Жиында қатысушылар тұрмыстық зорлық-зомбылық мәселелерін жан-жақты талқылап, оның қоғамдағы теріс салдарын азайту, алдын алу және жою бойынша пікір алмасты. Ләйлә Сұлтанқызы жастармен ашық сұхбат құрып, қоғамдағы зорлық-зомбылықсыз мәдениетті дамытудағы әр адамның рөліне назар аудару қажеттігін алға тартты.
– Қазіргі нарықта әрбір қыз сұлулықты қалайды. Дегенмен, сұлулық ол – білім, әдеп, дұрыс қалыптасқан тұлғада болады. Ал, нәзіктік пен қарапайымдылық ешқашан сәннен қалмайды. Отбасындағы зорлық-зомбылық қоғам үшін қалыпты болуы мүмкін. Бірақ әйелдің болашақтағы болмысы үшін, өмірі үшін үлкен қауіп тудырады. Сондықтан, екі жақты келісімге келу арқылы барлық түсініспеушіліктің алдын алуға болады,-дейді тележүргізуші Ләйлә Сұлтанқызы.
Тәлімі мол кездесу жастардың санасына зорлық-зомбылықсыз өмір салтын қалыптастырудың маңыздылығын жеткізіп, қоғамда белсенді азаматтық ұстаным болуы тиіс деген тұжырыммен аяқталды.
Г.БАЖАҚАЙ
