Аталған фильм MILLION командасы мүшелерінің идеясынан туған. Команда жетекшісі Қанат Тасханның айтуынша, киноның 30 пайызы Шымкент қаласында, 70 пайызы Шығыс Қазақстан өңірінде түсірілген. Фильм желісі ана тілімізді дәріптеу, ата-ананы сыйлау, ағайын-туыстардың бірлігі сынды мәселелерді арқау еткен. Рөлдерде тәжірибелі актерлер – Сафуан Шаймерденов, Салтанат Серкебаева, MILLION командасының мүшелері және тағы басқа өнер жұлдыздары ойнайды.
Жоба 2023 жылдың күзінде түсірілген. Фильмге шамамен 178 млн. теңге жұмсалыпты. Команда мүшелері аталған жобаға кәсіпкерлер демеушілік еткенін, өнердегі әріптестерінің қолдау көрсеткенін атап өтіп, жомарт азаматтарға алғыстарын жеткізді.
Толықметражды кинофильм 15 ақпаннан бастап еліміздің барлық кинотеатрларында көрсетілуде. Қоғамдық мәселелерді ащы әзілмен жеткізген фильм тұрғындарға, жастарға керемет әсер сыйлады.
