан сатып алуға болады.