Шымкент келбеті

немесе тамыз кеңесінде педагогика саласының өзекті мәселелері қаралды

Шымкент қаласындағы «Tulip Hall» мәдени орталығында «Digital kazakhstan:жаңа замандағы білім беру» тақырыбында білім саласы қызметкерлерінің дәстүрлі тамыз кеңесі өтті. Басқосуға Шымкент қаласының әкімі Ғабит Сыздықбеков пен Шымкент қалалық мәслихатының төрағасы Бахадыр Нарымбетов қатысып, ізгі тілегін білдірді.

Қазақстан Республикасының Президенті Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында еліміздің экономикасын дамытудың басым бағыттары негіздеп берілгені белгілі. Мемлекет басшысы бірінші кезекте өңдеу саласын жедел дамытуға назар аударып, сапалы өнім шығаратын кластерлер құру және өз нарығымызды отандық өніммен толық қамтамасыз ете алатын жағдайға жетуді көздеп отыр.

ҚР Парламенті Мәжілісінің депутаты, «AMANAT» партиясы фракциясының мүшесі Болатбек Нажметдинұлы Шымкент қаласына жұмыс сапары аясында тұрғындармен кездесіп, мәселелерін тыңдады. Атап айтқанда, Шымсити шағын ауданында «Дамдес Отау» тұрғын үй кешеніндегі өзекті мәселелер бойынша тұрғындармен жүздесіп, әлеуметтік аз қамтылған отбасыларға берілген тұрғын үйдің сапасын тексерді.

Шымкент қаласының әкімі Ғабит Сыздықбеков қаланы кезекті аралауы барысында Достық шағын ауданының тұрғындарымен кездесті. Азаматтармен бірге асфальт төсеу, ішкі орам көшелерін жарықтандыру және қоғамдық көлік бағытын оңтайластыру сынды бірқатар өзекті мәселелерді талқылады. Шаһар басшысы жауапты мамандарға тұрғындармен бірге көшелердің тізімін жасап, алдағы жоспарға енгізуді тапсырды.

Осы аптада «AMANAT» партиясы Шымкент қалалық филиалында «Құқықтық көмек» жобасы аясында тақырыптық қабылдау өтті. Балалардың құқығын қорғау, оларға қатысты заң бұзушылық жағдайлары бойынша ұйымдастырылған кездесуге бірнеше басқармалардан жауапты мамандар келді. Адвокаттар, әділет департаментінің өкілдері қала тұрғындарының сұрақтарына жауап берді.

Үшінші мегаполисте «Бір ауыл – бір өнім» жобасына қатысушылардың жәрмеңкесі өтті. Іс-шараға жалпы 40-қа жуық кәсіпкер қатысып, өз өнімдерін көпшілік назарына ұсынды.

ҚР Президенті Қасым-Жомарт Тоқаев Қазақстан халқына Жолдауында өңірлерді дамыту мәселесіне баса назар аудару керектігін айтқан болатын. «Еліміздің өркендеуі өңірлердің дамуына тікелей байланысты. Қазір Қазақстан дамудың жаңа кезеңіне қадам басты. Әлеуметтік, экономикалық және демографиялық ахуал мүлде басқа. 2019 жылғы Жолдауда айтқан «Қуатты өңірлер, қуатты ел» деген ұстанымым – күні бүгінге дейін әлі өзекті мәселе», – деді Мемлекет басшысы.