Көпқабатты тұрғын үй 2021 пайдалануға берілген. Кездесуде тұрғындар үйдің сапасына қатысты бірқатар кемшіліктерді жеткізіп, шағымдарын айтты. Тұрғындардың айтуынша, мемлекеттік бағдарлама арқылы алған баспаналары талапқа сай емес. Тұрғындарды осындай тығырыққа тіреген – Шымкент әлеуметтік кәсіпкерлік коорпорациясы. Ал, құрылысты «Дәмдес» ЖШС-і жүргізген.
Жиынға қалалық орта сапасы және бақылау, құрылыс басқармасы, жауапты мердігер мекеме өкілдері қатысты. Жауапты мердігер мекеме өкілдері кепілдік мерзімі бойынша жұмыстар атқарылып жатқанын айтады.
Мәжіліс депутаты тұрғындарға аталған мәселелерді шешудің жолдарын түсіндіріп, қалалық орта сапасы және бақылау басқармасы басшыларына бірқатар ұсыныстары мен талаптарын айтты.
Ендігі ретте қалалық орта сапасы және бақылау басқармасы анықталған кемшіліктер бойынша тексеру жұмыстарын жүргізеді. Жауапты мердігер мекеме өкілдеріне де кемшіліктерді ретке келтіруге тиісті уақыт берілді.
Ә.АЙТӨРЕ
