Bіlіm kókjıegіne dańǵyl jol ashqan táýelsіzdіk

Пятница, 14 Декабрь 2018 04:27

Táýelsіzdіk – ǵasyrlar boıy armandaǵan, azat kúnnіń kók baıraǵy jelbіregen elіmіzdіń eń ulyq merekesі.

IMG 5144

Bul – búgіngі bіlіmge qushtar órіmtal jastyń júregіne jetіp, sanasyna sіńіre bіlgen qasterlі uǵym. Shymkenttegі hımııa-bıologııa baǵytyndaǵy Nazarbaev Zııatkerlіk mektebіnіń oqýshylary táýelsіzdіk syılaǵan múmkіndіkterdі erekshe tebіrenіspen áńgіmeledі.
Daıana Aqylbek 10 synypta oqıdy. Nazarbaev Zııatkerlіk mektebі órennіń jańa tehnologııalardy meńgerіp, tіl úırenýіne úlken múmkіndіk syılaǵan. Ol bıyl muhıt asyp, AQSh-ta bіlіmіn jetіldіrіp qaıtty.
– Bıyl men úshіn qyzyq oqıǵalarǵa toly boldy. Onyń bіrі – Amerıkaǵa saparym. 400-ge jýyq oqýshy arasynan alyp memlekette bіlіm alý baqyty maǵan buıyrdy. Nıý-Iorktegі Kolýmbııa ýnıversıtetіnіń jazǵy mektebіne qatystym. Ekonomıka fakýltetіnde qarjy jáne álemdіk ekonomıka jaıly tanystym,- deıdі Daıana.
Mektep qabyrǵasynda júrіp, halyqaralyq deńgeıdegі ǵylymı jumystar men pándіk olımpıadadardan bólek, kórkem oqýlardan júldelі oryndardyń jeńіmpazy atanyp úlgergen ol, amerıkalyq tіl bіlіmіn zertteýshіlerge Abaı Qunanbaıulynyń qara óleńі men «Eskendіr» poemasyn oqyp berіptі.
– Jazǵy mektepke kelgen 10-ǵa jýyq memlekettіń azamattary óz elіn tanystyrý úshіn arnaıy kesh uıymdastyrdy. Elіmіzdіń namysyn qorǵaýda qazaqstandyq órender baryn salyp baqty. Abaı atamyzdyń týyndylaryn sheteldіk professorlar bіletіnіn aıtqanda, qatty qýandym. Bul – bіz úshіn úlken maqtanysh, - deıdі óren.
Elіmіzdіń órken jaıyp keńge sermeýі úshіn basty másele jas urpaqtyń bіlіmdі de tárbıelі bolyp jetіlýі ekenі belgіlі. Bul jolda Daıanadaı bіlіm men ǵylymdy ushtastyrǵan jalyndy jastardyń kóptіgі kóńіlge qýanysh syılaıdy.
– Bіz zııatkerlіk mekteptіń tabaldyryǵyn attaǵan kúnnen bastap ǵylymı jumystarǵa kóp kóńіl bólemіz. Mektepte erkіn bіlіm alýǵa jaǵdaı jasalǵan. Mysaly, arnaıy jylyjaı bar. Onda túrlі dárіlіk ósіmdіkter egіp, únemі baqylaýda ustaımyz. Búgіnde men Stayve ósіmdіgіn zerttep júrmіn. Bul – qant almastyrǵysh. Bolashaqta neırohırýrg dárіgerі bolsam deımіn. Bіzde bul salada bіlіktі mamandar joqtyń qasy. Babalar syılaǵan egemendіktі qadіr tutyp, táýelsіz eldіń bіlіmdі urpaǵy retіnde memleketіmіzdіń damýyna úles qosý basty maqsatym. Táýelsіzdіń tuǵyry baıandy bolsyn!

Шымқалада Жастар жылы басталды

Среда, 12 Декабрь 2018 04:20

16 желтоқсан – Тәуелсіздік күні қарсаңында үшінші мегаполисте Жастар жылының алғашқы форумы өтті.

DSC 0406

«Жастар – ұлттың басты капиталы» атты форумға танымал кәсіпкерлер, білім беру саласындағы тәжірибелі басшылар, белгілі спортшылар, республикалық жастар ұйымдары мен қоғамдық бірлестіктерінің жетекшілері, блогерлер мен жергілікті атқарушы органдардың өкілдері, бизнес өкілдері, қала жастарынан құралған 700-ден астам адам қатысты.
Жастар форумы республикалық қала мәртебесіне ие болғалы Шымкентте алғаш рет өтті. Қуаныш Шонбай, Бауыржан Қасымбергебаев, Ибрагим Ескендір, Серік Есматов,Арман Оспанов, Өркен Кенжебек сынды елімізге танымал спикерлер өз тәжірибелерімен бөлісті. Спикерлермен бірге түрлі сала сарапшылары 5 сессия бойынша тәжірибе алмасып, қала жастарын дамытудың 2019-2020 жылдарға арналған жол картасын талқылады.

DSC 0158

Форумның екінші бөлімінде қалалық отбасы, балалар және жасөпірімдер ісі жөніндегі басқармасының басшысы Жандос Қалтаев алдағы жылға арналған жол картасымен таныстырды.
– Шымкентте 250 мың жас бар. Олар қала тұрғындарының 25 пайызын құрайды. Жобаның бірінші бағыты – жастарды сапалы және қолжетімді біліммен қамтамасыз ету. Осыған орай «Shymkent Іnnovation» жобасын жүзеге асыруды көздеп отырмыз. Бұл жобада 50-ге жуық студентке қаржылай грант берілу жоспарлануда. Ол жас ғалымдардың қоғамның өзекті тақырыптарын зерттеуге мүмкіндік береді.
Екінші бағыт – жастардың бос уақытын жүйелі ұйымдастыру. Жастарды эко туризмге жұмылдыру, спорттық-мәдени іс-шараларды ұйымдастыру, одан тыс спорттық үйірмелер мен секциялар ашу, аула клубтарын жандандыру, рухани тұрғыдан тәрбиелеу көзделіп отыр. Оған қоса бұқаралық спортқа баулитын «Серпіліс» жобасын іске қосуды ұсынамыз. Онда түрлі спорт түрлерінен жастар лигасы ашылып, 30 мыңа жуық жас қамтылады. Бұл жастарды зиянды әрекеттерден бас тартып, салауатты өмір салтын ұстанып, өмірлік ұмтылыс арттыруға серпіліс берері сөзсіз, - деді Ж.Төлембекұлы.
Ал үшінші бағыт жастарды жұмыспен қамтуға арналады. «Professional» жобасын жүзеге асыру үшін басқарма және қаладағы 12 ірі мекеме арасында меморандумға қол қойылды.
– Аталған жоба аясында студент жастар ТОП-100 компаниядан тегін 3 ай мерзімде тағылымдамадан өтеді. «Жас маман», «Neet» санатындағы жастарды қолдау да басты назарда. Бұған қоса биыл жаздан бастап кәсіпкерлер мен мемлекеттік органдары өкілдерінің арасындағы әріптестігін нығайтатын «Парасат майданы» зияткерлік ойыны қолға алынды. Бұл жоба келесі жылы да өз жалғасын табады. 2019 жылы әріптестік әлеуметтік тапсырыс аясында 10 жоба іске асырылып, 40 мыңға жуық жас қамтылады. «Серіктес» жобасы арқылы қоғамдық бірлестіктерге мемлекеттік, әлеуметтік тапсырыс аясында қолдау көрсететін боламыз, - деді басқарма басшысы.
Форумның қорытынды бөлігіне қатысқан қала әкімі Ғабидолла Әбдірахымов жастарға мемлекет тарапынан жасалған мүмкіндіктерді пайдалануға шақырды.
– Елбасы тапсырмасына сәйкес алдағы екі жылда Шымкентте 8 мың орындық жатақхана соғылады. Қаламызда заманауи жоғары оқу орнын ашу да жоспарда бар. Жыл соңына дейін жастар кәсіпкерлігін дамыту бойынша жоба жасалынады. Енді сіздер осы мүмкіндікті пайдалана отырып, ел үмітін ақтауға тырысыңыздар. Жалпы, кез келген жұмысты істеуден бас тартпауға кеңес беремін. Тынымсыз еңбек адал табыс сіздерді жетістікке жеткізеді, - деді қала əкімі.
Форум соңында Мемлекет басшысы Н.Назарбаевтың «Болашаққа бағдар: Рухани жаңғыру» мақаласы аясында ұлттық құндылықтарды дәріптеп, жастардың білім алуына, жалпы, жастар саясатын жүзеге асыруға қосқан үлесі үшін қаладағы жоғары және арнаулы оқу орындарының өкілдері қала әкімінің Алғыс хатымен марапатталды. 

Ротангтан жиһаз өрген Тәңірберген

Пятница, 07 Декабрь 2018 05:07

Бизнес, қаржы, экономикадағы біліктілігімен кез келген адам мақтана алмайды. Іскерлік әлемге бойлай білу өміріңізді, ұстанымыңыз бен бағытыңызды өзгертуі әбден мүмкін. Бұл – шымкенттік Тәңірберген Есболовтың жас та болса өмірден түйгені. Ол бүгінде өзінің шағын цехында ротангтан өріп, жиһаздың 30-дан астам түрін жасап шығарады.

IMG 20181030 163957

Тәңірберген Есболов өзінің кәсіп бастауына «Атамекен» ұлттық кәсіпкерлер палатасы сеп болды дейді. Дәлірек айтқанда, «Жол картасы – 2020» бағдарламасы аясындағы жас кәсіпкерлердің үздік жобаларының байқауы. Жас жігіттің жұмысы биыл республикалық деңгейде алғаш ұйымдастырылған байқауда еліміздегі барлық өңірден қатысқан 51 жобаның ішінде үздік деп танылып, 1 миллион теңге көлеміндегі мемлекеттік грантқа ие болады.
– Осыдан 4 жыл бұрын құрылысшы-инженер маманы атандым. Жоғары оқу орнын тәмамдаған соң банкте, құрылыста бағымды сынап, еңбек еттім, – дейді Тәңірберген. – Жеке үйлерді жөндеу жұмыстарын істеп жүргенде өз кәсібім болса екен деп армандадым. Сол кезде байқағаным, Шымкентте ротангтан жасалған жиһаздарға сұраныс көп. Уақыт созбай істі бастау үшін алдымен оқып, нарықпен таныстым. Білгенім, ротанг – қымбат материал, бізге шетелден келеді. Бертін келе оның жасанды түрін өндіруді зерттеп білдік, содан жұмыс басталды. Қазір командамызда өзіммен 6 адам бар. Біздің кәсіптің тағы бір артықшылығы – Оңтүстікте күн жылы болғандықтан, ротангтан жасалатын жиһаздарға сұраныс қай кезде де болады.
Жас кәсіпкердің айтуынша, ротангтан жиһаз жасау қол еңбегін көп қажет етеді. Осыған орай келер жылы цехты үлкейтіп, жұмысшылар санын 30-ға арттыруды жоспарлап отыр. Ал әзірге ай сайын 100 жиһаз жиынтығын шығара алады.

IMG 20181030 164159

– Біз қажетті материалдарды қаладан аламыз. Дегенмен ресейлік темірлерді пайдаланамыз. Ол жұқа әрі жеңіл болуы шарт. Оны өзіміз өңдеп, әрлейміз. Бұл жердегі ең бастысы – ротангты қолдан жасаймыз. Украинадан технолог келіп, арнайы құрылғыны қосып берген. Сол бойынша дайындаймыз. Жиһаздың түсі тапсырыс берушінің қалауы бойынша жасалады, - дейді кәсіпкер.
Тәңірбергеннің айтуынша, бұл жиһаз түріне Түркия мен Қытай нарығында сұраныс көп. Ал елімізде тек бір ғана цехта өріледі. Жас кәсіпкер бүгінге дейін ротанг жиһазын арнайы тапсырыс арқылы жасап келеді: – Өрілген жиһаз көбіне саяжай мен демалыс аймағына қойылады. Үйдегі ас және қонақ бөлмесінің де ажарын ашады. Шетелден келетін жиһаздарға қарағанда бағасы 40 пайызға төмен, – дейді Тәңірберген.
Мемлекет басшысы Н.Назарбаевтың Қазақстан халқына Жолдауында «Бизнестің жол картасы – 2020» бағдарламасының қолданылу мерзімін 2025 жылға дейін ұзарту керегін айтты. «Осы бағдарламаны жүзеге асыру үшін жыл сайын қосымша кемінде 30 миллиард теңге бөлуді қарастыру қажет. Бұл 3 жыл ішінде қосымша кемінде 22 мың жаңа жұмыс орнын ашуға, 224 миллиард теңге салық түсіруге және 3 триллион теңгенің өнімін өндіруге мүмкіндік береді» деп тапсырма берген еді Елбасы.
Шындығында Тәңірбергендей тірлікке епті, заман сұранысына бейімделгіш жастарымыз еліміздің үшінші дербес қаласында баршылық. Олар осындай мемлекеттік бағдарламаның аясында кәсібін дөңгелетіп, елдің экономикасының өсуіне үлесін қосып жүр. Алға қойған мақсаттары айқын, армандары асқақ жастарымыз келер жылы өз мүмкіндіктерін толық көрсетуге әзір, жастар жылында үлкен іс атқаруға дайын.

Елбасы залы ашылды

Среда, 05 Декабрь 2018 08:57

1 желтоқсан – Тұңғыш Президент күніне орай Шымкенттегі «Отырар» ғылыми-әмбебап кітапханасында Елбасы залы ашылды. Мемлекет басшысының құрметіне ашылған залда қазақ, орыс, ағылшын және түрік тілдерінде жалпы саны мыңнан астам кітап қоры бар.

172

«ХАЛЫҚТЫҚ ЗАҢГЕР» акциясы өтті

Среда, 05 Декабрь 2018 08:53

Шымкеттегі «Көрме» орталығында өткен акция барысында Ұлттық Бюро, прокуратура, әділет, мемлекеттік кірістер, сот қызметкерлері мен жергілікті атқарушы органдардың заңгерлері, кәсіби адвокаттар мен нотариустар тұрғындарға тегін құқықтық кеңестер берді.

Биыл Назарбаев Зияткерлік мектептерінің құрылғанына - он жыл. Бұл - еліміз үшін орыны бөлек мереке. Бүгінгі таңда Елбасының қолдауымен ашылған республика аумағында жалпы 20 мектеп болса, оның екеуі шырайлы шаһарда орналасқан. Өңірлердегі Назарбаев Зияткерлік мектептері әлемдік білім беру жүйесімен теңесіп қана қоймай, ендігі қалалық білім беру мекемелерімен тәжірибе алмасуда.

163

Жеңіске жетелеген бір ауыз сөз...

Пятница, 30 Ноябрь 2018 05:12

Қазақ көркем гимнастикасының примасы ретінде танылған Әлия Юсупованың ел үшін сіңірген еңбегі орасан, спорттағы жетістіктері де елеулі. Ол Елбасының ықылас танытып, еркеше құрметіне ие болған даңқты спортшы. Тыңнан түрен салған дарын талай додада ел абыройын асқақтатты. Бүгінде Елбасының қолдауымен ашылған тұңғыш гимнастика мектебін басқарады. ҚР Тұңғыш Президенті күні қарсаңында бас бапкер шәкіттерінің жарқын жетістіктері және Елбасымен болған кездесулері жайында әңгімелеген еді.

155

«Smart Square» орталығы ашылды

Среда, 28 Ноябрь 2018 05:09

Шымкенттегі М.Әуезов атындағы ОҚМУ-дің 75 жылдық мерейтойына тарту ретінде оқу ордасының базасында студенттерге қызмет көрсету орталығы ашылды.

133

Страница 1 из 11