Бәріміз де тұрғылықты ауламыздың абаттанған, көрікті болғанын қалаймыз. Таза аула жайлы өмір сүрудің басты кепілі. Тазалық мәселесінде дамыған елдерден үлгі алуға болады. Өркениетті елдің тұрғындары кез келген жерге қоқыс лақтырып, қоғамдық орынды былғауды ар санайды. Неге біз де осылай етпеске?!
Бүгінде нөлдік төзімділікті кеңінен насихаттаудың арқасында тазалық жұмыстары жандана түскен. Мәселен, Шымкент қаласында қоғамдық ортаны бүлдірген мың тұрғын әкімшілік жауапкершілікке тартылды. Әрбіріне 10 АЕК немесе 19 820 теңге айыппұл салынған. Әрине, бұл өзгелерге сабақ болары сөзсіз.
Мынадай жағдайда айыппұл төлейтіндеріңіді естеріңізге саламыз:
– Ұсақ құқық бұзушылық үшін- 10 АЕК
– түнгі уақыттарда тыныштықты бұзсаңыз – 5-тен 50 АЕК-ге дейін
– қоғамдық орындарда ішімдік ішсеңіз – 5 АЕК
– тыйым салынған орында темекі шексеңіз – 3 АЕК
– ескерткіштерді сақтау мен қорғау ережелерін бұзсаңыз – 5-тен 50 АЕК-ге дейін
– жасөспірімдердің вандализм әрекеті үшін – 15 АЕК (ата-аналар үшін)
