Ұлы Жеңістің 70 жылдығына арналған мерекелік іс-шаралар, байыпты бастамалар жер-жерде өтіп жатыр. Облыстық филармонияда басталған ардагерлер арасындағы «Қайран ерлер, қаһарман ардагерлер» облыстық фестивалінің жастарға берер тағылымы мол.
Патриоттық әндерге сусаған қала тұрғындары таңертеңнен облыстық филармонияға жиылды. 40- жылдардағы өршіл рухты әуендерді есіте бермейтініміз анық. Түрлі ұлт өкілдері соғыс жылдарындағы танымал әндерді әуелетті.
Облыстық мәдениет басқармасы, облыстық ардагерлер кеңесі бірлесе ұйымдастырған фестивальге облыстың барлық аудан, қалалардың өнерпаздары қатысты. Мұндай іс-шаралар жасөспірімдерді патриоттыққа тәрбиелейді. Отанын сүюге жетелейді. Облыс әкімінің орынбасары Сәкен Қаныбеков мәдени іс-шараға қатысушыларды құттықтады.
Ардагерлердің орындауындағы патриоттық әндер фестивалі бүгін де жалғасып, жеңімпаздар мен жүлдегердің есімі анықталады.