Қала әкімі тарапынан мердігерлерге бірқатар ескертулер айтылды және оны қысқа мерзім ішінде жою бойынша тапсырма берілді.
Бұдан бөлек, Ғ.Сыздықбеков
Жаңаталап тұрғын алабында салынып жатқан жаңа көпірдің құрылысымен танысты. Қазіргі таңда құрылыс-монтаж жұмыстарының 80%-ы аяқталған. Жақын арада көлік қозғалысын ашу жоспарланып отыр.
Мұнан кейін Ғабит Әбдімәжитұлы Тұран ауданындағы Қ.Қасымұлы атындағы №33 жалпы орта білім беретін мектебіне барып, жөндеу жұмыстарының барысымен танысты.
Шаһар басшысы «Өздеріңізге белгілі, өткен аптада бірінші қабатта ағымдағы жөндеу жүргізуді және кәріз жүйесін жаңартуды тапсырған едім. Ал, ғимараттың техникалық жағдайы туралы қате қорытынды берген «STROYCORP» ЖШС-не қатысты заң аясында тиісті шаралар қабылданады» деді.
Сондай-ақ, қала әкімі Абай саябағындағы скейт-паркті қарап шықты. Аудан әкімі мен энергетика басқармасына қосымша жарықтандыру бойынша нақты тапсырма берді.
А.САЙЛАУҰЛЫ
