Құрметті әріптестер!
Оқырманды рухани дүниелермен сусындатып, күнделікті жаңалықтарды жедел жеткізуге тырысатын «Шымкент келбеті» және «Панорама Шымкента» газеттері 25 жылдық тарихты артқа тастады. Оңтүстік өңірі бұқаралық ақпарат құралдарының көптігімен де ерекшеленеді. Дегенмен, Шымкенттің шамшырағына айналған қалалық басылымдардың орны бөлек. Қос басылымның өңір журналистикасының, үшінші мегаполистің дамуына қосқан үлесі қомақты.
Оқырмандарының сенімін арқалаған «Шымкент келбеті» және «Панорама Шымкента» газеттерінің бүгінгі буынын – редакция ұжымын 25 жылдық мерейтоймен құттықтаймын! Шығармашылықтарыңыз шыңдалып, қаламдарыңыз мұқалмасын, оқырман ойын дөп басып, әр отбасының сенімді серігі болудан айнымаңыздар, баянды бақыт, зор денсаулық тілеймін!
Сейітқазы МАТАЕВ,
Қазақстан Журналистер одағының төрағасы,
Алматы қаласы
