Заң бұзушылықтар анықталды

Понедельник, 28 Декабрь 2020 10:26

«Шымкент қаласы бойынша Экономикалық тергеу департаменті» РММ-нің 2020 жылғы 19 маусымдағы хатымен қоса жолданған Шымкент қаласының Х мекемесінің басшысының арызы негізінде, Шымкент қаласы бойынша Ішкі мемлекеттік аудит департаменті тарапынан аудиторлық іс-шара жұмыстары жүргізіліп 2020 жылдың қаңтар – мамыр айлары аралығында Х мекемесінің бас бухгалтерінің уақытша міндетін атқарушы « О» есімді азамат 1 347,1 мың теңгені негізсіз жеке есеп шотына аударылғаны анықталды.

Бұл ретте, Қазақстан Республикасы Үкіметінің 2015 жылғы 31-шы желтоқсандағы №1193 «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне және қазыналық кәсіпорындардың қызметкерлеріне еңбек ақы жүйесі туралы» қаулысын және ҚР Қаржы министрінің 2010 жылғы 03 тамыздағы №393 «Мемлекеттік мекемелерде бухгалтерлік есепке алуды жүргізу қағидалары» бұйрығының 187 тармағында көрсетілген талаптарын басшылыққа алмай, 1 347,1 мың теңге негізсіз аударылған.  

Сол себебті, Қазақстан Республикасының «Мемлекеттік аудит және қаржылық бақылау туралы» Заңының 5 бабының 2 тармағының 3) тармақшасына сәйкес, Х мекемесінің бас бухгалтердің уақытша міндетін атқарушы « О »-есімді азамат 1 347,1 мың теңгені негізсіз жеке есеп шотына аударылғаны үшін процессуалдық шешім қабылдауға Шымкент қаласы бойынша экономикалық тергеу департаментіне жолданды.

 

 

Шымкент қаласы бойынша

Ішкі мемлекеттік аудит департаментінің

қаржылық есептілік аудиті бөлімінің

бас маманы-мемлекеттік аудиторы

М.П.Жаңабаев

Шымкент қаласы әкімдігінің «Су құбыры және канализация басқармасы» мемлекеттік коммуналдық кәсіпорынында 07.02.2020 жылғы №3881945-1 Ашық конкурсы процедурасының ҚР «Мемлекеттік сатып алу туралы» Заңының және «Мемлекеттік сатып алуды жүзеге асыру қағидаларын бекіту туралы» Қазақстан Республикасы Қаржы министрінің 2015 жылғы 11 желтоқсандағы № 648 бұйрығының талаптарының сақталуына аудит жүргізілді.

Нәтижеде, «Best Invest Company» ЖШС-нің конкурстық өтінімі Заңның 27-бабы 6-тармағы және Қағиданың 150-тармағы 1) тармақшасында, көзделмеген негіздермен конкурсқа қатысудан негізсіз шеттілгені анықталып, рәсімдік бұзушылықтың сомасы - 7 979 138,72 теңгені құрады.

Аудит қорытындысымен, ҚР «Әкімшілік құқық бұзушылық туралы» Заңына сәйкес, конкурс төрағасы мен комиссия мүшелеріне қатысты хаттамалар толтырылып, айыппұлдар толығымен бюджетке өндірілді.

Шымкент қаласы бойынша Ішкі мемлекеттік аудит департаментінің қаржылық есептілік аудиті бөлімінің бас маман-мемлекеттік аудиторы Н.Исмаилов

Ағымдағы жылдың 31 желтоқсанынан бастап тауарларға іліспе жүк құжаттарына рәсімдеу бойынша пилоттық жоба іске қосылады.

Тауарларға іліспе жүк құжаттары, бұл дегеніміз тауарға іліспе құжат, ол электрондық шот фактуралар ақпараттық жүйесінде, электрондық нысанда рәсімделеді.

Сыртқы экономикалық қатысушылар үшін Еуразиялық экономикалық одақ елдерімен тауарлардың экспортты мен импорты кезінде шекараны кесіп өткенге дейін бұларға іліспе жүк құжаттарын рәсімдеу қажет.

Тауарларға іліспе жүк құжаттарды артықшылықтардың бірі, бұл автомобиль өткізу пунктерінде құжаттардың сканерлеу қажеттілігінің болмауы және Еуразиялық экономикалық одақ елдерімен шекарадан өту процессінің жеңілдетеді.

Сонымен қатар, егерде салық төлеуші Халықаралық автомобиль жүк тасымалдарын жүзеге асыру кезінде, тауарларға іліспе жүк құжаттарға электрондық шот фактуралар ақпараттық жүйесінде, электрондық нысанда рәсімдемеген жағдайда, навигациялық пломбаларды қолдану арқылы тауарлар мен автокөлік құралдарының мониторингі жүргізіледі.

Пилоттық жоба 2021 жылы 1 науырыздан бастап тауарларға іліспе жүк құжаттарын міндетті енгізуге жұмысқа қосу үшін енгізілуде.

Бұл, пилоттық жоба кезінде әкімшілік жауапкершілік шараларын қолданылмайды.

Пилоттық жоба кезінде салық төлеушілер тауарларға іліспе жүк құжаттарымен жұмыс істеуге тез бейімде алады және өзінің есептік жүйелерін, сатып алушылармен, жеткізушілермен өз-ара іс-қимыл жасай алады.    

Тауарларға іліспе жүк құжаттарын рәсімдеу үшін:

Біріншіден-халыққа қызмет орталығынан электрондық қолдаңбаны алу;

Екіншіден-электрондық шот фактура ақпараттық жүйесінде тіркелу;

Үшіншіден-электрондық цифрлы қолтаңба көмегімен электрондық шот фактуралар ақпараттық жүйесін пайдалану туралы келісімге қол қою.

Электрондық шот фактура ақпараттық жүйесінде тіркеу және жұмыс істеу тегін жүзеге асырылады.

Жалпы, сөзімді қорынтындай келе, Еуразиялық экономикалық одақ елдерімен сауда шеңберінде қаладағы барлық экспорттаушылармен, импорттаушыларды пилоттық жобаға қатысуға шақырамын.

 

Еңбекші ауданы бойынша МКБ-ның

жетекші маманы Курамысова В

5f2efe36-cbbd-49bb-825d-4df96f3264e8

Шымкент қаласы мәслихатының кезектен тыс жетпіс үшінші сессиясы онлайн режимде өтті. Жиында негізінен үш мәселе қаралып, депутаттар тарапынан қолдау тапты. Алдымен Шымкент қаласының 2021-2025 жылдарға арналған даму бағдарламасын бекіту мәселесі қаралды.

Шымкент қаласының экономика және бюджеттік жоспарлау басқармасының басшысы Рахымберді Мулкеманов жаңа бағдарлама 3 негізгі бағыттан тұратынын атап өтті. Жаңа форматта әзірленген бағдарлама 14 мақсат, 25 индикаторды қамтыған. Басқарма басшысының айтуынша, 2018-2020 жылдарға арналған бағдарлама аяқталып, оның орындалуы бойынша мәслихатта есеп берілді.
Шымкент қаласының әкімі Мұрат Әйтенов екі жылда үлкен жұмыс атқарған депутаттар корпусына алғысын айтты.
– Қаланың әрі қарай даму бағытын айқындайтын маңызды шешімдер қабылданды. Өздеріңізге белгілі, 2018-2020 жылдарға арналған даму бағдарламасы
бойынша екі жылда көп іс атқарылды. Енді 2021-2025 жылдарға арналған даму бағдарламасы жаңа форматта дайындалды.
Бағдарламаны әзірлеу барысында қала тұрғындарының талап-ұсыныстары да ескерілді. Тұрғындардың негізінен инфрақұрылымды дамыту, көгалдандыру, қоршаған ортаны жақсарту, денсаулық сақтау саласын дамыту, сыбайлас жемқорлықпен күрес мәселелері бойынша ұсыныстары бағдарламаға енгізіледі. Құжатты іске асыруға барлық ресурстар жұмылдырылады. Өздеріңізбен бірлесіп, жылды табысты аяқтап отырмыз, – деді қала әкімі.
Сондай-ақ, сессияда «2020-2022 жылдарға арналған Шымкент қаласының бюджеті туралы», «Шымкент қаласының аумағын абаттандыру қағидаларын бекіту туралы» қала мәслихатының шешіміне өзгерістер енгізілді.

Үздік математиктер 1Үздік математиктер 2

Шымкент қаласындағы физика-математика бағытындағы Назарбаев Зияткерлік мектебінің 11 сынып оқушылары Шерзод Мухтаров пен Алмас Рыспаев математикадан халықаралық IYMC 2020 сайысының жүлдегері атанды.

Әлемнің 93 елінің жоғарғы сынып оқушылары мен студенттері бақ сынаған додада ел намысын қорғаған оқушылар сайыстың 3 кезеңінде де жоғары нәтиже көрсеткен.
Нәтижесінде екі оқушы да барлық қатысушылар ішінен ең үздік нәтиже көрсеткендердің қатарынан табылғаны үшін «Gold Honour» жүлдесімен марапатталыпты. Сондай-ақ, Шерзод Мухтаров Қазақстан атынан қатысқан барлық жастардың арасында ең жоғарғы нәтиже көрсетіп, арнайы «National award» марапатына ие болып отыр.
International Youth Math Challenge (IYMC) – бұл жастарға өздерінің математикалық дағдыларын дәлелдеуге және шығармашылық әлеуетін ашуға мүмкіндік беретін, жыл сайын өткізіліп тұратын халықаралық математика сайысы.

 

М.МАМЫРБАЙҚЫЗЫ

Асыл бастаудың асыл суы

Среда, 23 Декабрь 2020 04:24

Без имени-1

Қасиетті қарт Қазығұрт тауының аңғарынан, 350 метр тереңдіктен қазылған артезиан бастауынан асыл су шығарылды. «Асыл су» деп атаумыздың себебі, судың сапасы Қазақ тағамтану академиясының лабораториялық зерттеулерінің қорытындысы бойынша химиялық құрамы көрсеткіші жағынан, Қазақстандағы өндірілетін ауыз-сулардың сапасымен салыстырғанда, ең жоғары сападағы ауыз су екені анықталды. Сондықтан «АСЫЛ-бастау.kz» ЖШС мекемесі осы өндірілген суға халықаралық тілде «AGUA THE BEST» атауын берді және «Асыл бастау» деп те атады.

Судың сауда-саттыққа алғаш шығарылуына байланысты, халықтың әл-ауқат жағдайын ескере отырып, сапасы жоғары дәрежеде болса да, сатылу бағасы ыдыс мөлшеріне қарай төмен бағада қойылып отыр.
Бүгінде әлем халықтары, оның ішінде Қазақстан халқы да ауыз су тапшылығын көріп отыр. Алдағы уақытта ауыз су тапшылығының арта түсетінін әлем ғалымдары дәлелдеп, бұл проблеманы шешу жолдарын қарастыруда. Алысқа бармай-ақ, тау жағалаған аудандар болмаса, облыстың оңтүстік аймағындағы аудандардың халқы және де басқа шөл-шөлейтті, құрғақшылығы мол, табиғаты сусыз өңірлер су тапшылығының зардабын көріп отыр. Халықтың әл-ауқат жағдайы әлемді шарлаған жұқпалы аурудың кесірінен төмендеп кетті. Осындай қиындық кезде халыққа қайырымдылық көрсету мақсатында туған жерден ауыз су шығарып, арзан бағада халыққа таратуды жөн деп таптық.
Адам баласы қандай қиындық болса да көзін тауып, жұмыс жүргізсе, қиындықты жеңуге болады. Халық бұл індетті де жеңеді, тұрмыс та түзеледі, ынтымақ бірлігіміз болса, кездескен кедергілерді жеңеміз. Біз, міне, несие алып, ауыз су шығарып, халыққа қамқорлық көрсетіп отырмыз. Халқымызда «Пайда ойлама, арды ойла» деген қағида бар, сондықтан ауыз судың төмен бағада сатылуы халыққа деген қамқорлықтың нәтижесі деп түсіну керек, алыпсатарлар да жұрттың аузынан жырып алмай, нысапты, қанағатшылдықты естен шығармағаны абзал.
Су – өмір бастауы, сусыз тіршілік жоқ. Атам қазақ «Ысырапшыл болма» деп, барды бағалай білуді, шашып-төкпеуді, құндылығын қысылғанда білуді о бастан ұғынған. Табиғи, таудың астынан шыққан судың қадір-қасиеті жоғары екенін ғылыми сараптамалар анықтаған соң, ел игілігіне жаратуға мүмкіндік алып отырмыз. Бұл ауыз су ауыл, аудан, қала, облыс көлемінде таратылып, халықтың ауыз суға деген мұқтаждығын шешеді.

 

С.Құнанбаев,
«АСЫЛ-бастау.kz» ЖШС директоры

132023171 2713887178924231 5052407248459988869 o

Шымкентте 33 мемлекеттік медициналық мекемеде QR код жүйесі іске қосылды.

Жаңа технология арқылы дәрігерлер жайлы деректер, жұмыс кестесі, еңбек өтілі және науқастардың пікірлерін білуге мүмкіндік бар. Бұл бағдарлама уақытты үнемдеуге, қашықтан құжат алмасуға, жұмысты автоматтандыруға септігін тигізеді.
QR код қосымшасы арқылы науқастар дәрігердің қабылдауына жазылып, медицина маманын үйіне шақыруына болады. Ең маңыздысы – ұсыныстар, арыз-шағым мен талаптар қалдыруға да жағдай жасалған.
Шымкент қалалық денсаулық сақтау басқармасы өкілдерінің мәліметінше, жаңа жобаны әр медициналық мекемеде іске қосу жоспарланып отыр. Сонымен бірге, қала әкімінің тапсырмасына сәйкес, пилоттық жоба ретінде қалалық №5 және №3 емхана 2021 жылдың басынан бастап «Ақылды емхана» жүйесіне көшеді.

 
Страница 5 из 443