Өскелең ұрпақтың бойына қазықтың салт-дәстүрін, тарихын сіңіріп, тәрбие мен білімді ұштастыру мақсатында қолға алынған мәдени шараға 2,3,4 сыныптардан 17 жігіт бақ сынады. Сайыс 4 кезеңнен тұрды. «Тегімді менің сұрасаң...» атты алғашқы кезеңде үміткерлер өзін қазақтың қара өлеңімен таныстырса, «Көңілі ояу, көзі ашық» кезеңінде қазақтың салт-дәстүрі мен тарихына қатысты танымдық сұрақтарға жауап берді. Ал, «Кім мерген?» сайысында жігіттер асық атудағы ептілігін көрсетсе, «Өз өнері» кезеңінде сегіз қырлы, бір сырлы жігіттеріміз бойындағы дарынын паш етті.
Байқауда барлық сыннан сүрінбей өтіп, оқ бойы озық шыққан 2 «а» сыныбының оқушысы Алинұр Бахаубеден бас жүлде иегері атанып, жігіт сұлтаны атанды.
«ШК»-ақпарат
