Заңсыз дүңгіршектер мен ретсіз сауда орындарымен күрес жұмыстары Абай ауданында да қызу жүргізіліп жатыр. Сәуір айынан бері бұл ауданда белгіленбеген орындарда орналасқан 108 дүңгіршек анықталып, оның 65-і орнынан алынған.
Рейдтік іс-шара барысында Абай ауданы әкімінің орынбасары Ерлан Бекназаров қалған дүңгіршек иелеріне жазбаша ескертулер беріліп, өз күштерімен алып тастау туралы түсіндірме жұмыстары жүргізіліп жатқанын жеткізді.
– Жыл басынан бері әкімшілік құқық бұзушылық кодексінің «Белгіленбеген орындарда сауда жасау» 204-бабына сәйкес 790 хаттама толтырылды. Дүңгіршек иелеріне 1,5 млн теңгедей айыппұл салынып, оның 785 мыңнан астамы өндірілді. «Қызыл сызық» үстінде орналасқан сауда орындарына қатысты жұмыстар әлі де жалғасады, – дейді Ерлан Нұрланұлы.
Ә. ӘБУ
