Кикбоксингтен Үндістанда өткен Азия чемпионатында шымкенттік спортшылар 4 алтын, 2 қола медаль жеңіп алды. Сары құрлықтың басты бәсекесінде 40-қа жуық елдің өкілдері бақ сынады.
Еліміздің ұлттық құрамасы сапында өнер көрсеткен облысымыздың 4 спортшысы қарсыластарының барлығын айқын басымдықпен ұтып, өз салмақтарында Азия чемпионы атанды.
Алғаш болып рингке көтерілген 81 келі салмақ дәрежесіндегі Бабуржан Артықбаев, сондай-ақ аса ауыр салмақта, 91 келіде Ғалымжан Өтегенов чемпион атанды. Ал, қыздар арасындағы сында 48 келіде күш сынасқан Нұржайна Елубаева мен 56 келіде Аида Тұяқбай
өз мықтылықтарын байқатып, үздік шықты.
Жеңіспен оралған спортшыларды Шымкенттегі №2 олимпиада резервін дайындайтын спорт мектебінің директоры Ерік Байжанов арнайы қабылдап, сый-құрмет көрсетті.
С. ӘУЕСБЕК
