Шымкентте Оңтүстік Қазақстан облысынан шыққан Ұлы Отан соғысының батырлары туралы буклет жарыққа шықты. Оны ҚР кәсіптік білім беру үздігі, инженер-педагог Еркінбай Тыныбеков өз қаржысына Оңтүстіктен аттанған сарбаздар жайлы мәліметтер жинап, шығарды.
ҰОС-ның 70 жылдығы қарсаңында облысымыздағы 61 батырдың есімдері мен олардың туған жылдары және жаумен қай жерде шайқасқаны секілді көптеген мағлұматтар жазылған. Е.Тыныбеков жерлестеріміз жайлы мағлұматтар жинау барысында облыстық өлкетану мұражайының, облыстық қорғаныс істері жөніндегі департаментінің қызметкерлері қол ұшын бергенін айтады.
Сонымен қатар, өзге де мәлімет көздерінен жинақтаған. 1000 данамен шыққан буклеттің ішінде 51 ҰОС-ның батыры, 9 «Даңқ» орденінің толық иегері және 1 Халық қаһарманы туралы толыққанды ақпарат алуға болады.
