ҚАЛАЛЫҚ МӘСЛИХАТҚА ЖАҢА ДЕПУТАТ КЕЛДІ Избранное

Среда, 19 Июнь 2024 06:56 Автор  Опубликовано в Қала Прочитано 342 раз

Сегізінші шақырылымдағы Шымкент қаласы мәслихатының кезекті он жетінші сессиясы өтті. Сессияда бірқатар мәселелер қаралып, барлығы депутаттар тарапынан қолдау тапты. Жиынға Шымкент қаласының әкімі Ғабит Сыздықбеков қатысты.

MasliXaT

 

Күн тәртібінде қалада мемлекеттік-жекешелік әріптестік жобаларының орындалу барысы мәселесі қаралды. Қалалық мәслихаттың депутаттары барлық сала бойынша жобалардың орындалуын бақылау мақсатында әрбір нысанға барып қайтқан болатын. Мәслихат депутаты Альбина Елшиева осы бағытта атқарылған жұмыстардың қорытындысын баяндады. Бүгінде шаһарда мемлекеттік-жекешелік әріптестік аясында 39 жоба жұмыс істейді. Жобалардың орындалуына зерделеу жұмыстары жүргізілген. Дене шынықтыру және спорт саласында – 4, денсаулық сақтау бойынша – 3, білім беру саласында 3 жоба іске асырылуда. Бағдарлама өз тиімділігін көрсетуде. А.Елшиева бағдарлама әкімшілеріне сапаны көтеру мақсатында қадағалау шараларын күшейтуді ұсынды.
Сессияда аумақтық сайлау комиссиясының төрағасы Қайырбек Құнанбаев Шымкент қаласы мәслихатының жаңадан сайланған депутаты Бақытжан Позиловты таныстырып, депутаттық куәлігі мен төсбелгісін табыс етті. Бақытжан Жолдасбекұлы әлеуметтік бағытта, денсаулық сақтау, білім, халықтың әлеуметтік мәселелерін жүйелі түрде шешуге атсалысатынын атап өтті.
Қала әкімі Ғ.Сыздықбеков кезекті сессияда маңызды шешімдер қабылданғанын атап өтіп, депутаттарға алғысын жеткізді.
– Қаланың әлеуметтік-экономикалық даму бағытында маңызды шешімдер қабылданды. Басты мақсат – халықтың жағдайын жақсарту, тұрғындарға қолайлы орта қалыптастыру. Қалада барлық сала бойынша жүйелі жұмыстар атқарылып жатыр. Одан әрі де бірлесе жұмыс істеуге шақырамын, – деді қала әкімі.
Сондай-ақ, жиында Шымкент қаласы тексеру комиссиясының қаланың 2023 жылғы бюджетінің атқарылуы туралы есебі, цифрландыру саласында атқарылған жұмыстардың есебі қаралып, мәслихат депутаттары тарапынан қолдау тапты.

Тағабай ҚАСЫМ

Л. Гумилев атындағы ЕҰУ-дің 2010 жылғы түлегі. 2012-2013 жылдары облыстық «Оңтүстік Рабат» газетінің, 2014-2016 жыл аралығында республикалық «Спорт» газетінің тілшісі қызметін атқарды. 2013 жылдың тамыз айынан бері «Шымкент келбеті» газетінде тілші болып жұмыс істейді.