Қала бюджетінің кірісі ұлғайған

Пятница, 20 Октябрь 2017 10:32

Ағымдағы жылдың 9 айында Шымкент қаласы бюджетінің өзіндік кірістер жоспары 38,4 миллиард теңгені құрады. Яғни, жоспар 1,9 миллиард теңгеге артығымен орындалған. Бұл жөнінде қала әкімі Ғабидолла Әбдірахымовтың төрағалығымен өткен мәжілісте баяндама жасаған қалалық экономика және қаржы бөлімінің басшысы Кенжебек Жанбосынов мәлім етті.

 

– Кәсіпкерлік саласында 7 904 жеке кәсіпкер және 1 583 заңды тұлға айналым қаражаттарының жетіспеуінен қызметін уақытша тоқтатуға тура келген. Ал ауылшаруашылығы саласында өткен жылдың тиісті кезеңімен салыстырғанда егістік алқабы 8,7 пайызға кеміген, – дедi ол.

Мұнан кейін «Су ресурстары маркетингі» ЖШС-нің мемлекеттік «Нұрлы жол» бағдарламасы аясында Анарбек Орман биыл республикалық бюджеттен 4 миллиард теңгеге жуық қаржы жұмсалғанын айтты. Мекеме басшысының айтуынша 6 шағынауданда 17 мың үйге кәріз жүйелері тартылған. Дегенмен, күні бүгінге дейін тек 315 үй ғана кәріз жүйесіне қосылыпты.

– Әрбір үйдің көше бойына жүріп өткен кәріз жүйесінен құбыр тартып, жүйеге қосылуы үшін шамамен 150-180 мың теңге аралығында қаржысы жұмсалады. Ал жүйеге қосылуға асықпайтындардың қатары көп. Осы істе қолдау көрсетулеріңізді сұранамын, – деді Анарбек Орман.

Қала әкімі бұл мәселеге орай, тұрғындар арасында түсіндіру жұмыстарын күшейтуді тапсырды. 

Сондай-ақ, қалалық жолаушылар көлігі және автомобиль жолдары бөлімінің басшысы Қуатжан Жұматаев қоғамдық көліктердің бүгінгі ахуалына талдау жасады. Өз кезегінде, қала әкімі тиісті сала мамандарына әрбір аялдама бойынша автобус кестесін әзірлеуді, арнайы қоқыс жәшіктерін орнатуды және аялдамаларды жарықтандыруды міндеттеді.

Келер жылдан бастап атаулы әлеуметтік көмек форматы өзгереді. Облыстық жұмыспен қамтуды үйлестіру және әлеуметтік бағдарламалар басқармасының өкілдері осынау жаңалықты  халыққа түсіндіру жұмыстарын бастап кетті.  Қазірдің өзінде Сайрам, Төлеби аудандарының салаға жауапты қызметкерлері оқыту семинарынан өткен. Енді олар  атаулы әлеуметтік көмек көрсету тәртібінің өзгерістерін халыққа жан-жақты түсіндіріп беретін болады.

shymkala-83-2

Жаңаша атаулы әлеуметтік көмекті тағайындаудағы басты мақсат - халықты жалқаулықтан арылтып, жәрдемге мұқтажадарды кедейшілік құрсауынан шығару болып табылады. Бұл көмек табысы ең төменгі күнкөріс деңгейінің 50 пайызынан төмен отбасылар мен азаматтарға шартсыз немесе шартты ақшалай көмек түрінде тағайындалады. Шартсыз ақшалай көмек еңбекке қабілетті мүшелері жоқ отбасыларға тиесілі болады. Ал шартты ақшалай көмек жұмысқа қабілетті кем дегенде бір мүшесі бар аз қамтылған отбасыларға ұсынылады. Алайда бұл ретте олар жұмыспен қамтудың белсенді шараларына міндетті түрде қатыстырылады. Әлеуметтік келісімшартқа қол қоя отырып, тараптар өзара міндеттер алады. Әлеуметтік қызметтер – жұмыспен қамтуға жәрдемдесуге күш салуға және төлемдерді төлеуге, ал отбасының еңбекке қабілетті мүшелері – отбасын аз қамтылған топ құрамынан шығаруға бағытталған әлеуметтік бейімдеу мен жұмыспен қамтуға жәрдемдесу шараларына адал қатысуға міндеттенеді.

shymkala-83-1

«Жаңаша формат тұрғынға жай ақшалай көмек беріліп қана қоймай, оның жұмысқа тұруына қолдау көрсетуге мүмкіндік береді. Түрлі қайта даярлау және біліктілігін арттыру курстарына жіберіліп, шағын несие де беріледі. Осылайша, отбасының кедейшілік шегінен шығуға әлеуеті ынталандырылады. Ал осынау кешенді шараларды жүзеге асыру үшін басқармаға бағынысты мекемелердің материалдық-техникалық мүмкіндіктерін күшейту қажет»,- дейді облыстық халықты жұмыспен қамтуды үйлестіру және әлеуметтік бағдарламалар басқармасының басшысы Мұхит Отаршиев.

Ол сондай-ақ,   көп құжаттамалардың электронды түрде жүргізілетінін жеткізіп, жергілікті билік өкілдеріне осы мәселені мықтап қолға алу қажеттігін атап өтті.

Айта кетейік, атаулы әлеуметтік көмек көрсетудің жаңа тәсілдері «Өрлеу» жобасы аясында сынақтан өткізіле отырып, өзінің тиімділігін көрсетті.  Облыста осыған дейін құрамында 100 мыңнан аса адамы бар 20 мыңдай отбасы осынау көмекке қол жеткізіпті. Оның ішінде жобаның 22 мыңнан аса еңбекке қабілетті мүшесі жұмыспен қамтудың белсенді шараларына қатысқан. Бұл жобаға қатысушылардың табысының 4,2 есеге дейін өсуіне мүмкіндік берді. Көңіл қуантарлығы сол, бұл бағыттағы шараларды іске асыруда облыс бүгінде республикада көш бастап тұр.

ОҚО әкімінің баспасөз қызметі

DSC 5971

Қазіргі таңда қалада 30 көлік компаниясы 76 бағыт бойынша халыққа қызмет көрсетеді. Күніне 1200-ге жуық шағын және үлкен автобустар жолға шығады.

Кеше қала әкімінің тапсырмасына орай қалалық жолаушылар көлігі және автомобиль жолдары бөлімінің басшысы Қуатжан Жұматаев көлік компанияларының басшыларымен кездесу өткізді. 

– Қазан айының 1-10 аралығына мониторинг жүргіздік. Тұрғындар тарапынан кешкі уақытта жиілікті сақталмайтыны туралы көптеген бізге сын-ескертпелер айтылды. Жеті компаниямен келісім-шартты бұзғалы жатырмыз. Олар – 134, 12 а, 38, т.б., бағыттағы автобустар. Жалпы, рейд барысында автобус жүргізушілердің және кондукторлардың киім үлгісін сақтамауы, тазалық мәселесі, жүргізушілердің мәдениетсіздігі сынды шағымдар көп айтылады. Кейбір жүргізушілер құлаққап киіп алады, телефонмен сөйлеседі, әлеуметтік желіде отыратындары да бар. Бүгінде нашар қызмет көрсетіп жатқан тасымалдаушылар жылдың соңына сапаны жақсартпаса, біз олармен қоштасамыз, – деді бөлім басшысы Қ. Жұматаев. 

Жиында «Автоимпульс», «Экспресс», «Ордабасы», «Асыл транссервис» мекемелерінің автобустары, «Greenbus» компаниясына қарасты 103, 19 бағыттар да кешкі жиілікті сақтамайтыны айтылды. Бұл мәселе бойынша көлік компаниялары GPS құрылғысының істен шыққанын айтып, ақталды. Бөлім басшысы құрылғылар істемей қалды деген уәждің негізсіз екенін айтып, ондай жағдайда қосалқысы дайын тұруы тиістігін ескертті. 

Жиын соңында Қ. Жұматаев көлік компаниясы басшыларына қоғамдық көлікке мініп, жағдайды көзбен көруді міндеттеді.

aq-paraq

Қазақстан Жазушылар Одағы ОҚОФ төрағасы, белгілі ақын Бақытжан Алдиярдың «Ақ парақ» атты жаңа кітабы жарыққа шықты. Онда ақын өлеңдерінің топтамасы мен аудармалары жинақталған.

– Әлемге әйгілі түрік ақыны Мәулана Атаи мен Бабыр шаһтың ғазалдары қазақ тіліне алғаш рет аударылып отыр. «Ақ параққа» осы еңбегімді де толық қостым, – дейді Б. Алдияр.
Кітаптың тұсаукесері 20 қазан күні сағат 11:00-де Оңтүстік Қазақстан мемлекеттік педагогикалық институтының 317 кабинетінде өтеді.

Шымкенттің қыздары бабында

Среда, 18 Октябрь 2017 05:02

Швейцарияның Ньон қаласында әйелдер арасындағы Чемпиондар лигасының 1/8-финалдық жеребесі тартылды.

biik-1

Соңғы жылдары ел біріншілігінде қарсыластарына дес бермей жүрген шымкенттік «БИІК-Қазығұрт» клубы Францияның 15 дүркін жеңімпазы «Лион» командасымен кездесетін болды. 

Бірінші ойын Шымкентте, қарымта матч Францияда өтеді. Сонымен қатар, өз елінің кубогын 9 рет жеңіп алған «Лион» УЕФА Чемпиондар лигасында да төрт рет топ жарған. Екі рет финалына шыққан. «Лион» бүгінде Еуропаның маңдайалды лигасында қарсылас шақ келтірмей жүр. Соңғы екі жылда қатарынан Чемпиондар лигасының жеңімпазы атанды. 

Сонымен, лиганың бірінші ойыны 8/9 қарашада, қарымта матчы 15/16 қарашада сарапқа салынады. 

Айта кетейік, «БИІК-Қазығұрт» Еуропа Чемпиондар лигасының 1/8-финалына екінші жыл қатарынан шығып отыр. Биыл шымкенттік команда 1/16 финалда Шотландияның «Глазго» клубын саптан шығарған болатын. Өз алаңында 3:0 есебімен жеңіске жеткен «БИІК-Қазығұрт» сырт алаңда 1:4 есебімен қарсыласына жол берген. Дегенмен, сырт алаңдағы соғылған доптың нәтижесінде, келесі кезеңге өту мүмкіндігіне шымкенттік арулар қол жеткізген еді.

Дәуір дастангері – 90 жаста

Среда, 18 Октябрь 2017 04:59

Жазушы-драматург, Қазақстанның еңбек сіңірген қайраткері, Халықаралық «Алаш» сыйлығының лауреаты Еркінбек Тұрысов биыл  90 жасқа толды.

shymkala-82-5

Осыған орай Шымкенттегі «Түркістан сарайында» мерекелік кездесу кеші өтті. Салтанатты шараға ақын-жазушылар мен зиялы қауым өкілдері қатысты.

Торқалы 90 жасқа келіп, кемелденген азаматтың 600-ге жуық тарихи, көркем публицистикалық шығармалары оқырманның көңілінен шыққан. Қаламгер жазған «Келіншектау», «Ақбақай», «Замана перзенттері», «Мәңгілік сарын» атты дүниелер – ұлттық әдебиетіміздің ұлағатты туындылары саналады. Еркінбек Тұрысовтың шығармашылығына Заманымыздың заңғар жазушылары Мұхтар Әуезов, Шыңғыс Айтматов, Ғабит Мүсірепов, Бауыржан Момышұлы және Қасым Қайсенов сынды тұлғалар жоғары баға беріп, пікір білдірген. Есімі елге танылған азамат саналы ғұмырында өңірдегі қарашаңырақ “Оңтүстік Қазақстан” газетінде абыроймен еңбек еткен. Айта кетерлігі, биыл қыркүйек айында автордың екі томдық шығармалар жинағы «Қазығұрт» баспасынан жарыққа шықты.

Мерекелік кешке жиналған әдебиетсүйер қауымның қарасы қалың болды. Тоқсанның төріне шыққан жазушыға, оқырмандары мен қалам тербеп жүрген ақын-жазушылар ақжарма тілектерін жолдап, құрмет көрсетті.

MAX 0561-696x465Қалалық ішкі істер басқармасы мен жергілікті полиция қызметінің басшылары автобус жүргізушілерінің жол жүру мен жолаушылар тасымалдау ережесін сақтауын қамтамасыз етуі тиіс.
 
Бұл туралы бүгін шаһар басшысы Ғабидолла Әбдірахымовтың төрағалығымен қоғамдық көлік проблемаларына байланысты өткен мәжілісте айтылды.
 
Шымкенттің әкімі бұған қоса қалалықтардан әр ереже бұзу фактісін тіркеп, тиісті фото-видео материалдарды call-орталыққа 545-545 нөмірі арқылы, +7 777 885 8513 whatsapp нөмірі арқылы және қалалық әкімдіктің Instagram және Facebook әлеуметтік желілеріндегі аккаунтына хабарлама ретінде жіберуді сұранды.
 
641651Бұл туралы бүгін шаһар басшысы Ғабидолла Әбдірахымовтың төрағалығымен қоғамдық көлік проблемаларына байланысты өткен жиналыста белгілі болды, деп хабарлайды қала әкімдігінің баспасөз қызметі.
 
– Біз қозғалыс кестесі мен жол жүру ережесін сақтау, автобустардың лық толуын, жүргізушілер мен кондукторлардың дөрекілігін, салондардың тазалығы мәселесін бірнеше рет талқыладық... Әр талқылауда мені бұл мәселелер шешіледі деп сендіруімен болды, – деп бастады жиналысты қала әкімі.
 
Ғабидолла Әбдірахымов жағдай өзгермегенін, қалалық әкімдікке тұрғындардан қоғамдық көліктің жұмысына байланысты мыңдаған шағым түсетінін айтты. "Яғни, жағдайды бақылауда ұстап тұрған жоқпыз. Ендеше, басқаша әрекет ететін боламыз" - деді қала әкімі.
 
Қызметтік көлікті пайдалануға 1 ай мерзімге тыйым салынады. Өкім қала әкімі, оның орынбасарларына, бөлім басшылары мен аудан әкімдеріне, олардың орынбасарларына, сондай-ақ, коммуналды мекемелер мен ұйымдардың жетекшілері қатысты. Барлық қызметтік көлік қалалық әкімдіктің көлік тұрағына қойылады. Шаһар басшысы бұған қоса қалалық әкімдіктегі жиналыстар мен кездесулерді барынша азайтуды тапсырды.
 
Ғабидолла Әбдірахымов жолаушылар көлігі бөлімінің жетекшісі мен осы саланы бақылайтын орынбасарына осы салада тәртіп орнату үшін 8 апта уақыт берді. Осы уақыт ішінде қоғамдық көлік қозғалысы кестесінің сақталуы, автобустардың лық толуы, салондардың тазалығы мен жүргізуші-кондукторлардың мәдениеттілігі секілді мәселелер шешіліп, аялдамаларға ақпараттық бағыттауыштар орнатылуы тиіс.
Страница 1 из 212