Қала тұрғындарын жылумен қамтамасыз ететін мекемелер мен жауапты сала қызметкерлерінің мәлімдеуінше, шымкенттіктер бұл қыста да жаурамайды. Өйткені, қаланы жылумен қамтитын «Энергоорталық» АҚ мен «Қуатжылу орталық-3» МКК жаңа жылу маусымына 99 пайыз дайын.
Бұл туралы қалалық коммуналдық шаруашылығы бөлімінің маманы Гүлнәз Шадманова мәлім етті. Биыл ұзындығы 5,8 шақырымды құрайтын жылу құбырлары күрделі жөндеуден өтті. Қазан айының алғашқы аптасында оның 3,8 шақырымы толық жөнделген Г. Шадманованың айтуынша, жылу жүйелері 15 қазанға дейін ауыстырылып бітуі тиіс. Қаладағы көпқабатты 1762 тұрғын үйдің 1711-і, сондай-ақ, 346 бюджеттік мекемелер де жылу қабылдауға дайын.
Э. МЫҚТЫБАЕВА
