Құрметті қыз-келіншектер, әпке-қарындастар және замандастар!
Сіздерді жылы шырайлы көктемнің алғашқы күндері барша жұрттың көңілін жадырата келе жатқан 8 наурыз – Халықаралық әйелдер күнімен шын жүректен құттықтаймыз!
Тәуелсіз еліміздің нығайып, әлем таныған мемлекетке айналуына асыл аналарымыз, ардақты жеңгелеріміз бен апа-әпке, қарындастарымыздың өлшеусіз үлес қосқандығы ақиқат. Ақ жаулықты аналарымыз еріне – тірек, ел бірлігіне – тұтқа болған. Қыздарымыз адалдық пен сұлулықтың, батырлық пен ерліктің өшпес өнегесін көрсеткен.
Елбасының «Әйел – өмір тірегі ғана емес, әйел – өмірдің өзі» деп атап өтуі зор сүйіспеншілік туғызады. Қазіргі кезде қоғамдық өмірдің кез келген саласын әйелдерсіз елестету мүмкін емес. Сіздер отбасы берекесімен бірге шырайлы Шымкент қаласын нығайту ісінде де еселі үлес қосып келесіздер. Білім беру, денсаулық сақтау, мемлекеттік қызмет, кәсіпкерлік салаларында да әйелдер абыройлы қызмет атқаруда. Сонымен қатар, еліміздің демографиялық ахуалына мол үлес қосуда.
Қадірлі аналар, аяулы қыз-келіншектер!
Көктемнің гүліндей құлпырып, әсемдіктің, әдеміліктің үлгісі болып, бақытты да баянды ғұмыр кешіңіздер!
Мереке құтты болсын! Әрбір шаңыраққа шаттық пен бақыт, отбасының амандығын, еліміздің өсіп-өркендей беруін тілейміз!
Дархан САТЫБАЛДЫ,
Шымкент қаласының әкімі.
Нұрлан БЕКНАЗАРОВ,
қалалық мәслихаттың хатшысы.