“Оңтүстік - Цирк” директоры Арман Махмұтұлы цирк әртістерімен бірге № 2 Төлеби балалар үйінде болды. Балғындар Шымкенттен арнайы келген цирк ұжымының өнерін тамашалады.
Сайқымазақтар балаларды күлкіге кенелтсе, акробаттар таңғажайып қойлымдарымен көтеріңкі көңіл күй сыйлады. Өз кезегінде балалар да әртістерге өнер көрсетті. Әннен шашу шашып, би көрігін қыздырды. Сондай-ақ цирк басшысы тәрбиеленуші 80 балаға Ресейдің "ЕУРОЦИРК" циркінің жаңа бағдарламасына шақырып, билеттер ұсынды.
Шараның өткізілуіне белгілі айтыскер ақын Ақмарал Леубаева мен журналист Берік Сұлтан мұрындық болды. Осылайша төлебилік балғындар цирк өнерінің қыр-сырымен танысып, қуанышқа кенелді.
Акция Арыс балалар үйінде жалғасады.
