АНА СҮТІН ЕМІЗУДІҢ АРТЫҚШЫЛЫҒЫ

Пятница, 18 Сентябрь 2020 09:03

Ана сүті – емізулі сәбидің дене бітімі мен ой-сананың толыққанды дамуына ықпал ететін, баланың да, анасының да денсаулығына оңтайлы әсерін тигізетін, теңдесі жоқ қорек болып табылады.

Бала ағзасына пайдасы:

Ана сүтінің құрамында сәбидің қалыпты өсіп-дамуына жеткілікті мөлшерде болатын барлық заттектер: нәруыздар, майлар, лактоза, дәрумендер, темір, су (80%), ферменттер болады. Ана сүтін емген балалардың денсаулығы анағұрлым мықтырақ болады. Ана сүті – асқазан-ішек аурулары мен іш өткізуді шақыратын патогендік бактериялардың ішекте дамуына жол бермейтін заттектерге бай. Ең маңыздысы – ол бала ағзасын жұқпалардан қорғайды, аллергия, диабет және дене салмағының даму мүмкіндігін азайтады.

Баланың миының дамуына қажетті алмастырылмайтын май қышқылдары да осы табиғи сүтте кездеседі.

Ана денсаулығына пайдасы:

–Ана сүтін емізу босанғаннан кейінгі қан кету мен анемияның даму қауіпін азайтады;
*Сымбатын қалпына келтіруге көмектеседі;
– Жаңа жүктілікті болдыртпайды;
– Сүт және аналық бездерінің обырынан қорғайды;
– Емізу кезінде анада өзінің сәбиін үйлесімді қорекпен және дұрыс күтіммен қамтамасыз ете аламын деген сенімділіктің қалыптасуына жағдай жасайды;
– Уақыт, қаражатты үнемдеуге, сонымен қатар күш-қуатты қалпына келтіруге мүмкін береді.
Отбасы үшін артықшылығы
– Емізулі анаға арналған тиісті емдәмнің құны баланы тамақтандыруға арналған жасанды қоспаның құнынан төмен;
– Үнемдеген қаражатты отбасының басқа мүшелеріне қолдана алады;
– Емізуге және сүтті саууға қажетті қоспалар мен жабдықтарды сатып алудың қажеті жоқ;
– Медициналық кеңестер, дәрі-дәрмектерге, зертханалық зерттеулерге және ауруханада жатуға арналған шығындар азаяды.
Эмоционалдық байланыс:
Ана мен бала арасында өзара сүйіспеншілік сезімін оятатын тығыз қарым-қатынас туындайды
Ана сәбиін емізгенде толыққанды күтім жасаудан эмоционалды қанағаттану сезімі қалыптасады. Сәбидің мазасыздығы азайып, салмағы арта бастайды.
Ана сүтімен сәтті емізудің он қадамы
1. а) «Ана сүтінің алмастырушыларын тарату бойынша Халықаралық ережелерді» және Дүниежүзілік денсаулық сақтау Ассамблеясымен қабылданған барлық резолюцияларды толық орындау қажет. б) Жаңа туған нәрестелерді тамақтандыру саясаты: ана сүтімен емізу бойынша жазбаша бекітілген саясаттың болуы және оны жүйелі түрде ұйымның барлық қызметкерлеріне хабардар ету. с) Жүйенің мәліметтерін басқару және мониторингілеу: жүйенің мәліметтерін тұрақты түрде басқару және мониторингілеу.
2.Қызметкерлердің құзіреті: ана сүтімен емізуді қолдау бойынша медициналық персоналдың білім мен дағдыны жеткілікті игергеніне көз жеткізу.
3.Антенатальды ақпарат: жүкті әйелдермен және олардың отбасы мүшелерімен ана сүтімен емізудің маңызы мен әдістері туралы талқылау.
4.Тікелей постнатальды күтім: аналарға терімен тері жанасуын тез арада және ұзақ жүргізуге ықпал ету және босанғаннан кейін ана сүтімен емізуді барынша ертерек бастау үшін аналарға қолдау көрсету.
5. Ана сүтімен емізуді қолдау: барлық аналарды ана сүтімен емізуге және лактацияны басқару әдістеріне ынталандыру.
6. Қосымша тамақтандыру: ана сүтін еметін жаңа туған нәрестелерге медициналық көрсетімдерден бөлек жағдайларда басқа тағамды немесе сұйықтықты бермеу. 7. Бірге болуы: ана мен баланың күндіз де,түнде де бір палатада бірге болуын тәжірибелеу. 8. Сұранысына қарай емізу: баланың омырауды емуге дайындағанын танып-білу және оған әрекет жасау
үшін аналарға қолдау көрсету.
9. Бөтелкенің емізу, емізіктер,бос емізіктер: ааналарға бөтелкемен емізу,емізік, босемізіктер: аналарға бөтелкемен емізу, емізік бос емізіктерді қолдану және олардың қауіп-қатері бойынша кеңес кеңес беру.
10. Ауруханадан шығарылғаннан кейінгі күтім: ата-аналарды дер кезінде тұрақты қолдау мен күтімге қатысты көмекті қайдан алуға болатыны туралы хабардар ету.

 

М.АНАРКУЛОВА,
Э. ОМАРОВА,
Қалалық №3 емхананың
дәрігерлері

2d4f82dd-1e7c-49ae-9816-1d14fb17f0e5

Шымкент қаласының кез-келген тұрғыны мемлекеттік мекемелерге бөлінген бюджеттің мақсатты жұмсалуын бақылап, шағымдары мен ұсыныстарын қалдыра алады.
Бұл туралы «Antikor.Live» жобасы аясында өткен тікелей эфир барысында Департамент басшысының бірінші орынбасары Т.Серікбаев мәлім етті.
Оның айтуынша, Сыбайлас жемқорлыққа қарсы іс-қимыл агенттігі бастамасымен жасалған Ашық бюджеттердің интерактивті картасы (publicbudget.kz/ru) жобасы аясында мүмкін болып отыр.
«Интерактивті картаны пайдалану ұқсас объектілерге бөлінген қаражатпен танысуға және салыстыруға, олар бойынша пікірлер мен шағымдар қалдыруға, талдау жұмыстары арқылы бағаның жоғарылауын анықтауға мүмкіндік береді» - деді спикер.
Қазіргі таңда мегаполисте Картаға 877 ұйымның қаражаты орналастырылып, 460 млрд.теңге қалыптастырылған.
«Интерактивті карта 24 сағат бойы қолжетімді, егер қандай да бір сәйкессіздіктер байқалса, кез келген адам тиісті суреттер мен бейнематериалдарды тіркей отырып, уәкілетті органға хабарлай алады» - дейді спикер.
Эфир барысында Департаменттің аға офицері Алексей Колосков Картаға кіру мен бюджеттерді бақылау жолдарын түсіндіріп өтті.

5f3cae2db9191301646562

«NurOtan» партиясына мүшелікке өткен қатысушылар праймеризге дейін 23 мың адам болса, праймериз басталғалы 31 мың адамға өскен. Бұл партия беделінің артып келе жатқанын және халықтың партияға деген сенімінің күшейгенін көрсетеді.

Ендігі мәселе – праймериз сайлауын әділ де таза өткізу. Олай болмаған жағдайда халықтың партиядан көңілі қалып, үміт мен сенім ақталмай қалуы бек мүмкін. Сондықтан әділетсіздікке, бұрмалаушылыққа жол бермеу партия жетекшілігінің басты мақсаты болып отыр.
Бұл туралы «NurOtan» партиясы Шымкент қалалық филиалы төрағасының орынбасары М.Қалмұратов және «Лига жақтастары» қозғалысының бақылаушысы, бизнес-тренер Б.Серікбаевтың азаматтық қоғам және праймериз үміткерлерімен болған кездесу барысында айтылды.
Спикерлер праймериз тәжірибесі шетелде әбден уақыттың сынынан өткен, шыңдалып тиімділігін көрсеткенін мәлім етті. Ол тұңғыш АҚШ-та бастау алып, 1842 жылдан бері ұйымдастырылып келеді. Әрине қазақстандық праймериз дәл Американың үлгісіндей өтпеуі мүмкін. Бірақ, спикерлердің пікірінше, сайлауды ұлттық ерекшелігімізге сай барынша ұтымды ұйымдастыруға тырысуымыз керек. Жалпы праймериздің ашық, жабық және аралас түрі бар. Соның ішінде еліміздегі алғашқы праймериз жартылай жабық түрінде өтеді. Осы тұста спикерлер республиканың саяси сахнасында жүрген «Ауыл», «Ақжол» «Қазақстан коммунистік халық партиясы» секілді саяси ұйымдарды да әрекетке шақырып, осындай праймериз ұйымдастыруға үндеді.
– Бірақ, бір «әттеген-айы» олардың тарапынан осы күнге дейін ешқандай қимыл-қозғалыстың болмауы, тым-тырыс жатуы. Егер еліміздегі барлық саяси партиялар әртүрлі жолмен праймериз сайлауын өткізгенде арада бәсекелестік болып, халық өз үміткерін таңдауға мүмкіндік алатын еді. Оның үстіне бәсекелестік жүрген жерде сапа да өседі,– деді М.Қалмұратов.
Бүгінгі таңда елімізде «NurOtan» партиясына мүшелікке қабылданған азаматтар саны 860 мыңға жеткен. Халық санымен есептегенде мүшесінің көптігі жағынан бұл партия Орта Азия елдерінің ішінде бірінші орында келеді. Демек бұл жоғарыда айтылғандай ел өзінің болашағын «NurOtan» партиясымен байланыстырады деген сөз. Қазақстандағы жетекші саяси ұйым елді дамудың даңғыл жолына бастайтынына халықтың шынымен де сенім, үміті зор.
Сонымен бірге спикерлер елдегі саяси-экономикалық және әлеуметтік ахуалдың жақсаруы тікелей қоғамның белсенділігіне байланысты екенін айтты. Олардың ойынша сананы сілкіндіретін, саяси сауаттылықты күшейтетін мезгіл келіп жетті. Әсіресе партия жетекшілігін «NurOtan» мүшелігіне өтіп жатқан жастардың көптігі қуандырады. Өйткені қоғамның қозғаушы күші – жастар. Олар белсенді болса, елдің де саяси-экономикалық саласында жағдай оң бағытқа қарай өзгереді. Сонымен бірге жастардың бойында күш-қуат бар, жаңаша ойлана алады, бүгінгі заманның ырғағымен өмір сүріп, жаһандық сипат алған цифрлық әлемнің көшінен қалып қоймауға тырысады. Сондықтан саясат мінберіне жастардың көтерілуі партия үшін де абырой саналады.
Шымкент қаласынан сайлауға 180 үміткер қатысуда. Солардың арасынан халық жақтап дауыс бергендер, елдің сеніміне лайықтылар ғана жеңіп шығады. Ең бастысы онлайн тәсілмен өтетін бұл саяси науқанда сайлаудың нәтижесі бұрынғыдай тек үміткерлердің сайлау алдындағы жарнамасы мен белсенділігіне қарай шешілмейді, мұнда ең бірінші кезекте праймеризге қатысушының осы күнге дейінгі қоғамға сіңірген еңбегі үлкен рөл атқарады.

Ә.НҰРЖІГІТҰЛЫ

DSC 0180

Бұл туралы ақпараттық-коммуникациялық орталығында өткен брифингте Шымкент қалалық денсаулық сақтау басқармасы басшысының міндетін атқарушысы Ғалымжан Әбішев мәлімдеді.

– Елімізде медициналық-санитариялық алғашқы көмек ұйымының (МСАК) жыл сайынғы еркін таңдау бойынша тіркеу кампаниясы басталуда. Оған тұрғындар екі ай ішінде (15 қыркүйектен 15 қарашаға дейін) тіркеле алады. Дәрігер тіркелген пациенттердің денсаулығын бақылауы үшін емхананы тұрғылықты жеріне жақын жерде таңдау ұсынылуда. Яғни, емхана дәрігерлері қажет болған жағдайда пациенттердің үйіне бара алады. Бұл, әсіресе, пандемия кезінде өте маңызды, – деді Ғалымжан Мотайұлы.
Брифинг барысында «Әлеуметтік медициналық сақтандыру қоры» коммерциялық емес акционерлік қоғамының Шымкент қаласы бойынша филиалының бөлім басшысы А.Беден тіркелген азаматтарға медициналық көмектің қашан берілетініне тоқталды.
– Кампания кезінде МСАК ұйымына тіркелген азаматтар 2021 жылдың 1 қаңтарынан бастап медициналық көмек ала бастайды. Бұл ретте медициналық ұйым Қормен алдағы жылға арналған тегін медициналық көмектің кепілдік берілген көлемі шеңберінде және МӘМС жүйесінде алғашқы медициналық-әлеуметтік көмек қызметтерін көрсетуге шарт жасасуы тиіс. Тіркелу науқанының қорытындысы бойынша медициналық ұйымдар бөлінісінде халықтың бөлінуін ескере отырып, 2021 жылға арналған қаржыландыру жоспарланады. Қор дерекқордың абсолютті дұрыстығына мүдделі. Өйткені әрбір тіркелген тұрғын үшін медициналық ұйымдарға ай сайын жан басына шаққандағы қаржыландыру төленеді, – деді Ахмет Сисенбайұлы.
Емханаға тіркелу бірнеше жолмен жүзеге асырылады. Атап айтқанда, www.e.gov.kz веб-порталы арқылы жүгінген кезде тіркеу ЭЦҚ болған кезде жүргізіледі. Ал халықтың жекелеген санаттары тікелей емханаға тіркеле алады. Ол үшін еркін нысандағы өтініш пен жеке басын куәландыратын құжатты беру қажет. Бұл санаттарға зейнеткерлер, мүгедектер, заң бойынша бала кезінен мүгедекке тағайындалған қамқоршылар, сондай-ақ, қорғаншылар немесе қамқоршылар, патронат тәрбиешілер, колонияларда (өтеу орны бойынша) жазасын өтеп жатқан сотталғандар, студенттер, мерзімді қызметтегі әскери қызметшілер, шет мемлекеттерде туған балалар және сенімхат бойынша тіркеуді ресімдейтін адамдар жатады.

ЖЫЛЫТУ МАУСЫМЫ жақындап келеді

Среда, 16 Сентябрь 2020 06:16

f52b2996-a155-4050-aba7-9cd62fc6d2e9

Шымкент қаласының әкімі Мұрат Әйтенов алдағы жылыту маусымына дайындық барысымен танысты. Қалада 1 896 көп қабатты үй бар. Соның 90 пайыздан астамы жылыту маусымына дайын. Қалған тұрғын үйлерде құрылыс-монтаж жұмыстары жүруде.

Қала әкімі алдымен әкімшілік-іскерлік орталықтағы жылу қазандығына барды. 2015 жылы іске қосылған қазандық 1124 шаршы метр аумақты алып жатыр. Онда қуатты жылу беретін BOSCH LOOS UT-HZ пештері орнатылған. Мұндағы отынның негізгі түрі – табиғи газ. Қазандықтың ең жоғарғы қуаттылығы – сағатына 163.5 Гкал. Ол 78 көпқабатты тұрғын үй мен 8 әкімшілік ғимаратқа жылу береді.
Мұнан кейін қала басшысы шаһардың оңтүстік бөлігіне жылу беретін «3-Энергоорталық» акционерлік қоғамына қарасты қазандыққа ат басын тіреді. Бұл компанияның иелігінде 11,7 шақырым магистралды жылу құбырлары бар. Қазір қазандықта құрылыс-монтаж жұмыстары жүргізіліп жатыр. Жылыту маусымына дайындық 1 қазанға дейін толықтай аяқталады.
Сондай-ақ, қала әкімі Сайрам тұрғын алабында орналасқан халықты көмірмен қаматамасыз ететін базаның жұмысымен де танысты.
Жалпы, қалаға жылу 11 қазандық пен 1 жылу-электр станциясынан беріледі. Айта кету керек, қазір барлық 11 қазандық жөндеуден өтіп, алдағы қысқа тас-түйін дайын тұр. Ал, 17 сорғы станциясының 15-і (88%) дайын. Қалған 2 станцияда жұмыс 25 қыркүйекке дейін аяқталады.
Нысандардың жұмысымен танысқан Мұрат Дүйсенбекұлы жауапты азаматтарға белгіленген мерзімде тұрғындарды сапалы жылу энергиясымен қамтамасыз етуді тапсырды.
Қалада 479 бюджеттік мекеме жұмыс істеп тұр. Оның 271-і жеке қазандықтармен жылытылса, 208-і орталықтандырылған жылу жүйесіне қосылған.

Күн энергиясы станциясы салынуда

Среда, 16 Сентябрь 2020 06:13

47f071f5-12df-4c1a-84b5-19c67c135b7f

Шымкентте күн электр станциясының құрылысы жүріп жатыр. Электр энергиясын өндіретін нысанның құрылысын әкімдік пен «KAZAKH INVEST»ҰК» АҚ-ның қолдауымен ресейлік инвестор «Хевел» компаниясы жүзеге асырып жатыр.

Апта басында Шымкент қаласының әкімі Мұрат Әйтенов қала маңынан салынып жатқан қуаттылығы 20 МВат болатын нысанның құрылысымен танысты.
50 гектар жерге салынып жатқан жобаның құны 6,2 млрд теңгені құрайды. Мамандардың айтуынша, мұнда 49 мыңнан астам күн модульдерінен тұрады екен. Жылына 38 кВт сағат энергия өндіріледі деп күтілуде. Яғни, станция өндірген электр энергиясын 10 мың үй тұтына алады.
Жобада тиімділігі жоғары гетероқұрылымды екі жақты күн модульдері қолданылып жатыр. Өз кезегінде бұл электр энергиясын өндіруді 20 пайызға арттыруға мүмкіндік береді.
Жоспар бойынша станцияның құрылысы биыл қазан айында аяқталуы тиіс. Атқарылып жатқан жұмыс барысымен танысқан Мұрат
Әйтенов станция жұмысына жергілікті мамандарды тартып, отандық өнімдерді пайдалану қажеттігін айтты.

Қаулы                                                                               Постановление

Шымкент қаласы                                                           город Шымкент

13.09.20ж.                                                                                 №37

 

  Шымкент қаласының аумағында карантиндік, шектеу шараларын ұзарту және Шымкент қаласының Бас мемлекеттік санитариялық дәрігерінің қаулысына өзгерістермен толықтырулар енгізу туралы

 

 

Мен, Шымкент қаласының Бас мемлекеттік санитариялық дәрігері Жумабек Анашович Ержанов, Қазақстан Республикасының 2020 жылдың 7 шілдедегі № 360-VI ҚРЗ «Халық денсаулығы және денсаулық сақтау жүйесі туралы» Кодексінің 104 бабына, «Қазақстан Республикасының халқы арасында коронавирустық жұқпалы аурулардың алдын алу жөніндегі шараларды одан әрі күшейту туралы» Қазақстан Республикасының Бас мемлекеттік санитариялық дәрігерінің 2020 жылғы 25 маусымдағы №43-БМСД қаулысына (бұдан әрі - ҚР БМСДҚ №43-ПГВр), Қазақстан Республикасының Бас мемлекеттік санитариялық дәрігерінің 2020 жылғы 14 тамыздағы №47-БМСД қаулысына «Қазақстан Республикасының Бас мемлекеттік санитариялық дәрігерінің 2020 жылғы 26 маусымдағы №43 қаулысына өзгерістер мен толықтырулар енгізу туралы» (бұдан әрі - ҚР БМСДҚ 47-ПГВр), «Шектеу карантиндік шараларын кезең-кезеңімен жеңілдету туралы» Қазақстан Республикасы Бас мемлекеттік санитариялық дәрігерінің 2020 жылғы 15 тамыздағы № 48- БМСД қаулысына (бұдан әрі - ҚР БМСДҚ №48-ПГВр), Қазақстан Республикасының Бас мемлекеттік санитариялық дәрігерінің 2020 жылғы 20 тамыздағы №49 - БМСД қаулысына «Қазақстан Республикасының Бас мемлекеттік санитариялық дәрігерінің қаулысына өзгерістер мен толықтырулар енгізу туралы» (бұдан әрі - ҚР БМСДҚ 49-ПГВр), Қазақстан Республикасының Бас мемлекеттік санитариялық дәрігерінің 2020 жылғы 28 тамыздағы №50 - БМСД қаулысына

«Қазақстан Республикасының Бас мемлекеттік санитариялық дәрігерінің қаулысына өзгерістер мен толықтырулар енгізу туралы» (бұдан әрі - ҚР БМСДҚ №50-ПГВр), «Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын бекіту туралы» Қазақстан Республикасы Ұлттық экономика министрінің 2015 жылғы 20 наурыздағы №239 бұйрығына сәйкес, COVID-19 аурушаңдығының тіркелуіне байланысты халық арасында коронавирустық инфекцияның таралуын алдын алу мақсатында ҚАУЛЫ ЕТЕМІН:

1. Шымкент қаласының аумағында 2020 жылғы 14 қыркүйек сағат 00:00-ден бастап 2020 жылғы 28 қыркүйек сағат 00:00-ге дейін карантин және шектеу шаралары ұзартылсын.

2. Шымкент қаласының Бас мемлекеттік санитариялық дәрігерінің 2020 жылғы 7 қыркүйектегі №36 қаулысына келесі өзгерістер және толықтырулар енгізілсін:

1) 3 тармағы 3.5. тармақшасы мынадай редакцияда жазылсын: «3.5.сағат 06:00-ден 18:00-ге дейінгі уақытын шектеумен ашық алаңда жұмыс істейтін азық-түлік және киім базарларының қызметін қоспағанда, сыйымдылығы 30% аспайтын және 1 келушіге 4 шаршы метрді сақтаумен жұмыс күндері (дүйсенбі-жұма) азық-түлік, азық-түлік емес базарлардың (мамандандырылған, киім, мал және автокөлік базарлары) жұмыс күндері сағат 06:00-ден 18:00-ге дейін Қазақстан Республикасының еңбек заңнамасына сәйкес азық-түлік және азық-түлік емес базарлардың жұмысы демалыс және мереке күндері жұмыстары тоқтатылсын»;

2) 3 тармағы 3.19. тармақшасы мынадай редакцияда жазылсын: «3.19. СПА-орталықтары, әсемдік салондары, шаштараз, косметикалық және косметологиялық қызметтер, маникюр және педикюр қызметтерін көрсететін орталықтары мен салондары (алдын ала жазылу бойынша 1 келушіге 4 шаршы метр) жұмыс уақытын шектеу арқылы 09:00-ден 21:00-ге дейін жұмыс күндері жұмысын ұйымдастыру, Қазақстан Республикасының еңбек заңнамасына сәйкес демалыс және мереке күндері жұмыстары тоқтатылсын»;

3) 3 тармағы 3.20. тармақшасы мынадай редакцияда жазылсын: «3.20. жұмыс және демалыс күндері жұмыс режимін уақытша шектей отырып, бір мезгілде жобалық сыйымдылықтан 50% - дан аспайтын келушілердің қатысуымен бассейндерді іске қоса отырып, моншалардың, сауналардың жұмысын ұйымдастыру сағат 09:00-ден 21:00-ге дейін (алдын ала жазылу бойынша), сонымен қоса Қазақстан Республикасының еңбек заңнамасына сәйкес демалыс және мереке күндері сауналардың жұмыс істеуіне тыйым салынсын»;

4) 4 тармағы 4.1. тармақшасы мынадай редакцияда жазылсын: «4.1. жұмыс күндері (дүйсенбі - жұма) және сенбі күні қоғамдық көлік қозғалысының уақыты сағат 07:00-ден 21:00-ге дейін шектелсін, жексенбі күні қоғамдық көліктің жұмысы тоқтатылсын. Бетперделердің киілуі, толтырылуы отыратын орын санынан аспауы қадағалансын».

3. Осы Қаулы барлық мүдделі ведомстволармен ұйымдардың назарына жеткізілсін, бұқаралық ақпарат құралдарына жариялансын және әлеуметтік желілер арқылы таратылсын.

4. Шымкент қаласы аудандарының әкімдері, Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаментінің аумақтық басқармаларының басшылары және Шымкент қаласы полиция департаментінің бастығы осы қаулының орындалуын бақылауды қамтамасыз етсін.

5. Осы қаулы 2020 жылғы 14 қыркүйек сағат 00:00-ден бастап күшіне енеді.

 

 

Шымкент қаласының 

Бас мемлекеттік 

санитариялық дәрігері

Ж.Ержанов

 

2020 04 21 agro-2

Шуақты қалада жылыжайлардың саны көбейеді. Апта басында Абай ауданында аумағы 136 гектарды құрайтын «Тепличный рай» агро-индустриалды аймағының құрылысы басталды. Оған қала әкімі Мұрат Әйтенов және жеке инвесторлар мен шаруақожалық иелері қатысты.

Жылыжайлардың құрылысы 2 кезеңді қамтиды. Атап айтқанда, І-кезеңде 2020-2021 жылдар аралығында 30 гектар аумаққа өнеркәсіптік жылыжай кешені салынады.
9,4 млрд теңгені құрайтын бұл жобаны «Taza Onim» ШҚ, «AIDI Agro Trade» ЖШС, «Колесников» ЖК, «ASM Corporation» ЖШС, «High Yield» ЖШС, «Татыбаева» ЖК, «Каз Агро Трэйд» ЖШС, «Nur Alem Agro» ЖШС секілді инвесторлар жүзеге асырады.
Ал ІІ-кезеңде 2022-2025 жылдар аралығында 60 гектарға өнеркәсіптік жылыжай кешенінің құрылысы жүргізіледі. Онда 20 жоба жүзеге асырылатын болады. Жобаның жалпы құны – 21,0 млрд теңге.
Аталған жылыжай кешендері толығымен іске қосылғанда бір мыңнан аса адам жаңа жұмыс орнымен қамтамасыз етілетін болады.

Страница 1 из 409