Шымкент қаласында «Мерейлі отбасы» Ұлттық конкурсының бірінші кезеңі өтеді. Байқауға қатысу үшін өтінімдерді қабылдау басталды.
Конкурс отбасылық өнегелі құндылықтар мен дәстүрлерді жаңғырту, отбасы мен некенің жағымды бейнесін санаға сіңіру және қоғамдағы отбасының мәртебесін арттыруға бағытталған.
Конкурсқа қатысуға еңбектегі, спорттағы, шығармашылық, зияткерлік, ғылыми жоғары жетістіктері бар отбасыларының мүшелері жіберіледі.
Конкурсты өткізу қағидаларымен Шымкент қаласы әкімдігінің www.shymkent.gov.kz сайтынан танысуыңызға болады.
Конкурсқа қатысу үшін құжаттар (өтінім, конкурстық материалдар) 2015 жылғы 10 мамырға дейін Шымкент қаласы, Тәуке хан даңғылы, №6 үй, 322 кабинет мекен-жайы бойынша қабылданады.
Ұйымдастыру комитетінің байланыс телефондары:
54-50-31, 53-64-12.
