Шымкент келбеті

Тазалық – адамның рухани, мәдени жетілу деңгейінің, кісілігі мен тәрбиесінің маңызды көрсеткішінің бірі. Қоршаған ортаның тазалығы да адам өміріне айтарлықтай әсер етеді. Таза ортаның табиғаты да, ауасы да адам жанына жылулық ұялатады. Сол үшін әрқашан қоршаған ортамызды таза ұстап, табиғаттың сұлулығын көрсетуіміз керек.

Шымкент қаласының әкімі Ғабит Сыздықбеков «Amanat» партиясы филиалында азаматтарды қабылдап, тұрғын үй, жер қатынастары, кәсіпкерлік және көлік инфрақұрылымы салаларындағы мәселелерді қарастырды. Сондай-ақ, тұрғындар қалада су құбырларының өткізгіштігін арттыру үшін автоматты тазарту станциясын орнату туралы ұсыныстарын да жеткізді.

Биыл Шымкент қаласының әкімдігі қаланың жетекші жоғары оқу орындарында оқуға стипендиясы бар 285 білім беру грантын бөледі. Бұл жөніндегі ресми мәлімдемені өзінің әлеуметтік желілердегі парақшасында қала әкімі Ғабит Сыздықбеков жариялады.

Шымкент қаласының кәсіпкерлер палатасында үшінші мегаполистегі туризмді дамытуға арналған семинар өтті.

Өткен ғасырдың 70-жылдары Жапонияда керемет бір жоба басталған екен. Ол бойынша бір ауыл немесе сол ауылда тұратын бір кәсіпкер бәсекеге қабілетті өнім өндіріп, нарыққа шығаратын болған. Мұндағы мақсат біріншіден елдің кіріс көзін арттыру болса, екіншіден халықты кәсіпкерлікке үйрету еді. Міне, сол жоба өзінің өміршеңдігін танытып, бүгінгі күнге дейін жетіп отыр. Жуырда Шымқалада сол жапондық бастаманың негізінде «Бір ауыл – бір өнім» атты іс-шара ұйымдастырылды. Соның аясында жобаға қатысушы кәсіпкерлер өз өнімдерін әкеліп, арнайы өткен жәрмеңкеде жұртшылыққа таныстырды. Айтқандай, іс-шараның өтуіне мұрындық болған аймақтық кәсіпкерлер палатасы. Нақтылай түссек, жалпы жәрмеңкеге 40-қа жуық кәсіпкер қатысып, өз өнімдерін көпшілік назарына ұсынды.

Жыл сайын 40 мыңға жуық қазақстандықта қатерлі ісік диагнозы расталады, 13 мың пациент қайтыс болады. Біздің елімізде ғана емес, бүкіл әлемде, өкінішке қарай, онкологиялық аурулардың түрі де, оларға шалдыққан науқастардың саны да көбеюде. Көптеген адамдардың бұл диагнозды үкім ретінде қабылдайтыны рас. Бірақ, қазіргі заманғы медицина мен ғылым онкологиялық аурулардың басым бөлігін емдеуге мүмкіндік береді. Оларды емдеуге мемлекет тарапынан да жыл сайын миллиардтаған қаражат бөлінеді.