Шымкент келбеті

28 cәyip – Дүниежүзілік еңбекті қорғау күні аясында ОҚО еңбек инспекциясы жөніндегі басқармасының ұйымдастыруымен өңірдегі мекемелер мен кәсіпорындар арасында өткізілген конкурстың жеңімпаздары анықталды. Үздіктер Шымкенттегі «Химфарм» фармацевтикалық орталығының ғимаратында марапатталды.

Халықаралық Еңбек Ұйымының шешімі бойынша 28 сәуір – Дүниежүзілік еңбекті қорғау күні ретінде халықаралық деңгейде аталып өтеді. Атаулы күнге орай ОҚО еңбек инспекциясы жөніндегі басқармасы жыл сайын осы күні жұмыс берушілердің облыстық одағымен және облыстық кәсіподақтар кеңесімен бірлесіп, өңірдегі кәсіпорындар, мекемелер арасында еңбекті қорғау бойынша байқау-конкурсын өткізіп келеді.
Бұл жөнінде аталған жиында сөз алған Облыстық еңбек инспекциясы жөніндегі басқарма басшысының орынбасары, комиссия төрағасы Қайрат Төлебаев баяндап өтті.
– Іс-шараның негізінде 4 номинация бойынша байқау жарияланды. Байқау жеңімпаздарын бұл ретте арнайы комиссия мүшелері анықтады, – деді Қ. Төлебаев.
Жиында комиссия мүшелерінің ортақ шешімі бойынша үздік мекемелер анықталды. Нәтижесінде, «Үздік қауіпсіз кәсіпорын» номинациясы бойынша «Шымкентцемент» ЖШС-нің Бас директоры Гобриэль Морэн және «Үздік еңбекті қорғау қызметі» номинациясымен «Химфарм» АҚ-ның еңбек қауіпсіздігі және еңбек қорғау қызметінің басшысы Темірлан Ермағанбетов марапатталды.