photo 2018-08-24 14-41-44

«Азаматтарға арналған үкімет» мемлекеттік корпорациясы www.gov4c.info ресми сайтында мемлекеттік қызмет көрсету бизнес-процесін жетілдіру бойынша қазақстандықтардың ұсыныс-тілектерін қабылдауға мүмкіндік беретін«Краудсорсинг» жобасын іске қосты.

Бүгінгі таңда мемлекеттік корпорацияға басқарма төрағасының блогы, әлеуметтік желілер және кері байланыстың басқа да арналары арқылы азаматтардан түрлі проблемаларды шешу, сондай-ақ сервистерді жетілдіру бойынша көптеген өтініш-ұсыныстар түсіп жатыр. Енді ықылас танытқан әрбір азаматтың мемлекеттік қызмет көрсету саласына қатысты ұсыныс-талабы арнайы жоба аясында қабылданатын болады.

Жобаны енгізушілер қазақстандықтардың фронт-офис жұмысын жақсартып, электрондық сервистерді жетілдіру бойынша инновациялық идеяларын күтеді. Мемлекеттік қызмет көрсету саласын дамытып, корпорацияның жұмыс сапасын арттыруға бағытталған ұсыныс-тілектердің барлығын осы «Краудсорсингте» қалдыруға болады.

Ұсыныс-тілектерді мемлекеттік корпорация қызметкерлерінен құрылған комиссия сараптамадан өткізіп, таңдаулы ұсыныстар кең талқыланып, жүзеге асырылады.

Ұсыныс қалдыру үшін https://www.gov4c.info/ сілтемесі арқылы өтіп, арнайы форманы толтыру қажет. Сайтқолданушылары қалдырылған ұсыныстарды талқыға салып, пікірлер жазып, тіпті бағалай алады.

 

 

«Азаматтарға арналған үкімет»

 

мемлекеттік корпорациясы» КЕАҚ

 

Баспасөз қызметі

 

 photo 2018-09-19 15-58-26

«Азаматтарға арналған үкімет» мемлекеттік корпорациясы жеке тұлғаларға электрондық цифрлық қолтаңба (ЭЦҚ) беру процесін жеңілдетті. Бұл үрдіс «бір терезе» қағидаты бойынша пилоттық тәртіпте жүзеге асуда.

Енді ЭЦҚ алу үшін ҚР Ұлттық куәландырушы орталығының (pki.gov.kz) порталы арқылы алдын-ала өтінім беріп, жеке тұлғаны растау үшін ХҚО-ға барудың қажеті жоқ. Бірден ХҚО-ға келіп, электрондық кезек талонымен маманға тікелей жүгінсе, оператор барлық қажетті өтінімдер мен операцияларды өзі орындайды. Барлық процесске шамамен 5 минут уақыт кетеді.

Қызмет алушы өзімен бірге жеке басын куәландыратын құжат пен usb тасымалдаушыны әкелуі тиіс.

Ал заңды тұлғалар ЭЦҚ-ны жеңілдетілген үрдіспен қазан айының соңында ала бастайды.Айта кету керек, "Азаматтарға арналған үкіметтің" фронт-офистері арқылы биылғы жылдың 8 айында 4,5 миллионға жуық ЭЦҚ берілді.

 

«Азаматтарға арналған үкімет»

мемлекеттік корпорациясы» КЕАҚ

Баспасөз қызметі

«Жаңа бағдар – жетістіктің кілті»

Пятница, 21 Сентябрь 2018 05:40

Елбасының «Төртінші өнеркәсіптік революция жағдайындағы дамудың жаңа мүмкіндіктері» атты соңғы Жолдауында цифрландыру, жаңа технологияларға көшудің маңыздылығын атап өткен болатын.

59

«Бүгінде әлем Төртінші өнеркәсіптік революция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне қадам басып келеді. Жаңа технологиялық қалып біздің қалай жұмыс істейтінімізді, азаматтық құқықтарымызды қалай іске асыратынымызды, балаларымызды қалай тәрбиелейтінімізді түбегейлі өзгертуде» деп атап өтті. Сонымен қатар, Қазақстан халқының алдындағы негізгі 10 міндетті атады.
Шымкент қаласында салық жүйесінде жаңа технологияларға көшу, цифрландыру жүйесіне өту нәтижелі көрсеткіштерге қол жеткізуде.
Атап айтқанда, Шымкент қаласының Әл-Фараби ауданы бойынша Мемлекеттік кірістер басқармасының 2018жылдың 1 жартыжылдығында Мемлекеттік бюджет жоспары 100,4 пайызға орындалып, есепті мерзімде бюджетке жоспардан тыс 92,7млн.теңге артығымен қамтамасыз етілді. Республикалық бюджет бойынша есепті мерзімге жоспар 107 пайызға орындалып, бюджетке жоспардан тыс 853млн. теңге артығымен өндірілді.
Жыл басында Салық Кодексіне енгізілген өзгертулер межелі жоспарды орындауда оңды ықпалын тигізуде. Салық жүйесіндегі жаңа өзгерістерде салықты «Электронды Үкімет» порталы арқылы төлеу, жеке кәсіпкерлікті тіркеуде және өзге де өтініштерді электронды түрде беру тетіктері қаралған. Басқарамада 2018 жылдың 1 жартыжылдығына жалпы қабылданған салық есептілік нысандар саны 69513, оның ішінде 69436 электронды түрде (99,9%) қабылданды. Қағаз жүзінде қабылдаған өтініштер 0,1 пайызды ғана құрап отыр.
Салық мәселелері бойынша мемлекеттік қызмет көрсету стандарттары ҚР Қаржы министрлігінің 2016 жылғы 09 маусымдағы № 326 бұйрығымен бекітілген және оның мақсаты салық мәселелері бойынша қоғамның ақпараттануын арттыру мен көрсетілетін салық қызметінің сапасын, қоғамның қанағаттануын арттыру болып табылады.
Біздің қызметкерлер үшін Жолдаудың сегізінші басымдығын орындау маңызды міндеттердің бірі. Өйткені, «Тиімді мемлекеттік басқару» дегеніміз кәсіби және тиімді мемлекеттік аппаратты оңтайландыру және мемлекеттік қызмет көрсетуді оңтайландыру. Цифрлық технологиялар бизнесті қайта реттеуге, мемлекет тарапынан көрсетілетін қызмет пен мемлекеттік қолдаудың сапасын арттыруға, азаматтардың қажеттілігін барынша есепке алуға мүмкіндік береді. Ендеше, мемлекеттік кірістер жүйесінің басым міндеттері экономиканы технологиялық жаңғыртумен ерекшелене түспек.
Салық органдарына келместен, есептелген салықтар туралы мәліметті ғаламтор арқылы алуға болатынын, берешек сома болған жағдайда кез-келген екінші деңгейлі банктер арқылы төлеуге болатынын хабарлаймыз.

Есептелген салық сомасын қалай білуге болады ?!
Сізде ғаламтормен пайдаланатын мүмкіндігіңіз болу қажет.
Төменде көрсетілген кесте бойынша, сілтемеге сәйкесінше өтіңіз.

Безымянный

Қайрат ҚҰДИЯРОВ,
Әл-Фараби ауданы
бойынша Мемлекеттік
кірістер басқармасының басшысы

Биылғы оқу жылында шетелдік талапкерлер еліміздегі ЖОО-на оқуға көптеп құжат тапсырған. Бір ғана Шымкенттегі ұстаздар ұстаханасына айналған ОҚМПУ-ға 800-ден астам шетел азаматы оқуға ниет білдірген. Олардың басым бөлігі – Өзбекстаннан. Бұл жағдай екі ел арасындағы достық қарым-қатынасының одан әрі нығая түсуіне ықпал етеді.

студенттер

Өткен жылы Елбасы Өзбекстанға жасаған іс сапарында 2018 жылды Қазақстандағы Өзбекстан жылы деп жариялаған болатын.
«Біздің тығыз мәдени-гуманитарлық байланыстарымыз достық қарым-қатынастарымыздың маңызды факторы болып саналады. Біз 2018 жылы Қазақстанда Өзбекстан жылын өткізуге келістік. Өзбекстанда Қазақстан жылын өткізу де күн тәртібінде тұр. Осы бастамалар аясында өткізілетін түрлі іс-шаралар бауырлас халықтарымыздың жақындастығын одан әрі тереңдетуге септігін тигізеді» – деді Нұрсұлтан Назарбаев.
Бұл екі ел арасындағы мәдени, экономикалық байланысты нығайтумен қатар, білім беру саласындағы жаңашылдықтарға жол ашты. Осының арқасында өзбекстандық талапкерлер елімізде білім алу мүмкіндігіне ие болды. «Биыл біздің университетімізге 800-ден астам талапкер құжат тапсырды. Олардың 1-Қытайдан, 7- Түркіменстаннан, қалғаны Өзбекстан азаматтары. Бұрын да Өзбекстаннан талапкерлерді қабылдадық, бірақ биылғы талапкерлер саны жылдағы көрсеткішпен салыстырғанда көп. Студенттердің басым бөлігі орыс тілі мен әдебиеті, екі шет тілі мамандықтары бойынша білім алуда. Олар орыс, қазақ тілдерінде оқиды», – деді қабылдау бөлімінің басшысы Сартаева Халима Мамаджанқызы.
Сонымен қатар, шетел студенттерін жатақханамен қамтамасыз ету де жолға қойылған. «Студенттер 100% жатақханамен қамтамасыз етілді. Жатақхана ең алдымен бірінші курс студенттеріне, жетім, жартылай жетім балаларға, кейін 2,3,4 курс студенттеріне беріледі», – дейді қабылдау бөлімінің басшысы.
Елбасы Н.Ә.Назарбаев «Президенттің бес әлеуметтік бастамасы» атты халыққа үндеуінің үшінші бастамасында «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» бөлімінде 2022 жылдың соңына дейін студенттерге арнап кемінде 75 мың орындық жаңа жатақхана салуды тапсырамын. Бұл алдағы жылдарда өсе түсетін сұранысты ескергеннің өзінде жатақхана тапшылығын біржола шешеді делінген.
Мемлекетіміз болашақ ұрпақтың саналы, білімді, бәсекеге қабілетті ұрпақ болып қалыптасуына барлық жағдайды жасауда. Жас ұрпаққа сол мүмкіндікті дұрыс пайдалану жеткілікті. Мұндай жеңілдік, мұндай жағдай барлық мемлекетте бола бермейді. Мұны біз Өзбекстаннан келіп, білім алып жатқан студент Холмуратова Нилуфардың сөздерінен аңғаруымызға болады:
«Өзбекстанның білім беру жүйесі Қазақстанға қарағанда басқаша. Бізде 2017 жылға дейін 9 жылдық білім беру жүйесімен оқыдық. Мектепті тәмәмдаған соң колледж немесе лицейде 3 жыл оқып, мамандық алып шығамыз.Бірақ оқуын университетте жалғастыратындар өте аз. Себебі университетке түсу үшін тапсыратын емтихан өте күрделі болады. Одан өтпей қалсаң, ақылы бөлімге тапсырасың. Біздің Қазақстанға оқуға келуіміздің бір себебі, бізде оқу ақысының бағасы жоғары. Айталық, медицина саласы – 12 млн сум (567 108 тг), педагогика- 9 млн сум(425 331тг)». Оның өзінде де оқуға түсу қиын.
Міне, осыған қарап-ақ біздің елімізде білім аламын деген талапкерлерге барлық мүмкіндік жасалғандығын білуге болады. Тек сол мүмкіндікті тиімді пайдалана білсе, жастардың да, еліміздің де келешегі жарқын болмақ.

Камила БҰҒЫБАЕВА,
ОҚМПУ-дің филология
факультетінің 2 курс студенті

Жастар үлкендерден өнеге алады

Пятница, 21 Сентябрь 2018 04:58

Елбасының «Болащаққа бағдар: рухани жаңғыру» бағдарламалық мақаласы аясында облыстық «Жастар ресурстық орталығының» ұйымдастыруымен келешек ұрпақтың бәсекеге қабілетті тұлға болып қалыптасуына өз септігін тигізіп отырған «SARSENBILIK SATTI SUHBAT» жобасының кезекті басқосуы болып өтті.

90

Өмірлік тәжірибесімен бөлісіп, жастармен салмақты сұхбат құруға Шымкент қалалық мәслихатының депутаты– Ермек Дәрменов, №1 аналар үйінің басшысы – Қалдар Төнтекова, №2 аналар үйінің басшысы – Ұлболсын Жәңгірханова, Жеңіл өнеркәсіп және сервис колледжінің директоры – Гүлмира Тағаева салиқалы әңгіме өрбітті.
Сұхбат барысында қонақтар жеке өмірі, кәсібі, жетістікке жетудің формулалары жайлы әңгімелеп, жастардың көкейінде жүрген сұрақтарына жауап берді. Сонымен қатар, рухани жаңғыру, салт-дәстүр, отбасылық құндылық, бала тәрбиесі жайлы да сөз қозғалды.
Жиын соңында « Жеңіл өнеркәсіп және сервис колледжі» студенттерінің қолынан шыққан дизайнерлік өнер туындыларының таныстырылымы болды.

Камила БҰҒЫБАЕВА,
ОҚМПУ-дің филология
факультетінің 2 курс студенті

Үлгілі отбасылар сайысқа түсті

Пятница, 21 Сентябрь 2018 04:50

Шымқалада дәстүрге айналған «Үлгілі отбасы» байқауы биыл да жалғасын тапты. Отбасылық тәрбиенің үздік үлгілерін насихаттау мақсатында ұйымдастырылған шара үшінші рет өз дәрежесінде өтті.

 DSC9965

Байқауда 6 отбасы өз өнерлерін көрсетті. Сайысқа қатысушылар шашбау тағу, тұсаукесер, беташар сынды дәстүрлерімізді жаңғыртып, салт-дәстүрлер бойынша қойылған сауалдарға жауап берді. Отбасы мүшелері сайыстың шарты бойынша өнерлерін ортаға салып, халықтың қошеметіне ие болды. Ал осы әулеттердің қыз-келіншектері өздері дайындап келген тәттілері мен тағамдарын ұсынды. Балғындар жаттау айтып, отбасылық сайыстың көркін қыздырды.
Тартысты бәсекеде топ жарып шыққан Батырбаевтар (Әл-Фараби) әулеті жеңіске жетіп, 200 мың теңге қаржылай сыйлыққа ие болды. Анарметовтар (Қаратау) отбасы екінші (150 мың), Коляровтар (Қаратау) мен Есаливтер (Еңбекші) үшінші орынды иеленді. Үштікті қорытындылаған жанұяларға 100 мың теңгенің сертификаты табысталды. Бакировтер мен Досымбековтер ынталандыру сыйлығымен (10 мың) мараптталды.
Елбасының «Болашаққа бағдар: рухани жаңғыру» атты мақаласы аясында өткізілген шараға қалалық ардагерлер кеңесі мен Шымкент қаласы ішкі саясат және дін істері басқармасы мұрындық болды.

Емханаға тіркелу науқаны басталды

Пятница, 21 Сентябрь 2018 04:34

Шымкентте тұрғындардың емдеу мекемелерін таңдау науқаны басталды. Биыл аталған акцияға қатысуға қаладан 33 денсаулық сақтау мекемесі өтініш берсе, оның 17-і жекеменшік емхана.

фото емхана танда

Бұл туралы Шымкент қалалық денсаулық сақтау басқармасы мен «Әлеуметтік сақтандыру қоры» КЕАҚ ОҚО филиалы өткізген баспасөз мәслихатында белгілі болды.
– Өткен жылы Түркістан облысы мен Шымкент қаласында 25 934 тұрғын емханаға тіркелді. Тіркеу ережесінде айтарлықтай өзгеріс жоқ. Тек айтарымыз емхананы таңдағанда тұрғылықты жері мен емдеу мекемесінің арақашықтығы 15 минуттан аспауы қажет. Өйткені, жедел жәрдем саласында жасалған соңғы реформаларға байланысты 4-санатқа жатқызылатын шақыртуларға жергілікті емханалар қызмет көрсетеді. – деді «Әлеуметтік сақтандыру қоры» КЕАҚ Түркістан облыстық филиалы басшысының орынбасары Н. Киікбаева.
Шымкент қаласы денсаулық сақтау басқармасының басшысы Нұрлан Қасымовтың айтуынша мегаполис қалада халық көбейген сайын бастапқы медициналық көмек алушылар саны да артқан. Сондай-ақ шаһарда емханалардың жетімсіздігі байқалады.
– Кейбір мемлекеттік емханаға 70 мыңнан аса тұрғын тіркелген. Жекеменшік емханаларды тарту арқылы мұндай мәселелер шешіледі деген үміттеміз. Осы кезге дейін бір дәрігер 2000 адамға қызмет көрсетсе, оны 1700 азайту жоспарлануда. Осы арқылы дәрігер жүктемесі мен кезекті азайтамыз, – деді Шымкенттің бас дәрігері.

Салық төлеушілер назарына!

Четверг, 20 Сентябрь 2018 08:43

"Салық төлеушілер Қазақстан Республикасының аумағында қызметін жүзеге асырғанда ақшалай есеп айырысулар кезінде деректерді тіркеу және (немесе) беру функциясы бар бақылау-касса машиналарын қолданатын қызмет түрлерін бекіту туралы" Қазақстан Республикасы Қаржы министрінің 2018 жылғы 16 ақпандағы № 206 бұйрығына енгізілген толықтыруларға сәйкес, 2018 жылдың 1 қазанынан бастап төмендегі қызмет түрлерімен айналысатын салық төлеушілер қызметін деректерді тіркеу және (немесе) беру функциясы бар бақылау-касса машиналарын міндетті түрде қолдана отырып іске асырулары тиіс:

Автомобильдерді және жеңіл автокөлік құралдарын сату

Автокөлік құралдарына техникалық қызметтер және жөндеу

Автомобильдерге арналған қосалқы бөлшектер мен құрал-саймандарды көтерме саудада сату

Автомобильдерге арналған қосалқы бөлшектер мен құрал-саймандарды бөлшек саудада сату

Сусындарды көтерме саудада сату

Фармацевтикалық тауарларды көтерме саудада сату

Тоқыма бұйымдарын сату

Қапсырма бұйымдарын, лак-бояу материалдарын және шыныларды сату

Киімдерді сату

Фармацевтикалық тауарларды бөлшек саудада сату

Сағат және зергерлік әшекейлерді сату

Ломбард қызметі

Жылжымайтын мүлікпен жүргізілетін операциялар бойынша агенттіктердің қызметі

Сыйақы үшін немесе келісім шарт негізінде жылжымайтын мүлікті басқару

Жарнама агенттіктерінің қызметі

Құмаройындар және бәстігуді ұйымдастыру қызметі

Уәкілетті ұйымдармен жүзеге асырылатын қолма - қол шетел валютасымен айырбастау операцияларын ұйымдастыру қызметі

 

 

Еңбекші ауданы бойынша

Мемлекеттік кірістер басқармасы,

Ақпаратты қабылдау және

беру орталығы бөлімінің

бас маманы А.Жумашова.

Страница 1 из 259