Үкімет отырысында «Президенттің бес әлеуметтік бастамасын» іске асыру мәселесін қарау қорытындысы бойынша ҚР Премьер-Министрі Бақытжан Сағынтаев Мемлекет басшысы тапсырмаларының орындалуын бақылауда ұстауды тапсырды.

PREMIER

Үкімет басшысы Президенттің бес әлеуметтік бастамасы Мемлекет басшысының ауқымды бағдарламасы, оның әр адамның өміріне әсері бар екенін атап өтті. Сондықтан әрбір бастаманы сапалы жүзеге асыру қажет.
Бірінші бастама – баспанамен қамтамасыз ету бойынша жұмысты жалғастырылып, Ұлттық банктің ұсыныстары қарастырылады. «7–20–25» бағдарламасының қазіргі кедергілері жойылып, іске асыру барысын жеделдетілмек. Салық жүктемесін азайтуға қатысты екінші бастама орындалды.

Ал үшінші бастама қосымша білім гранттарын беру тұрғысынан орындалды. Енді Білім және ғылым министрінің деректеріне сәйкес, биыл алғашқы жатақханалар салынады. Премьер-Министр биыл жоспарланған 5 мың орынды пайдалануға беру қажет екенін айтты.
Елбасының төртінші бастамасына қатысты, шағын несиелер бойынша жоспарлы көрсеткіштерге қол жеткізу қажеттігі аталып өтті. Ұлттық экономика, еңбек және халықты әлеуметтік қорғау министрліктері тарапынан үйлестіру жұмыстарын күшейту тапсырылды. Бұдан өзге, өңірлерде берілген шағын несиелердің игерілуін қамтамасыз ету мақсатында себептерін талдап, кедергілерді жою тапсырылды.

Бесінші бағытты орындау тұрғысынан «Сарыарқа» газ құбырын уақытылы салып, іске қосуды қамтамасыз ету қажет. Энергетика министрі Қ. Бозымбаевқа бұл мәселені ерекше бақылауда ұстау тапсырылды.

Жол ережесіне сақ болыңыз!

Среда, 23 Январь 2019 04:59

Шымкент қаласында «Автобус» жедел-алдын алу іс-шарасы өтуде. Рейд барысында полиция қызметкерлері жол ережесін бұзған 250 қоғамдық көлік жүргізушісінің үстінен хаттама толтырды.

Полиция

Рейд барысында тоқтатылған қалааралық немесе аудан орталықтарына қатынайтын жолаушылар көліктерінің көбісі талапқа сай болмай шыққан. Мысалы, автобустардың кейбірінде жолаушылар орындығына зат тиелген. Ал басқа автобустардың ішіне заңсыз жатын орын қойылған. Тәртіп бұзған азаматтардың барлығына ҚР ӘҚБжК тиісті баптары бойынша әкімшілік хаттама толтырылып, айыппұлдар кесілді.

Елбасының «Болашаққа бағдар: рухани жаңғыру» бағдарламасы аясында Шымкенттегі «Ерлік» музейінің «Ата-бабалар аманаты – елдік пен ерлік, бірлік пен ынтымақ» жобасы бойынша айтулы кәсіпкер, меценат, өңірімізге белгілі энергетика маманы Пердебай Сабитовке арналған «Ұлтжандылық Шерхан Мұртазадан жұққан» атты кеш өтті.

Сырласу кеші

Сырласу сағатын музей меңгерушісі Ақмарал Құдайбергенова мен жазушы Мархабат Байғұт жүргізді.

Пердебай Сәбитов 1963 жыл 25 желтоқсанда Сарыағаш ауданы Ошақты ауылында көп балалы отбасында дүниеге келген. Жастайынан еңбекке ерте араласқан бала Пердебай 5 сыныбынан бастап жазушы Шерхан Мұртазаның шығармаларын оқуға жаны құмар болған. Жазушының бала күнгі естеліктерінен өзіне үлкен жігер алып, өмірлік ұстанымы етіп келген.

– Шерхан Мұртазаның «Қызыл Жебе» романын оқыған кезде Тұрар Рысқұловтың бала күнінен бастан кешкен оқиғалары мені үлкен әсерге бөледі. Әсіресе, бала Тұрар болыстың баласынан таяқ жеп, әкесі Рысқұлға шағым айтқанда әкесінің айтқан ақылы өмірлік ұраныма айналды. Сонау бесінші сыныптан бастап арман мақсаттарым түбегейлі өзгеріп, сәтсіздікке ұрынған кезімде де Рысқұлдың баласына айтқан ақылы есіме түсіп, лезде өзімді жинақтадым. Мен Тұрар Рысқұловты Шерхан Мұртаза арқылы таныдым және жазушының басқа да туындыларынан бағыт алып отырдым, - деді кеш кейіпкері.

Бүгінде П.Сәбитов «Қуат жылу орталық» АҚ директоры қызметін абыройлы атқарып келеді. Сонымен бірге Шымкент қалалық WT Таеквандо федерациясының вице-президенді. 2018 жылы ел ағасының еңбегі еленіп, ҚР Президентінің Жарлығымен «Құрмет» орденімен марапатталды.

Басқосуда ардагерлер Байдулла Қонысбек, Нармахан Бегалыұлы, Ерғали Жүсіпбеков, Шерім Медеуов, Жолдыбай Ендібаев, Жеңісбек Мәуленқұлов, Исамуддин Рысбай ұлтымыздың біртуар перзенті Шерхан Мұратаза мен жазушы Тұтқабай Иманбеков жайлы сыр шертті. Сондай-ақ, Ш.Мұртаза мен Т.Иманбековтың тұрақты оқырманы әрі кітаптарын шығаруға демеушілік жасайтын
Пердебай Сабитов туралы тартымды әңгімелер айтты.

«Шымкент келбеті» газетінің тілшісі, әріптесіміз Тағабай Қасымның алғашқы кітабы жарық көрді. Үш бөлімнен тұратын жинаққа, негізінен, автордың газет бетінде көтерген мәселелері, белгілі тұлғалармен сұхбаттары және жолжазбалары еніп отыр.

Кітап

Автор кітапта жастар саясатын дамыту, бұқаралық спортты насихаттау, Олимпиада және әлем чемпионаттарындағы жеңісті дәстүрді жалғастыру мәселелері, ұрпақтар сабақтастығының жарасымды жалғасы жөнінде ой қозғайды. Әріптесіміз еңбек жолын «Оңтүстік Қазақстан» облыстық қоғамдық-саяси газетінде бастаған. 2013 жылдың тамыз айынан бері «Шымкент келбеті» газетінде жұмыс істейді.

Туған жерін түлету – әр азаматтың перзенттік парызы. Міне, әріптесіміз бұл еңбегінде 2011 жылдан бергі Шымкент қаласындағы спорт саласының дамуын сөз етеді. Сыр-сұхбат бөліміне бокстан тоғыз жыл ұлттық құраманың бас бапкері болған Мырзағали Айтжанов, күрестен халықаралық дәрежедегі төреші Бақытжан Жақсықұлов, көркем гимнастикадан Ұлттық құраманың бас бапкері Әлия Юсупова, ауыр атлетикадан Олимпиада ойындарының күміс жүлдегері Жазира Жаппарқұл, Олимпиада және әлем чемпионатының күміс жүлдегері Мұхтархан Ділдәбеков, әлем чемпиондары Біржан Жақыпов, Қайрат Ералиев, әлем чемпионатының күміс жүлдегері Жайна Шекербекова, т.б., белгілі тұлғалармен сұхбаттары топтастырылған.

Сонымен қоса Қазақстанда өткен ауыр атлетикадан, бокстан әлем чемпионаты, күрес түрлерінен Бішкекте өткен Азия чемпионаты, бокстан Ташкентте өткен Азия чемпионатындағы жолжазбалары оқырман назарына ұсынылып отыр.

Ал «Ойды ой қозғайды» бөлімінде «Жұлдыз-ғұмыр жадымызда мәңгі жаңғырып тұрсын десек», «Ағаның бәрі осындай болсашы», «Балуандардың бағын ашқан бәсеке», «Бәрі де Шымкент шаршы алаңында шыңдалды», «Олимпиадалық цикл Шымкенттен басталады» атты өзекті талдамалық-сараптама материалдары, тағы басқа ескірмейтін, өзектілігін жоймайтын мақалалар бар.

– Өзім еңбек еткен «Оңтүстік Қазақстан», «Оңтүстік Рабат» және республикалық «Sport» газетінде де хал-қадерімізше осы саланы көбірек жазуға әрекеттендік. Өмірлік мақсатыма айналған спортты насихаттауды «Шымкент келбеті» газетінде де жалғастырып келемін. Еңбек жолымызда белгілі спорт журналистері Дүрәлі Дүйсебай, Қыдырбек Рысбек ағалардың қамқорлығын, тәрбиесін көрдік. «Шымкент ақпарат орталығы» ЖШС-ның директор-бас редакторы Айгүл Қапбарова да қаламның қасиетін ұғындырып, жан-жақты қолдау көрсетуде, - деген автор кітаптың жарыққа шығуына атсалысқан барлық азаматтарға алғысын айтады.

Елімізде қазіргі таңда контрафактілік өнімдер және зияткерлік меншікті заңсыз пайдалану кәсіпкерлікті дамытуға кері әсерін тигізіп отыр. Қазіргі кезде контрафактілік өнімдер көптеген сауда нүктелерінде сатылуда. Ал, лицензиясы бар өнімдер сауда жасайтын нүктелер саусақпен санарлық.

Сол себепті, контрафактілік тауарларды сатып алу қауіпін болдырмау үшін өнімдердің мынадай белгілері бар-жоғын есте сақтап, тексеріп алу қажет:Тіркелген тауар белгісі - тауар таңбасы ретінде бейнелеу, сөз, көлем белгілері және өзгеде белгілер кез келген бояулы түстер үйлесімінде тіркелуі мүмкін. Тіркелген әрбір тауар белгісіне заңды иесі тауар белгісі пайдаланатын өнім толық сипатталатын куәлік алады. Тауар белгісін қорғау белгісі - латынша «R» әріпі шеңберге алынған болуы тиіс. Әрбір тіркеуге алынған тауар белгісінде құқықтық қорғау мен сақтау белгісі болады, ол тауар белгісінің жанына орналастырылады және бұл белгі аталған тауардың қорғалатынын білдіреді. Құқық иеленушінің рұқсатынсыз оның тауар белгісіне ұқсас белгілерді, тауар белгісін дараландыру үшін тіркелген тауар таңбасын немесе біртектес тауарларды пайдалануға ешкімнің де құқығы жоқ, себебі осылайша пайдаланудың нәтижесінде олардың араласып кету мүмкіндігі туындайды.

Құқық иеленуші заңмен қорғалатын және тіркелген тауар белгісін басқа тұлғаға пайдалануға бере алады, алайда ол тиісті құжаттармен (тауар белгісіне берілетін айрықша құқықты иеліктен шығару туралы келісім-шарт немесе тауар белгісін пайдалануға құқық беру туралы лицензиялық келесем-шарт) расталуы тиіс. Мұндай құжаттарды тексере отырып, онда уәкілетті мемлекеттік органның белгісі бар болуы нақтылау қажет, себебі тауар белгісіне айрықша құқық берілу туралы барлық келісім шарт жарамсыз болып табылады.

Осындай кеңестерді ескере отырып, нақты өнімнен жасанды, яғни контрафактілік өнімді айыру қиындық туғыза қоймайды. Тауарлардың тіркелген белгісі немесе соған ұқсас белгілері заңсыз көрсетілген кез келген тауарлар, этикеттер, тауарлардың бумалары контрафактілік болып табылады.  

Қазақстанның тұтыну нарығында, сондай-ақ жалпы әлем бойынша контрафактілік (жасанды) өнім көлемі ұлғаюда. Адамдардың көпшілігі контрафактінің тигізетін залалын сезбейтіндіктен, сапасыз тауарларды өндірушілердің құрбанына айналады. Контрафактілік өнім түпнұсқа секілді қымбат бағада сатылуы мүмкін және керісінше, сатып алушы үнемдеу мақсатында әдейі арзан жасанды затты сатып алады. Қазақстанның тұтыну нарығында сапасы төмен, ал кейде қауіпті өнімнің пайда болуы ұлт денсаулығына залал келтіреді және тұтынушылардың өміріне қауіп төндіреді, мемлекеттің экономикасына, ел беделіне елеулі нұқсан келтіреді.

Мысалы, фармацевтикалық өнімдердің тауар таңбасын пайдаланып, дәрі-дәрмектерді сапасыз өндіру, оны пайдаланушы тұрғынның денсаулығына елеулі кері әсерін беруі мүмкін. Айталық, сіз дәрігердің нұс­қауымен асқазанға емдік әсе­рін беретін дәріні сатып ал­ып пайдаландыңыз. Алайда, сізге бұл дәрі дауа болмай, қайта асқазан ауруын қоз­ды­рып жіберді

Осы кезде сіздің пайда­ланған дәріңіздің таза өнім екеніне күмән туады.   Жал­ған өнімдер туралы хабары жоқ адамдардың кейбірі дәрі­нің кері әсерін өзінің ден­сау­лығынан көрсе, кейбірі дәрігер нұсқауының дұрыс бол­ма­ғандығын алға тартады. Осын­дай жалған өнім әсерінен денсау­лыққа үлкен зиян келіп, адам­ның сау органы ауруға шал­дығуы да әбден мүмкін.

Қазақстандық нарықта танымал әлемдік брендтердің жасанды тауарларының саны көп. Жасанды тауарлар нарыққа әлдеқашан шыққан және бір-бірімен бәсекелес. Контрафактілік өнімнен айыруға  құқық иеленуші компаниялардан (бренд иесінен) өзге ешкім қызығушылық танытпайды.  Компания өзі жеке немесе өзінің өкілі арқылы елдегі мемлекеттік органдарға немесе сотқа жүгіне алады және осыдан кейін құқық иеленушінің арызы бойынша ғана құзырлы органдардың бұзушыларға қарсы  әрекеттерді жасау құқығы пайда болады.

Қорытындылай келе, әр тұтынушы өзіне қажетті заттарды аларда оның баға­сына, сапасына және тауар таңба­сына назар аударғаны жөн.

 

 

Шымкент қаласы Еңбекші ауданының

әділет басқармасының жетекші маманы

Т.Бекмурзаев

«Қазақстан Заңгерлер Одағы»

РҚБ-ң ОҚО филиалының мүшесі.

Ағымдағы жылдың 5 маусымында Қазақстан Республикасы Парламенті Мәжілісінің пленарлық отырысының екінші оқылымында «Адвокаттық қызмет және заң көмегі туралы» және «Қазақстан Республикасының кейбір заңнамалық актілеріне адвокаттық қызмет және заң көмегі мәселелері бойынша өзгерістер мен толықтырулар енгізу туралы» заңдар жобалары мақұлданған болатын.

Аталған заң жобасы 2017-2022 жылдар кезеңіне арналған құқықтық сауаттандыру саласын жетілдіру бойынша тұжырымдаманы іске асыру бойынша және 2017 жылғы 8 ақпандағы Қазақстан Республикасы Президенті жанындағы құқықтық саясат бойынша кеңестің тапсырмасына сәйкес әзірленген.

Заң жобасын әзірлеу мақсаты адвокаттық қызмет және заң көмегін көрсету жүйесін кешенді жетілдіру болып табылды.

2018 жылдың 10 шілдесінде Мемлекет басшысы азаматтарға заң көмегін көрсету саласындағы заңнаманы жетілдіруге бағытталған «Адвокаттық қызмет және заң көмегі туралы» Қазақстан Республикасының Заңына қол қойды.

Заң халықтың әлеуметтік жағынан қоғалмаған топтарына тегін құқықтық көмекке қол жеткізуді қамтамасыз ететін білікті заң көмегін алудың конституциялық құқығын іске асыруға бағытталған. Заң 4 бөлімнен, 7-тараудан, 98-баптан тұрады.

Заңның 1 бөлімінде негізгі ережелер, заң көмегін көрсетудің қағидаттары және түрлері, кешенді әлеуметтік заң көмегі, Үкіметтің және уәкілетті органның заң көмегін көрсету саласындағы құзіреттілігі айтылған.

2 бөлімінде «Мемлекет кепілдік берген заң көмегі туралы» Заңының ережелері сақталған.

3 бөлімінде адвокаттық қызметті жетілдіру бойынша ережелер бар.

Заңның  4 бөлімінде заң консультанттарының құқықтық мәртебесі және заң консультанттары палатасының қызметінің ережелері көрсетілген.  

Заң азаматтардың білікті заң көмегін алу үшін конституциялық құқықтарын іске асыру кезінде құқықтары мен бостандықтарын және заңды мүдделерін қорғауды күшейтуге және оның құқықтық механизімін жетілдіруге бағытталған.

Заңның негізгі ережелері болып кешенді әлеуметтік заң көмегін көрсету және әлеуметтік  және қаржылық қиын жағдайдағы азаматтар үшін адвокаттан немесе заң кеңсесінен оның құқықтық жағдайын толық сүйемелдейтін заң көмегін алу көзделген.

Мұндай көмек тараптардың келісіміне қарай ерікті және ақысыз көрсетіледі.

Кіру жарнасын алып тастау адвокат кәсібіне қолжетімділікті қамтамасыз етеді, адвокаттың кәсібіне және бәсекелестікті көтереді және адвокаттар санының көбеуіне алып келеді.

Адвокаттардың бірден бір жетіспеушілігінің себебі болып, өз кезегінде үміткерлер үшін кіру жарнасының көлемінің ауырлығына байланысты болған, яғни осы күнге дейін кіру жарнасының көлемі 700-800 мың болған.

2011 жылдан бастап бүгінгі күнге дейін адвокаттық қызметпен лицензия алу құқығына 10 588 лицензия берілген.

2018 жылдың 1 сәуіріне дейін адвокаттық қызметпен айналысып жатқан адвокаттар саны 4733 (2017 жылы-4 634), былтырғы жылмен салыстырғанда 99 адвокатқа көбейген. Соңғы төрт жылда адвокаттар саны бар-жоғы 7-8 % көтерілген (300-400 адвокатқа).

Заңдағы мүліктік кедергіні алып тастау адвокаттық қызметке деген қолжетімділікті қамтамасыз етеді, жас заңгерлердің адвокат кәсібіне кіруіне мүмкіндік береді және адвокаттар арасында бәсекелестік көтеріледі.

Жаңа заңда аттестация өткізу тәртібі және адвокаттың кәсіби біліктілігін қарау тәртібі қарастырылған.

Қазақстанда адвокаттардың біліктілігін көтеру механизмі қарастырылмаған. Дамыған елдерде, мысалыға АҚШ, Франция, Ұлыбритания елдерінде адвокаттардың кәсіби біліктілігін жүйелі және тұрақты түрде көтеру міндеті заңмен бекітілген.

Жаңа заңда адвокатураның сапалы құрамын жақсарту мақсатында адвокаттардың біліктілігін көтеру механизмі қарастырлыған, нәтижесінде адвокаттық қызметтің сапасы және бәсекелестік артады.

Адвокаттардың жыл сайын кәсіби біліктілігін көтеру міндетін енгізу бұл тек заң кәсібіне деген қажеттілік емес, бүгінгі жағдайдағы ажырамайтын бөлігі болып табылады.

Сондай-ақ Заңда адвокаттар алқасын басқару органдарының уақытына шектеу қою тәртібі көзделген. Адвокаттар алқасында басшылықтың ауысуы сирек кездеседі. Қазақстандағы адвокаттар алқаларының төрағалары орташа алғанда өз қызметінде 20-25 жылдан бері атқарып келе жатыр. Басқару органдардарында қызметін жалғастыру кәсіби қоғамдағы реттеу тәсіліне жағдай туғызбайды.

Заңда адвокаттық ордерді алып тастау көзделген. Адвокаттық ордерді пайдалану тәжірбиесі тиімсіздігін және ескіргендігін көрсетеді.

Дамыған елдердің құқықтық дәстүрінде ордер ұқсастығы көзделмеген. Адвокаттық ордерді алып тастау адвокатураның қызметін оңтайландырады, оның ішінде адвокаттардың адвокаттық ұйымның басшысына тәуелділігін алып тастайды, адвокаттардың қаржылық және уақыттық шығындарын қысқартады.

Сондай-ақ жеке тәжірибемен айналысатын заңгерлердің қызметін реттемелеу қарастырылған.

Бүгінде сотта кез-келген жоғарғы білімі бар адам азаматтардың мүддесін білдіреді. Мұндай көмек кей жағдайда сапасыз болып қалады да, соның салдарынан азамат өзінің құқықтарын қорғай алмайды.

Сондықтан заңгерлік көмек алушыларндың мүддесін білдіретін тұлғалар заң консультанттарының  палаталарының құрамында болуы міндетті.

Жеке тәжірбиемен айналысатын заңгерлердің өзін өзі реттеуі заң қызметінің сапасын көтерудің тиімді құралы болып табылады.

Сонымен қатар, адвокаттарды сапасыз заң көмегін көрсеткені үшін жауапкершілікке тарту механизмі қарастырылған.

Қазақстанда адвокаттармен ұсынылатын кәсіби қызметін сапасына тиімді бақылау жасау карастырылмаған.

Соңғы 4 жылдағы адвокаттардың әрекетіне (әрекетсіздігіне) түскен шағымдар саны 700 ден аса болған болса, оның ішінде көп жағдайда жақсы деңгейдегі заң көмегін қалайтыны көрсетілген.

Адвокаттардың әрекетіне (әрекетсіздігне) түскен шағымдардың көбейуі заң көмегінің көрсету сапасының төмендігін, соның салдарынан төленген гонорарды қайтарып беруі мәселесі көрсетіледі.

Ал қалған арыздар адвокаттардың сотта өзін дұрыс ұстамау, сот  отырысына келмей қалуы, істі созу сияқты және т.б. қатысты түскен.

Адвокаттардың кәсіби және этикалық жүріс тұрысының нормаларын сақтауды қамтамасыз ету мақсатында тәртіптік өндірісті объективті және жан-жақты қарау үшін тәртіптік комииссияның екі деңгейлі жүйесі қарастырылған. Адвокаттардың тәртіптік комиссиясының құрамына адвокаттар алқасының ұсынымы бойынша бес жылдан кем емес адвокаттық практика өтілі бар 6 адвокат, уәкілетті органның 3 өкілі, отставкадағы 2 судья енгізіледі.

Адвокатурада жаңа технологияларды пайдалану дамымаған, бұл осы заңда шешімін табатын болады.

 

Шымкент қаласы Еңбекші ауданының

әділет басқармасының іс-қағаздарын

жүргізу жөніндегі инспекторы

Жазира Ауелтаеваның

«Қазақстан Заңгерлер Одағы»

РҚБ-ң ОҚО филиалының мүшесі.

«Жалпыға ортақ еңбек қоғамы»

Среда, 16 Январь 2019 00:00

Қазақстанда Президент Нұрсұлтан Назарбаев тапсырған, бес институционалдық реформаларды іске асыру үшін 100 нақты қадамды анықтап берген, жалпыұлттық  жоспарды  жүзеге асыру барысы толықтай жүргізіліп келеді.

Жалпыға Ортақ Еңбек Қоғамы идеясының көтерілуі басым бағыттардың бірі болып табылады. Жоба «Қазақстан-2050» стратегиясын іске асыруға және мемлекеттік саясатты индустрияландыру қажеттіліктеріне жауап беретін, жұмысшы және кәсіптік-техникалық мамандықтар қоғамындағы әйгілілікті және беделдерін арттыруға бағытталды.

ҚР Президенті Нұрсұлтан Назарбаев өзінің 2012 жылғы 10 шілдедегі «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» атты тұжырымдамалық бағдарламасының мақаласында  Жалпыға Ортақ Еңбек Қоғамы идеясын жариялады және оны республиканың әлеуметтік жаңғыртылу саясатының негізі деп атады. Елдің әлеуметтік жаңғыртылуының мәні біреудің асырауында болушылықтан белсенді өмірлік орнына жетуге – азаматтардың санасын түбегейлі өзгерту тұспалданады.  

«Бүкіләлем бұл тұтуыну идеологиясы құртатын болып табылатынына, барлық әлем ерекше шеленіске көздерін жеткізді. Ол әлемнің дамыған елдерінде бұқаралық әлеуметтік біреудің асырауында болуды тудырды және дағдарыстың ең басты себебінің бірі болып табылады. Бұндай жалған идея тек қана бүкіләлемде емес сонымен қатар дамыған елдерде де іске асырыла алмайтын, құрылымдық баламаны тауып алуға болады. Бұндай балама Жалпыға Ортақ Еңбек Қоғамының идеясы болып табылады», - деді мемлекет басшысы Н.Ә.Назарбаев.

Оның пікірінше, шетелдік тәжірибе осы үдеріс азаматтардың күшеюін қолдайтынын, олардың шығармашылықты шамаларына шатынын көрсетеді.

ҚР Президенті Н.Ә.Назарбаев өзінің мақаласында - адамдардың өз құқықтары мен еркіндіктерін белсенді қорғауға деген ұмтылысын көбейтеді, қоғамды өздігінен ұйымдастыру деңгейін арттыратынына тоқталып кетті.

Ол сондай – ақ қоғамда мемлекеттің шексіз емес екенін, ол азаматтардың жағдайының жақсаруына ықпал ететін серіктес деп түсіну керек екенін айтты.

Сондықтан да Президенттің Жалпыға Ортақ Еңбек Қоғамының идеясын құру туралы  идеясы өзінің мазмұны мен мағыналық жағынан ұлттық трендті көрсетеді. Бұл әр қазақстан халқы үшін де, мемлекеттік және қоғамдық құрылымдар үшін де әрекетке өзгеше жетекшілік ету.

Осы стратегиялық құжаттағы да мемлекет басшысының біздің елді дамыту бағытын дұрыс алып келе жатқанын көрсетеді. Бұл құжат маңызды және өзекті салаларды – еңбекті, білімді, жастардың әлеуметтік бағыттарын, денсаулықты, үй мәселелерін қозғайды.

Сондықтан елімізде жаңа мектептер,  ауруханалар, мәдени орталықтар салынып жатыр, бұған мемлекеттік кешенді бағдарламалар бағытталды. Әлемдік экономикадағы белгісіздікке қарамастан, оның ішінде сыртқы нарық, Қазақстан оң өзгеріске қол жеткізіп келеді.

Шымкент қаласы 

Еңбекші ауданының әділет 

басқармасының бас маманы 

«Қазақстан заңгерлерінің одағы» 

РҚБ-нің мүшесі М.Маматаева

Шымкент қаласында өткен жылы жалпы алаңы 439,2 мың шаршы метр тұрғын үй пайдалануға берілген. Ал қалада жалпы құрылыс жұмыстарының көлемі 2 есеге артты. Бұл туралы қала әкімі Ғ.Әбдірахымовтың төрағалығымен өткен жиында экономика және бюджеттік жоспарлау басқармасының басшысы Р.Мүлкеманов мәлімдеді.

Аппарат жиналысы

Шымкент қаласының 2018 жылғы әлеуметтік-экономикалық дамуы қорытындысы туралы баяндаған басқарма басшысы қаланың макроэкономикалық көрсеткіштерінде өсім бар екенін жеткізді.
– Өнеркәсіп өнімінің көлемі 476 млрд теңге болып, 2017 жылға өсімі 104,5% құрап, жоспар орындалды. Оның ішінде, өңдеу өнеркәсібінің өсімі 104,9% құрап, жоспарға қол жеткізілді. Ауыл шаруашылығының жалпы өнім көлемі өткен жылға 100,3% құрады. Қалаға бағытталған инвестиция көлемі 2017 жылдан 2,5 есеге артып, жоспар асыра орындалды, - деді басқарма басшысы.

Страница 1 из 277