040dac865bd550da9dd1de61acfec995

Әлемде пандемияға байланысты қалыптасқан жағдай күрделене түсуде. Коронавирустың таралуы бәсеңдемей отыр. Осыған байланысты Қазақстан Республикасының Президенті Қасым-Жомарт Тоқаев халыққа телевизиялық үндеу жариялады.

– Кейбір елдерде бұл індет қайтадан ушығып бара жатыр.
Әлем бойынша осы вирусты жұқтырғандардың саны шамамен 12 миллионға жетті, соның салдарынан 500 мыңнан астам адам қайтыс болды.
Сол себепті, бірқатар елдерде карантин тәртібі қайта күшейтіліп, әуе, көлік қатынасы қайтадан шектелді.
Өкінішке қарай, біздің елдегі жағдай да оңай болып тұрған жоқ.
Мемлекеттік комиссияның шешімімен 5 шілдеден бастап елімізде екі апталық мерзімге карантин шаралары енгізілді.
Бұл аса қажетті шешім болды.
Жағдайдың тұрақталатыны сөзсіз. Оның алғашқы белгілері де бар. Сондықтан, алдағы екі апта біздің болашақ қадамдарымыз үшін шешуші кезең болмақ, – деді Мемлекет басшысы.
Президент індет салдарынан қара жамылып отырған азаматтардың қайғыларына ортақтасып, көңіл айта отырып, 13 шілдені – Ұлттық аза тұту күні деп жариялайтынын мәлімдеді.
– Осындай күрделі жағдай кезінде ел арасында көптеген жалған әңгімелер тарауда. Теріс ақпарат таратып жүрген арам пиғылды адамдардың әрекеттері орын алуда.
Өкінішке қарай, кейбір азаматтар жалған ақпаратқа сенетін болды.
Сонымен қатар, тағы бір маңызды мәселе. Дәрігерлеріміз бұқаралық ақпарат құралдары арқылы азаматтарға нақты, бірізді мәлімет беруі керек. Дертті емдеудің неше түрлі жолдарын көрсетіп, адамдардың денсаулығына қауіп төндіруге болмайды.
Бұндай әрекеттерге тосқауыл қою керек.
Қылмыстық кодекстің 174-бабына сәйкес жалған ақпарат таратқан адам жауапқа тартылады.
Құқық қорғау органдары ел ішіндегі осындай жөнсіздікке қатысты қатаң шаралар қолданатын болады.
Сол сияқты дәрі-дәрмектің бағасын бірнеше есе өсіріп, қалыптасқан жағдайды өз мақсатына пайдаланғысы келген алыпсатарларды да құқық қорғау органдары менің тапсырмама сәйкес жауапқа тарта бастады.
Қазір мемлекеттік органдар елді мекендерді қажетті дәрі дәрмекпен толық қамтамасыз етуде. Осыған орай, тиісті қор жасақталған. Төсек орындары да, медициналық қызмет көрсету ісі де толығымен қамтамасыз етіледі, – деді Қасым-Жомарт Тоқаев.
Мемлекет жағдайды орнықтыруға байланысты барлық шараларды қолданатынын да айтты. Алғашқы медициналық көмек көрсету күшейтілуде. Тұрғындарға үйлеріне барып кешенді медициналық көмек көрсету үшін 400 кешенді мобильді топ жасақталды. Шілденің соңына дейін олардың қатары 3,5 мыңға жеткізілмек.
Ауруханалардағы төсек орынды көбейту орайында жұмыс басталды. Президент тапсырмасынан кейін коронавирус індетіне шалдыққандарға арналған төсек орын 70 пайызға артып, оның қатары 43 мыңға жетті.
Бұл іске әскери медицина қызметкерлері да тартылды. Ауру қатты етек алған жерлерде дала госпиталдары жұмыс істейтін болады.

Тестілеу жұмысына қолжетімділікті арттыру үшін жұмыс істеп тұрған зертханаларды қосымша жасақтап, жаңадан 20 ПЦР талдамалары сатып алынуда. ПЦР тестілеуі үшін 8 мобильді орталық құрылуда, оның ішінде ауылдық елдімекендер де бар.
Осының бәрі тест санын сөткесіне 40 мыңға жеткізуге мүмкіндік береді.
– Дәрі-дәрмекпен қамтамасыз етуді жақсартуға ерекше тоқталғым келеді. Бұл мақсатта дәрі-дәрмектік препараттарды сертификаттау процедуралары жеңілдетілді.
Үкімет пен әкімдер тұрғындарды қажетті препараттармен қамтамасыз ету бойынша шұғыл жұмыстар жүргізуде. Бүгінгі күннің өзінде стационарларға 30 мың емделушіге жететін дәрі-дәрмек сатып алынды. Бұл қазіргі қажеттілік үшін 70 пайызға артық деген сөз (қазір 18 мың адам емделіп жатыр).
Дәріханалар жүйесіне қажетті дәрі-дәрмектер түсуде: 800 мың орама парацетамол жеткізілді, апта соңына дейін тағы 900 мың орамасы жеткізілетін болады, дәріхана жүйелеріне 150 мың орама антибиотиктер жөнелтілді. Жақын күндері дәрі-дәрмекпен қамтамасыз ету проблемасы шешімін табатын болады.
Сондықтан азаматтардың дүрбелең туғызбауын, дәрілерді жөнсіз сатып алып, негізсіз сұранысқа жол бермеуін сұранамын,– деді Президент.
Мемлекет басшысы айтқандай, дәрілік препараттар мен ИВЛ сатып алуға, медицина қызметкерлерін ынталандыруға және басқа да қажетті шараларға 150 млрд теңге бағытталып отыр. Қаржының жұмсалуы да қатаң бақылауда болмақ.
Қазіргі ең басты мәселе қоғамда дүрбелең туғызбау екенін Мемлекет басшысы баса айтты.
Кейбір арсыз адамдардың бүгінгі күрделі жағдайды пайдаланып, қажетті дәрілерді қымбатқа сатып, қолдан қиындық туғызып, пайда табуды көздеп жатқанын да Президент ашына жеткізді. Сондықтан «дәрі-дәрмек алыпсатарлығымен айналысып жатқандарды менің тапсырмаммен құқық қорғау органдары жауапкершілікке тартуды бастады» деді
Қ Тоқаев.
Мұндай жағдайларды анықтау үшін әкімдіктерге қоғамдық рейд жүргізуді тапсырды. Қоғамда қайшылықты жағдайлар туғызуды мақсат етіп, әртүрлі теріс әңгімелер мен орынсыз болжамдарды өрістетендердің де жоқ еместігін айтқан Мемлекет басшысы мұндай адамдардың заңды жауапкершілікке тартылатынын да ескертті.
«Біз – талай зобалаң мен сынақты бастан өткерген, тарихтың талай дауылына бой бермеген халықпыз.
Батыр бабалардың жолын жалғаған бүгінгі ұрпақ та қазіргі қиындыққа төтеп береді деп сенемін.
Бәлкім, бұл біздің бірлігімізді байқау үшін берілген сынақ шығар.
Бір жеңнен қол, бір жағадан бас шығарып, ұйымдаса білсек, бұл сыннан да өтерміз» – деді Президент өз Үндеуінде.

игл

Бұл туралы қала әкімі Мұрат Айтенов Instagram парақшасында хабарлады. Қала басшысы «Kazmedpribor Holding» ЖШС директоры Рахат Байзақовпен пандемиямен күрес мәселелерін талқылады.

Рахат Тұрғанбекұлы қала тұрғындарына 150 дана төсек-орын, инфузия құюға арналған 400 дана штатив және 40 дана медициналық бағана сыйлады.
Өзінің алғысын білдірген Шымкент қаласының әкімі жақын арада әкімдік қолдауымен «Kazmedpribor Holding» ЖШС-і ӨЖЖ аппаратын шығаратынын жеткізді.
– Бұл жобамен үш ай бойы жұмыс жасадық. Ендігі кезекте қажетті сертификатты алсақ, аппаратты шығара бастаймыз. Алдымен, қаланы толығымен қамтып, содан кейін еліміздің өзге қалаларына көмектесетін боламыз. Бүгінгі басты жағымды жаңалық осы, - деді М.Әйтенов.
Қазіргі таңда қаладағы медициналық мекемелерде 323 ӨЖЖ аппараты, оның ішінде 130 портативті аппарат бар. Сондай-ақ, 250 «Бобров» тыныс алу аппараты, 10 монитормен қамтамасыз етілген.

107566484 2572561253056825 7858561193451455625 o

Шымкент қаласының әкімі Мұрат Əйтеновтің қатысуымен эпидемиологиялық жағдайға байланысты қаладағы дəрі-дəрмек бағасын бақылау, сондай-ақ ашылған провизорлы орындар жəне өкпені механикалық желдету аппаратымен науқастарды қамтамасыз ету жөнінде брифинг өтті.

Баспасөз мәжілісінде М.Дүйсенбекұлы, ең алдымен, қаладағы эпидемиологиялық ахуалға байланысты ашылған провизорлы орындар, жедел жәрдем қызметінің жұмысы және жұқпалы ауруларға шалдыққан науқастарға көрсетіліп жатқан көмектер жайлы айтты.
– Шымкент қаласында 1 маусымға дейін 3 стационарда 320 төсек-орын, 30 маусымға дейін 23 стационарда 2 960 төсек-орын, ал 7 шілдедегі жағдай бойынша 3010 төсек-орын ашылды. Ал күндізгі стационарларда 1 маусымға дейін 1281 төсек-орын болса, қазіргі таңда 51 емханада 633 төсек-орын бар. Сондай-ақ, жұқпалы ауруханалардағы төсек-орынға 160 орын қосылып, ол 650-ге жеткізілді. Осы ретте науқастар жайлы айтсам, бүгінге дейін қалада пневмониямен ауырған 6340 науқас тіркелсе, оның 95,6%-ы ауруханаға жатқызылып, 60 пайызы емделіп шықты. Ал ЖРВИ-мен ауырғандардың 86%-ы емделуде және күндізгі стационарларда күніне орта есеппен 2000 науқас қамтылуда. Бұл ретте жедел жәрдем қызметі жайлы айтсақ, 1 маусымнан 6 шілдеге дейін шақырту саны 59 925-ке жеткен. Яғни, шақырту саны 2 есеге өсті. Осыған байланысты «103» диспетчерлік қызметтердің саны ұлғайып, оған қоса Call-орталығы (109, 1430) іске қосылды. Жалпы бүгінге дейін қаладағы жұқпалы аурулармен ауырған азаматтарға дер кезінде көмек көрсету мақсатында 56 мобильді топ құрылып, нәтижесінде 10 341 науқасқа қызмет көрсетілді», – деді қала әкімі.
Аталған брифинг барысында М.Әйтенов қала тұрғындарын дәрі-дәрмекпен қамту, дәрілердің бағасын бағамдау және өкпені механикалық желдету аппараты жайында сөз қозғады.
– Бүгінге дейін қалада 26 380 адам АЛО мобильді тобының қызметі бойынша дәрі-дәрмекпен қамтылды. Яғни, бізде 10 ірі көтерме дәрі-дәрмек пен медициналық құрал-жабдық жеткізіп беруші мекеме және 560 дәріхана жұмыс атқарады. Бір айлық дәрі-дәрмек қоры – дене қызуын төмендететін – 115 843 препарат, вирусқа қарсы – 136 352 препарат, антибиотиктер – 133 040 қорап және «С» дәрумендері 44 253 қорапты құрап отыр. Ал дәрілердің бағасын бақылау және алыпсатарлықтың алдын алу мақсатында 4 мониторингтік топ құрылды. Қазіргі таңда бұл мониторингтік топтың жұмысы күшейтілген. ИВЛ (өкпені механикалық желдету аппараты) жайлы айтсам, бүгінде бізде 323 ИВЛ аппараты бар. Оның ішінде портативті аппарат – 130, «Бобров» тыныс алу аппараты – 250, ал монитор – 10. Осы орайда қоса кетейін, емдік жұмыстарын күшейту мақсатында қалада 6 ауруханада арнайы кислород станциялары орнатылуда», – деді М.Әйтенов.
Одан бөлек, қала әкімі осы аптаның соңында «Covid-19 Шымкент» сайтын ашатындықтарын жеткізді.
М.Дүйсенбекұлының айтуынша, аталған сайтта эпидемиологиялық жағдай кезіндегі барлық ақпараттар жедел түрде тарқатылмақ. Бұл ретте қалада арнайы ақпарат берілетін портал жайлы мәлім еткен әкім қала тұрғындарын ресми мәліметтерге сүйенуге шақырды. Осы ретте қала басшысы медицина қызметкерлерін қолдау мақсатында 2 764 ақ халатты жанға 780 млн теңге еңбек ақыларына үстемеақы төленіп, ал 935 медицина қызметкеріне Халық қоры және демеушілер есебінен 42,4 млн теңгеге материалдық көмек көрсетілгенін жеткізді.
Брифинг соңында Мұрат Әйтенов қала тұрғындарын 5 шілде күні енгізілген қатаң шектеу шараларына түсіністікпен қарап, осындай қиын кезеңде дүрбелеңге салынбай, сақтық шараларын ұстануға шақырды.

carantun

ҚР Премьер-Министрі Асқар Маминнің төрағалығымен өткен Мемлекеттік комиссия отырысында ҚР Президенті Қасым-Жомарт Тоқаевтың тапсырмасына сәйкес Қазақстандағы эпидемиологиялық ахуалды тұрақтандыру шаралары қаралды.

Елдегі санитарлық-эпидемиологиялық жағдай және коронавирус инфекциясының таралуына жол бермеу мақсатында шектеу шараларын енгізу бойынша ұсынылатын шаралар туралы денсаулық сақтау министрі А. Цой баяндады.
Қазақстанда эпидемиологиялық ахуалдың өршуін және коронавирус инфекциясымен сырқаттанушылықтың өсуін ескере отырып, Мемлекеттік комиссия биылғы 5 шілдеден бастап 14 күнге келесі шектеу шараларын енгізу туралы шешім қабылдады:

Көлік қатынасы бойынша:

1. Елдер тізімін көбейтпей, халықаралық әуе қатынасын сақтау;

2. Өңірлер арасындағы әуе қатынасын, темір жол қатынасын сақтау (шектеулермен);

3. Өңірлер арасындағы жолаушылар автобусы қатынасын уақытша тоқтату;

4. Қоғамдық көліктің жұмысын уақыт бойынша шектеу.

Азаматтардың жүріп-тұруы бойынша:

1. Ойын-сауық, спорт және басқа да бұқаралық іс-шараларды, сондай-ақ отбасылық, еске алу шараларын өткізуге тыйым салу;

2. Ашық ауада жаттығулар жасауға рұқсат ету;

3. Тұрғындардың көшелерде, саябақтарда, скверлерде 3 адамнан артық серуендеуін шектеу;

4. 65 жастан асқан адамдардың сыртқа шығуын шектеу.

Мына нысандардың қызметіне тыйым салу керек:

Сұлулық салондары, шаштараз, спорт залдары, фитнес орталықтар, бассейндер, азық-түлік және азық-түліктік емес жабық базарлар, жағажайлар, аквапарктер, мәдениет нысандары, музейлер, көрмелер, форумдар, конференциялар және өзге де ұйымдастырылған бұқаралық іс-шаралар, ойын-сауық орталықтары, мектепке дейінгі балалар мекемелері (кезекші топтардан басқа), діни нысандар және т. б. (СОСО-дағы ойын-сауық орталықтары, ойын-сауық нысандары (караоке, бильярд, компьютер клубтары, боулинг орталықтары), кинотеатрлар, балаларды сауықтыру лагерлері, фудкорттар, банкет залдары).

Мемлекеттік органдардың (ұйымдардың), кеңселердің, ұлттық компаниялардың және өзге де ұйымдардың қызметкерлерінің кемінде 80%-ның қашықтан жұмыс істеу режимін сақтау;

Алдын ала жазылу бойынша медицина орталықтарының қызметін сақтау;

Дәріханалардың, азық-түлік дүкендерінің, ашық базарлардың қызметін сақтау;

Күшейтілген санитарлық-дезинфекциялық режимді сақтай отырып, келесі нысандардың қызметін сақтау:

ашық ауада қоғамдық тамақтану нысандары; үздіксіз өндірістік айналымы бар құрылыс, өнеркәсіп кәсіпорындары; ашық ауадағы құрылыс жұмыстары; ауыл шаруашылығы, балық шаруашылығы және мал шаруашылығы жұмыстары; халыққа қызмет көрсету салалары, оның ішінде авто жуу, автомобильдерді және тұрмыстық техниканы жөндеу, ХҚКО-лар, екінші деңгейлі банктер (уақыт бойынша шектеу енгізумен).

Үкімет басшысы еліміздегі эпидемиологиялық ахуалдың алдағы уақытта қалай өзгеретініне байланысты аталған шектеу шаралары 2 аптаға ұзартылуы немесе қатаңдатылуы мүмкін екенін атап өтті.

WhatsApp Image 2020-07-02 at 11.45.11

Елімізде пандемия кезінде ғаламторда шындыққа жанаспайтын ақпараттар легі толастар емес. Бастапқы кезде коронавирустың жоқтығын айтса, соңғы уақыттары пневмония, ЖРВИ емдеуге байланысты түрлі шындыққа жанаспайтын ақпараттар, қисынсыз болжамдар таралып жатыр. Бұл онсызда үрей құшағындағы адамзат үшін жығылған үстіне жұдырық болуда.
Ел-жұрттың үрейін ұшыратын жалған ақпараттар легі бүгінде инфодемия деген атауға ие болған. Қолданысқа жаңадан енген термин қазіргі таңдағы ең өзекті мәселе болып тұр. Сарапшылар пандемия секілді инфодемияның да қауіптілігіне алаңдаулы.
Қазақстан Журналистер одағы Түркістан облыстық филиалының ұйымдастыруымен өткен «Turkіstan open mеdіa-2020» форумында инфодемия тақырыбы талқыға түсті. «Пандемия тұсындағы инфодемияның бүгіні және ертеңі» тақырыбында өткен онлайн іс-шараны
Қазақстан Журналистер одағы Түркістан облыстық филиалының төрағасы, «Egemen Qazaqstan» газетінің Түркістан облысы бойынша меншікті тілшісі Ғалымжан Елшібай ашып берді.
– Бүкіл әлем бойынша мыңдаған бұқаралық ақпарат құралдары, ақпараттық порталдар, әлеуметтік желілердегі миллиондаған қолданушылардың коронавирус жайлы түрлі ақпарат таратуы инфодемияның асқынған түрін білдіреді. Сондықтан да жалған ақпараттар тасқынын сарапшылар эпидемия, пандемияға ұқсастырып отыр, - деді Ғ.Елшібай.
Мамандардың айтуынша, жалған ақпараттың таралуын тоқтату – талай адамның өмірін сақтап қалуға әсер етеді. Себебі, инфодемияға арбалған адам түбі депрессияға ұшырайды да өмірден түңіледі, үмітсіздік пайда болады. Екіншіден, коронавирустың таралуын шектеуге бағытталған шараларын сақтауға құлықсыздық танытады.
Онлайн-форумға еліміздің түкпір-түкпірінен 100-ден аса сала мамандары қатысты. Бұқаралық ақпарат құралдары өкілдері, блогерлермен қатар форумға депутаттар, дәрігерлер, санитариялық саланың өкілдері де өз пікірлерін ортаға салды.
Сөз алған спикерлердің арасында Мәжіліс депутаты Дархан Мыңбай да болды.
–Пандемия мен инфодемия – нағыз бүгінгі күннің тақырыбы. Жалпы, қазір журналистика – қоғамның айнасы. Ақпарат құралы ұжымның насихатшысы, ұйымдастырушы деген анықтамалардың бәрі ескірген. Меніңше, масс-медиа оқырмандарды, көрермендерді қалыптастыруға қызмет етеді. Соған сәйкес ақпарат құралдары таратқан өнімнің сапасы өте жоғары деңгейде болуы тиі», - деді Д.Мыңбай.
Тексерілмеген, қате ақпараттың қоғамда дүрбелең тудыруы мүмкін екенін денсаулық сақтау басқармасының өкілдері айтып өтті. Сондай-ақ ол журналистердің жеке басының қауіпсіздігін сақтау қажет екенін ескертті.
Инфодемияның басты көрінісі – тексерілмеген ақпаратты тарату. Бұл ретте әрбір журналист немесе блогер коронавирусқа қатысты қандай да материал, пост жазатын болса, әрдайым жауапкершілік мәселесін ойда ұстауы тиіс. Бұл медиатренер, журналист Жұлдыз Әбілданың пікірі.
– Коронавирустың емі ретінде әлдебір дәрілердің аттарын атаған ақпарат құралдары да кездеседі. Алайда бұл дәрі тек ауыр халде жатқан науқастарға ғана қолданылады. Журналист мұндай ақпараттарды таратар кезде сарапшылардың, дәрігерлердің пікіріне жүгінгені жөн, - деді Ж.Әбілда.
Форумда көтерілген тағы бір өзекті мәселе – коронавирус кезеңіндегі журналистердің қауіпсіздігі. Өкінішке қарай елімізде бірқатар әріп-тестеріміздің кәсіби міндеттерін орындау барысында осы қатерлі індетті жұқтырып алғанына қатысты ақпараттар тарады. Жалпы, журналист COVІD-19 тақырыбымен қалай жұмыс істеуі керек, қалай ізденгені жөн, қай мәселеге көбірек назар аударуы тиіс? Бұл сұрақтар да форумда кеңінен талқыланды

23281920af41f8671567527179c8740a

Мемлекет басшысы коронавирус індетінің таралуына қарсы күрес шаралары жөнінде кеңес өткізді.

Бейне байланыс режимі арқылы өткізілген жиынға Үкімет мүшелері, бірқатар мемлекеттік органдардың басшылары, қалалар мен облыстардың әкімдері қатысты.
Қасым-Жомарт Тоқаев өз сөзінде дер кезінде жарияланған қатаң карантин шаралары уақыттан ұтып, эпидемияның қатты өршіп кетпеуіне мүмкіндік бергенін атап өтті. Өкінішке қарай, Төтенше жағдай режимі тоқтатылғаннан кейін барлық карантин шаралары босаңсып кетті.
– Биылғы 11 мамырда шектеулер алынғаннан кейін вирустың таралуы 7 есе өсті. Бұл көп жағдайда бірқатар мемлекеттік органдардың жұмысындағы кемшіліктерге байланысты болып отыр. Мемлекеттік басқару жүйесінің орталық және жергілікті органдары Төтенше жағдай режимі тоқтағаннан кейінгі кезеңде тиімді жұмыс істеуге дайын болмағанын атап өту қажет. Ведомствоаралық комиссия өзіне жүктелген міндетті атқаруға шамасы жетпеді. Мұны ашық мойындау керек. Денсаулық сақтау министрлігі орталық және жергілікті билік органдарының жұмысын үйлестіре алмады, – деді Мемлекет басшысы.

Президенттің айтуынша, жергілікті жерлерде тиісті жұмыстар дер кезінде атқарылмай, тиімділігі аз шаралардың қабылдануы салдарынан еңбек ұжымдарында, ірі өндіріс орындарында жаппай вирус жұқтыру ошақтары пайда болды. Атырау облысындағы Теңіз кен орны індет жұқтырудың орталығына айналды. Онда дертке шалдыққан 1222 адам тіркелді. Алматы қаласында тұрғындардың ғана емес, медицина қызметкерлерінің арасында да науқастанғандар өте көп. Елордадағы көптеген мекемелер карантин жағдайының өзінде санитарлық талаптарды сақтамаған. Өңірлердегі ауруханаларда науқастар жататын орынға, медицина кадрларына, дәрі-дәрмекке, медициналық құрал-жабдықтарға тапшылық қатты байқалады.
Мемлекет басшысы үш мегаполистің және Ақтөбе, Павлодар облыстарының әкімдеріне және Ведомствоаралық комиссияның төрағасы Е.Тоғжановқа, сондай-ақ Атырау, Қостанай, Батыс Қазақстан облыстарының әкімдеріне өңірлердегі ахуалды реттеу қажеттігін айтты. Аталған мәселе барлық облыстың басшыларына да қатысты. Тиімді ақпараттық жұмыстың өз деңгейінде жүргізілмеуі де жағдайды ушықтыра түсуде. Біздің халықпен арадағы диалогымыз өз деңгейінде нәтиже бермеді. Ақпараттар легі теріс пікірлердің ықпалында кетіп, дәрігерлердің ерлікке пара-пар еңбектері көрінбей қалды, – деді Қасым-
Жомарт Тоқаев.
Сонымен қатар Цифрлық даму, инновациялар және аэроғарыш өнеркәсібі министрі Асқар Жұмағалиевке цифрландыру саласындағы жұмыстарға салғырт қарағаны үшін ескерту берілді.
Мемлекет басшысы Ведомствоаралық комиссияның шұғыл әрі қатаң үйлестіру жұмыстарын қамтамасыз етуге, оның орындалуына мониторинг жүргізуге және бақылауға қауқарсыз болып отырғанын айтты.
– Пандемиямен күрес жөніндегі барлық шешімдерді, оның әлеуметтік және экономикалық теріс әсерлерін жоюды Премьер-Министр басшылық ететін тиісті Мемлекеттік комиссия аясында пысықтауды тапсырамын. Мемлекеттік комиссия ең маңызды деген ресурстардың таралуын бір орталықтан бақылауды қамтамасыз етуі тиіс. Қазіргі эпидемиологиялық ахуалды тұрақтандыру үшін шұғыл шаралар қабылдау мақсатында Мемлекеттік комиссияға екі күннің ішінде биылғы наурыз-мамыр айларындағыдай қатаң карантин режимін енгізу мәселесі бойынша маған ұсыныс әзірлеп, енгізуді тапсырамын, – деді Қазақстан Президенті.
Сонымен қатар Қасым-
Жомарт Тоқаев лабораториялық зерттеулердің тиімділігін арттыруды, реагенттер мен жұмсалатын материалдардың үздіксіз жеткізілуін шешуді, ПТР-лабораториялардың саны мен қуаттылығын арттыруды тапсырды.
– Тұрғындардың лабораториялар маңындағы кезектің көптігіне, санитарлық нормалардың сақталмауына қатысты шағымдануы әділетті. Мұның бәрі тікелей ауру жұқтыру қаупін күшейтеді. Сондықтан вирус жұқтырудың алдын алу және бір орталықтан таратуды қамтамасыз ету, сондай-ақ, есепке қою мақсатында ПТР сынамаларын тапсыруды онлайн жазылу немесе Call орталық арқылы жүргізу қажет. Індет ошақтарындағы жұмыстар үшін, әсіресе ауылдық жерлерде мобильді лабораторияларды ұйымдастыру және мобильді қызметті одан әрі дамыту үшін қаржы бөлу аса маңызды, – деді Мемлекет басшысы.
Қасым-Жомарт Тоқаев азаматтарды қажетті дәрі-дәрмектермен қамтамасыз етіп, емдеудің маңыздылығын атап өтті. Осы ретте проблемаларды шешу үшін Үкімет пен өңірлердің әкімдеріне барлық қаржылық және инфрақұрылымдық ресурстарды жұмылдыру тапсырылды.
– Пандемияның екінші толқынын ескере отырып, шілденің соңына дейін жұқпалы дертке шалдыққандарға арналған төсек орындарын 50 пайызға арттыруды тапсырамын. Бұл үшін өңірлер барлық резервті, соның ішінде, жеке және ведомстволық медицина орталықтарын пайдалануы керек. Үкіметке дәрі-дәрмектермен қамтамасыз ету мәселесін бес күннің ішінде шешуді тапсырамын, – деді Президент.
Қасым-Жомарт Тоқаев мемлекеттік органдардың коронавирусқа қарсы күрес жөніндегі жүргізіп жатқан ақпараттық жұмыстарының маңыздылығын айрықша атап өтті. Оның айтуынша, бұл жұмыс бастапқы кезеңде жақсы ұйымдастырылды. Бірақ мемлекеттік органдар соңғы кезде бұл істі босаңсытып жібергендей әсер қалдырады.
– Әкімдер мен министрлер қарапайым халықпен байланыс орнатуды қойды. Олардың арыз-шағымдарына дер кезінде жауап бермейді. Сондықтан тұрғындардың көпшілігі қайда барарын білмей, торығуда. Өкілетті қызмет орындарынан дұрыс жауап ала алмаған тұрғындардан шағымдар көп түсіп жатыр. www.coronavirus2020.kz сайтына қырық мыңға жуық сұрақ келіп түсті. Қазіргі таңда оның үштен біріне ғана жауап берілді. Мұндай қарым-қатынастың нәтижесінде теріс әрі жалған ақпараттар өршіп тұр. Бұл біздің жұмысымызды одан сайын қиындатуда, – деді Мемлекет басшысы.
Қазақстан Президенті ақпараттық жұмыстарға қатысты тәсілді түбегейлі өзгерту қажет екенін айтты. Жауапты тұлғалар өткізетін тұрақты брифингтерді жолға қойып, індет жұқтырған кездегі іс-әрекеттердің алгоритмі жөнінде халықты нақты әрі сапалы ақпаратпен қамтамасыз ету жөнінде тапсырма берді.
– Телеарналарда тікелей эфир арқылы дәрігерлерден кеңес алып, тұрғындардың сұрақтарына нақты жауап беретін бағдарламалар ұйымдастыруға не кедергі? Азаматтарға емделудің протоколы мен алгоритмін жеткізу керек. Дәрі-дәрмектер мен оны пайдалану жөнінде түсіндіру қажет, – деді Қасым-
Жомарт Тоқаев.
Әкімдер мен министрлерге бюджетті қайта қарау және конференция, дөңгелек үстел, салтанатты шаралар, консалтингтік және PR-қызмет секілді қажетсіз шығындардан бас тарту жөнінде тапсырма берілді. Бұл қаржының барлығы эпидемиямен нақты күреске бағытталуы керек. Сонымен қатар Мемлекет басшысы бағаны тұрақтандыруға, азаматтарды қажетті азық-түлікпен, жұмыспен қамтамасыз етуге, экономикалық белсенділікті арттыруға және цифрлық технологияны дамытуға қолдау көрсету қажеттігін атап өтті. Экономикалық өсімді қайта қалпына келтіру жөніндегі кешенді жоспар жүйелі әрі толыққанды орындалуы тиіс. Бұл мәселе әрбір әкімнің ерекше бақылауында болуы қажет.
Қасым-Жомарт Тоқаев Үкіметті шұғыл шаралар қабылдаумен қатар, коронавирус пандемиясының ұзаққа созылуына дайын болуға шақырды. Осыған байланысты орта мерзімді перспективаға арналған қазақстандықтардың өмірі мен денсаулығын сақтау жөніндегі ұлттық жоспарын әзірлеуді тапсырды.
– Иә, бұл – қауіпті ауру. Оны емдейтін вакцина әлі жасалған жоқ. Бірақ оны қауіпті екен деп байбалам салып, үрейге бой алдырмау керек. Сондай-ақ жөнсіз әрекетке барып, дәрігерлерге тіл тигізіп, санитарлық режимді бұзуға жол берілмейді. Ал науқастанып қалғандар сарыуайымға, пессимизмге салынбағаны жөн. Ем алумен қатар, ағзаның күші, адамның көңіл-күйі оның құлантаза айығып кетуіне ықпал етеді. Денсаулық сақтау министрлігі және санитарлық дәрігерлердің ұсынымдары мен талаптарын естен шығармауды сұраймын. Мұның бәрі мемлекеттің ең басты игілігі – сіздердің, Қазақстан Республикасы азаматтарының өмірі мен денсаулығын қорғауға арналған, – деді Мемлекет басшысы.
Кеңес барысында Денсаулық сақтау министрі Алексей Цой, Нұр-Сұлтан қаласының әкімі Алтай Көлгінов, Алматы қаласының әкімі Бақытжан Сағынтаев, Шымкент қаласының әкімі Мұрат Әйтенов, Шығыс Қазақстан облысының әкімі Даниал
Ахметов сөз сөйледі.

IMG 20191003 114016

Мемлекетіміздің әрбір азаматы - ұлттық құндылық, әрбір жас өрен - еліміздің ертеңі екенін ескерсек, мүмкіндігі шектеулі балалардың білім алып, азамат болып қалыптасуына жағдай жасау, даму мүмкіндігін және оның қоғамға әлеуметтенуіне толыққанды жағдай туғызу біздің міндетіміз.

№6 балалар арнаулы әлеуметтік қызметтер көрсету орталығында балалардың құқықтары мен мүдделерін сақтау саласындағы ұлттық саясаттың негізгі бағыттарының бірі - мүгедек балаларды әлеуметтік оңалту, ойлау және физикалық дамуының кемшіліктерін рабилитациялау, бейімдеу, түзету болып табылады.
Орталыққа психоневрологиялық патологиясы бар мүгедек балалар, сондай-ақ жүйке ауруларымен ауыратын, денсаулығының жай-күйі бойынша бөгде адамның күтіміне, тұрмыстық қызмет көрсетуге және медициналық көмекке мұктаж 3-18 жас аралығындағы балалар қабылданады.
Балаларға жеке қажеттіліктеріне қарай, әлеуметтік-тұрмыстық қызмет түрі бойынша медициналык, әлеуметтік жағдай жасалады. Атап айтсақ, мекеменің қызмет көрсетуге арналған әрбір бөлмесі заманауи құрал-жабдықтармен жабдықталған. Мысалы, мұнда сынып бөлмелері, жатын, ойын бөлмелері, ем-шара бөлмелері, қолөнер және еңбек дағдыларын қалыптастыруға арналған шеберханалар, спорт залы, асхана, жуынатын бөлмелер, монша және т.б. бар. Әрбір тәрбиеленуші нормаға сәйкес, тамақпен, қажетті киім, аяқ киім, төсек, ыңғайлы жиһаз түрлерімен, керек- жарақтармен қамтылған.
Баланың жеке жай-күйін ескере отырып, оларға көрсетілетін әлеуметтік-медициналық қызмет, тәрбиеленушілердің денсаулық жағдайы күнделікті бақыланады. Медициналық-әлеуметтік тексеруді ұйымдастыру, дәрігерлердің тағайындауына сәйкес дәрі-дәрмек беру, дәрігерге дейінгі медициналық көмек көрсетуді ұйымдастыру, әлеуметтік медициналық мәселелер жөнінде кеңес беру, емдік- физиологиялық жаттығуларды орындау жүзеге асырылады.
Балалардың физиологиялық мүмкіндіктері мен ақыл-ой қабілеті ескеріле отырып, ерекше балаларға оқу процесі білім беру саласындағы уәкілетті орган бекіткен арнайы оқу бағдарламаларына сәйкес жүргізіледі.

 

144


ҚР Денсаулық сақтау және әлеуметтік даму министрлігінің 2016 жыл 24 ақпандағы №139 «Медициналық-әлеуметтік мекемелердің (ұйымдардың) жасына байланысты, еңбек сіңірген жылдары үшін зейнетақы төлемдері мен мүгедектiгi бойынша, асыраушысынан айрылу жағдайы бойынша берілетін мемлекеттiк әлеуметтiк жәрдемақыларды пайдалану қағидаларын пайдалану туралы» бұйрығына сәйкес, мекеме тәрбиеленушілеріне екінші деңгейдегі банктерден жеке есеп-шоттары ашылды және келісімшарт түзілді.
Мемлекет қамқорлығындағы балаларға қосымша тамақ және ең қажетті заттарды сатып алу қажеттіліктерін айқындау үшін арнайы комиссия құрылды. Оның құрамына медициналық-әлеуметтік мекеменің мамандары және жұмыспен қамту және әлеуметтік бағдарламалар мәселелері жөніндегі жергілікті атқарушы органның өкілі және аталған өңірдегі арнаулы әлеуметтік қызметтер саласындағы үкіметтік емес ұйымдардың өкілдері кірді.
2020 жылдың маусымынан бастап қызмет алушылардың құқықтарының сақталуына, оның ішінде қолма-қол ақшаның, бақылау шоттарындағы қаражаттың жұмсалуына қоғамдық бақылау жүргізу үшін қоғамдық кеңес құрылды. Оның құрамына қамқорлықтағы адамдардың ата-аналары мен аталған өңірдегі арнаулы әлеуметтік қызметтер саласындағы үкіметтік емес ұйымдардың өкілдері және қаламыздың белсенді журналистері енді.
2020 жылғы жәрдемақы мөлшері:
Бала кезінен мүгедектік жәрдемақысы 43657 теңге
1 топ мүгедектік жәрдемақысы 59872 теңге
2 топ мүгедектік жәрдемақысы 49581 теңге.

Қамқорлықтағылардың мүгедектігі бойынша белгіленген зейнетақы төлемдері мен жәрдемақыларының 70% (ҚБШ) қолма-қол ақшаны бақылау шоттарына түседі. Яғни:
Бала кезінен мүгедектік жәрдемақысы 30559 теңге
1 топ мүгедектік жәрдемақысы 41910 теңге
2 топ мүгедектік жәрдемақысы 34706 теңге.

Балалардың зейнетақысының 30-% екінші деңгейдегі банктерге, қаржы нарығы мен қаржы ұйымдарын реттеу және қадағалау жөніндегі уәкілетті органның банк операцияларының тиісті түрлеріне лицензиялары бар ұйымдарға түседі. Ол мына сумманы құрайды:
Бала кезінен мүгедектік жәрдемақысы 13098 теңге
1 топ мүгедектік жәрдемақысы 17962 теңге
2 топ мүгедектік жәрдемақысы 14875 теңге.

Орталықтағы тәрбиеленуші балалардың шоттарындағы зейнетақы төлемдері мен жәрдемақыларынан әр айда олардың қосымша тамақ, ең қажетті заттары үшін қанша қаржы жұмсалатыны айқындалып, ол қамқорлықтағылардың жеке қажеттіліктеріне жұмсалуда.
Атап айтқанда, қамқорлықтағы балалардың 2020 жылға қарастырылған ағымдағы шоттарына 30 % көлемінде түсірілген қаражаттарына қосымша тамақ және ең қажетті заттар үшін мынадай заттар сатып алынды: балалар сабыны, тіс пастасы, ылғалды салфетка, массаж майы, иіс су, құрма, дәрумендерімен байытылған сүт қышқылды өнім «Актимель», толық теңестірілген «Малоежка», маш, кептірілген итмұрын, үрме бұршақ және тағы басқа.
Мемлекеттік мекемеде арнаулы әлеуметтік қызметтер алу құқығы және өздерінің мүддесін қорғау бойынша заңгерлік кеңес жұмыс істейді. Сонымен қатар жетім және ата-анасының қамқорлығынсыз қалған балаларды асырап алу, қамқорлыққа және қорғаушылыққа алу мәселелері жөніндегі кұжаттарды рәсімдеуге көмек көрсету үшін заңгерлік кеңес беріледі.
Көрсетілген арнаулы әлеуметтік қызметтердің нәтижесінде қызмет алушылардың динамикасында оң өзгерістер байқалып, ата-аналардың өтініші негізінде күндізгі бөлімдерге және коррекциялық білім беру мекемелеріне ауысып жатқан балалар көп.
Жергілікті атқарушы органдардың жауапты мамандарымен бірлесе отырып, мүмкіндігі шектеулі балалардың ата-аналарына құқықтық, медициналық, педагогикалық, әлеуметтік қызметтер бойынша кеңестер ұсынылып, «Ашық есік күні» өткізілді. Онда әлеуметтік дағдыларды қалыптастыру және түзеу - дамыта оқытуды жүргізу үшін ұсынылатын орынжайлар көлемінің орналасуы мен конфигурациясы бойынша көрсетілетін қызметтер таныстырылды.
2019 жылдың есебі бойынша, жалпы – 183 балаға, күндізгі бөлімде - 65 балаға қызмет көрсетілді. Сондай-ақ көрсетілген арнаулы әлеуметтік қызметтердің негізінде қызмет алушылардың динамикасында оң өзгерістер байқалып, ата-аналардың өтініші бойынша 18 жасқа толып, коррекциялық білім беру мекемелеріне көптеген балалар ауысты. Соның нәтижесінде, бала саны 8,8% пайызға азайды.
Қызмет алушылардың заңды құқығы мен бостандығын сақтауға бақылауды күшейту мақсатында орталық бейнебақылау жүйесін жаңарту бойынша жұмыстар жүргізуде.
Сонымен қатар, ҚР «Тұрғын үй қатынастары туралы» Заңының 67,68,74 баптарына сәйкес, кәмелетке толмаған жетім, ата-анасының қамқорлығынсыз қалған балаларды тұрғын үй алу үшін мемлекеттік тұрғын үй қорына тіркеуге тұрғызу жүзеге асырылуда. Жетім және ата-анасының қамқорлығынсыз қалған балалар саны – 32, олардың 100 пайызы тұрғын үй кезегіне қойылған.


К.АУАНАСОВА,
№6 балалар арнаулы
әлеуметтік қызметтер
көрсету орталығының
басшысы

15ba2f8d-d5d9-4375-a1ca-0be0361dee64

Еліміздегі үшінші мегаполис саналатын Шымкент қаласының жолдарын жөндеуге биыл 27 миллиард теңге қаржы бөлініп отыр.

Қазіргі таңда шаһарда жол құрылысы қыза түскен. Құрылыс сапасын қала әкімі М. Әйтеновтің назарында. Бұл ретте, мердігерлер күзге дейін 414 шақырым жолдың құрылысын толық аяқтайтынын айтады.
Шымкенттегі қалашілік жолдар соңғы рет 2008 жылы жөнделген. Енді міне, ескі жолдарды жаңарту үшін биыл қазынадан қомақты қаражат бөлініп отыр. Аталған 27 миллиард теңгеге 414 шақырым жол салынбақ.
Қалалық жолаушылар көлігі және автомобиль жолдары басқармасы басшысының орынбасары Абай Тұрхановтың айтуынша, биыл шаһардағы техникалық жағдайы жақсы жолдардың үлесін 60 пайызға жеткізу көзделуде.
– Шымкент қаласы бойынша 414 шақырым жолда құрылыс орташа жөндеу, күрделі жөндеумен қамтылған. Биыл 313 шақырымын пайдалануға береміз. Оның ішінде 75 шақырымы біздің осындай магистарльды көшелерде. Жалпы 21 көшеде орташа жөндеу жұмыстары жүргізіліп жатыр, - дейді басқарма басшысы орынбасары.
Қазір құрылыс басында 45 мердігер компания тынымсыз жұмыс істеп жатыр. Барлығы 245 көшедегі қалаішілік жолдар күзге дейін толық аяқталып, пайдалануға берілмек. Бірнеше көпір жаңартылып, орталық магистральды жол бойында веложолақ салынып, маңайы жарықтандырылмақ. Ең бастысы, төселетін асфальттың сапасы аса жоғары дейді мамандар.

Страница 1 из 392