Шымкент – Дубай ұшақ рейсі ашылды

Пятница, 04 Январь 2019 07:04

flydubai

2018 жылдың 28 жылтоқсаны күні Шымкент – Дубай қалалары аралығында тікелей ұшақ қатынай бастады. Екі қаланың арасына әуе кемесі 1 аптада екі рет ұшады.

Жолаушыларды «Fly Dubai» компаниясының ұшақтары тасымалдайды. Рейстің ұзақтығы – 3 сағат.
Айта кетейік, Шымкент қаласының әкімі Ғабидолла
Әбдірахымов қараша айында Орталық коммуникациялар қызметінде өткізген брифингте жылдың соңында Шымкент және Дубай қалаларының арасында тікелей ұшақ қатынасы ашылатынын хабарлаған болатын.

Келер жылдан үміт көп

Пятница, 28 Декабрь 2018 05:09

Доңыз – жыл санауының жəне жыл қайырудың соңғы жылы. Бұл жылды халық пəле-жала көп болады деп жақсы атамағанымен, көбіне ол жайлы, тыныштық жылы болып келетінімен мәлім. Жалпы, қазақ халқы жылға өкпелемеген. Әр жылдың өзіндік берекесі бар. Ең бастысы, адал еңбек етіп, дұрыс мақсат қоя білсең, жетістікке жетерің анық. Расын айтайық, ит жылы да несібеміз молайды-ақ.

patriot

Халықтың тұрмыс сапасы артпақ

Өткен жылға өкпе жоқ. Келер жылдан үміт көп. Ендеше, табалдырықтан енгелі тұрған доңыз жылының Қазақ еліне тартуы қандай болмақ?
Жалпы айтқанда 2019 жылы ел азаматтарының табысы өсіп, халықтың өмір сүруі деңгейі жақсара түсуі тиіс. Елбасы биылғы халыққа арнаған Жолдауында ең алдымен халық табысының өсуін, азаматтардың өмір сүруіне қолайлы жағдай жасауға назар аударды. 1 қаңтардан бастап, елдің әлеуметтік-экономикалық даму бағытында жақсы өзгерістер болғалы отыр.
Атап айтқанда, 2019 жылдың 1 қаңтарынан бастап ең төменгі жалақы 1,5 есе, яғни 28 мыңнан 42 мың теңгеге дейін өседі. Бұл барлық сала бойынша түрлі меншік нысандарындағы кәсіпорындарда жұмыс істейтін 1 миллион 300 мың адамның еңбекақысын тікелей қамтиды. Зейнетақының ең төменгі мөлшері 36 108 теңге болмақ.
Келер жылы бюджеттік мекемелерде жұмыс істейтін 275 мың қызметкердің еңбекақысы көбейіп, орта есеппен 35 пайызға артады.
Кәсіпкерлер үшін де қуанышы мол жыл болмақ. Яғни, кәсіпті жандандыру бағытында өсім мен айыппұлды алып тастай отырып, шағын және орта бизнес үшін салық амнистиясы жүргізіледі. Амнистия жалпы 90 мыңнан астам кәсіпкерді қамтымақ.
Келер жылы халықтың әлеуметтік көңіл-күйінің аса маңызды тұсы саналатын медициналық қызмет сапасы жақсарады деп күтілуде. 2019 жылдың 1 қаңтарынан бастап ауруларды емдеу ісін басқарудың жаңа тәсілдерін енгізген учаскелік медицина қызметкерлерінің жалақысын кезең-кезеңмен 20 пайызға артса, барлық емханалар мен ауруханалар медициналық құжаттарды қағазсыз, цифрлық нұсқада жүргізуге көшуге тиіс.
Сондай-ақ, Елбасының тапсырмасына орай, ішкі істер органын жаңғыртудың жол картасы дайындалған еді. Реформалар 2019 жылдың 1 қаңтарынан бастап жүзеге асырыла бастайды. Қазірдің өзінде ведомствада реформалар басталып кеткен.
Тағы бір айта кетерлігі, 2019 жыл – көптен күткен Жастар жылы. Рас, бүгінде жастарға көп көңіл бөлінуде. «Болашаққа бағдар: рухани жаңғыру» бағдарламалық мақаласы ел тұрғындарына серпін берді. Ендігі маңызды мақсат – жастардың жетістікке жетіп, түрлі іс-шараларға ұйытқы болып, жақсы істердің қасынан табыла білу. Яғни, жастар жылында қолға алынатын жұмыстардың салмағы ауыр. Қазірдің өзінде Үкімет бұл бағытта атқарылатын негізгі іс-шараларды әзірлеуде.
– Біз Қазақстанның болашағы саналатын жастарды қолдауымыз керек. Жастар мен отбасы институтын кешенді қолдау – мемлекеттік саясатының басымдылығына айналуы тиіс. Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек, - деді Мемлекет басшысы өз Жолдауында.
Одан бөлек «Рухани жаңғыру» бағдарламасын іске асыру бойынша 2019 жылға арналған іс-шаралар жоспары түзілуде. Білімнің салтанат құруы, прагматизм, бәсекеге қабілеттілік, т.б. басқа бағыттар бойынша да ауқымды іс-шаралар атқарылады.
Елімізде 2019 жылы өтетін мәдени-спорттық іс-шаралардың ең бастысын айта кетсек. Ол – Астанада өтетін күрес түрлерінен әлем чемпионаты. 2020 жылғы Токио олимпиадасына жолдама беретін әлемдік сайыс бізге үлкен жауапкершілік жүктейді. Әрі күрес түрлерінен әлем чемпиоанты тарихта алғаш рет өз топырағымызда өтпек. Бұған дейін Қазақ елінде бокс, ауыр атлетика және дзюдодан әлем чемпионаты ұйымдастырылған-ды.

2018 11 30 142050712000

Ал әлемдік спортта 2019 жылы мерейтойлы ХХХ жазғы Универсиада мен Қысқы Универсиада ойындары бар. Жалпы, келер жыл да тарихи жеңістерге жетуімізге толық мүмкіндігіміз бар. Дарынды ұл-қыздардың тарихи жеңіспен қуантады деп сенейік.

Шаруаға жайлы болады

Сарапшылардың мәлімдеуінше, 2019 жыл бизнесті дамыту үшін де, қызметте өсу үшін де жемісті жыл болуы мүмкін. Өйткені, еңбекқорлық – Доңыз жылының басты ерекшелігі. 2019 жылдан отандастарымыз тек жақсылық күтеді. Елімізде жетістік молайып, Шымкент қаламызда да жақсы өзгерістер болатынына сенім зор.
– Бұл тұста мегаполис мәртебесіндегі Шымкент қаласы да туристерді қызықтыратын қалалардың бірі болатынына сенім зор. Бұл ретте көктемдегі қызғалдақтар фестивалі, Қошқар ата өзенінің абаттандырылуы, т.б., жұмыстарды атап өтуге болар. Отандастарымыз үшін үнеммен өмір сүру дағдысына айналуы тиіс кезеңдер келді. Аста-төк ысырапшылықтан арылғанымыз абзал. Сондықтан жарқын болашақты өз еңбегімізбен жасайтынымыз ақиқат. Табанды мақсат, өнімді еңбектің арқасында ғана кезкелген қиындықты еңсере аламыз. «Өткен күннің емі жоқ, келер күннің кемі жоқ» деген аталарымыз алдағы жылдан тек жақсылықтар күткен. Келе жатқан жылда еліміз бен қаламызда тек оң өзгерістер болатынына сенеміз, - дейді М.Әуезов атындағы ОҚМУ-дың «Тәрбие және жастар саясаты» департаментінің директоры, саясаттанушы Сәкен Мәжінбеков.
Ал өңірімізге белгілі жұлдызшы Нұрғабыл Қозыбай келер жылдың шаруаға қолайлы болатынын айтады. Оның болжамынша, келер жылы көктем жаңбырлы болмақ.
– Табиғат заңы бойынша әр төрт жыл сайын құрғақшылық келеді. Ол жыл биыл өтіп кетті. Шымкентте жаңбыр әжептеуір жауғанымен Оңтүстік аудандарда құрғақшылық болды. Енді қатарынан үш жыл жаңбырлы болуы тиіс. Жалпы, жаңа 2019 жыл шаруаға жайлы болады, - дейді жұлдызшы.
Қалай десек те, адамзат баласы тек жақсылықтан үміттенеді. Уақытқа шектеу жоқ. Әрі әр жылдың өзіндік табысы мен берекесі бар. Ендеше, ит жылында қолға алған игі істерді доңыз жылында да жалғастырып, адал еңбек етуді ұмытпағайсыз.

Үндістанда өткен бокстан әйелдер арасындағы әлем чемпионаты жарқын жеңіспен есте қалды. Шымкент қалалық кешенді жоғары спорт шеберлігі мектебінің шәкірті Жайна Шекербекова қоржынға күміс жүлдені салып берді. Сөйтіп, әлемдік сайыстың екі дүркін жүлдегері атанды.

Жайна Шекербекова – 2014 жылғы Азия ойындарының күміс жүлдегері. Астанада өткен әлем чемпионатында қола жүлдегер атанып, Олимпиада жолдамасын да қағып түсірген-тін. Шүкір, жыл бойы жаттығу залдарынан шықпай, сорғалап аққан тердің өтеуін көріп келеді. Алғашқы Олимпиадада жүлдеге бір қадам қалғанда сүрінуі өкінішті, әрине.
Жеңімпаз аруды спорт мектебінің басшылығы, жаттықтырушылар қауымы әуежайдан зор қошеметпен күтіп алды. Біз де әлем чемпионатында күміс тұғырға көтерілген боксшымен емен-жарқын әңгімелестік.

Бір бәсеке өткізуім керек еді

125

– Жайна, әлем чемпионатындағы жеңісіңмен құттықтаймыз! Жалпы, алтын жүлде қол созым жерде тұр еді ғой...
– Рақмет, құттықтауларыңызға. Рас айтасыз, алтын алуға тамаша мүмкіндік болды. Алтыншы жекпе-жекте алтын жүлдеге таластық. Шынымды айтсам, соңғы сында оған дейінгі 5 жекпе-жектегідей сезінген жоқпын. Ағза да шаршағандай. Соның әсерінен бірқатар қателік жіберіп алдым. Барымды салып едім. Әрине, бәріміз де алтын аламыз деп ойлаған едік. Бұйырғаны күміс жүлде екен. Әлем чемпионаты өте жақсы ұйымдастырылған. Спорттық мансабымда мұндай 6 жекпе-жекті бірінші рет өткізгенімді айта кетсем. Бірінші айналымнан бастап жұдырықтасқанымды білесіздер. Бұл жолы ең көп қатысушы тіркелді. Оған қоса спортшылардың ең көп шоғырланғаны да осы 51 келіде.
Енді аздап тынығуым керек. 4-19 желтоқсан аралығында Сарыағаш қаласында емдеу-сауықтыру жиыны өтеді. Жаңа жылдан кейін Қазақстан чемпионатына дайындаламыз. Жыл сайын Сербияда өтетін халықаралық турнир бар. Қай жарысқа баратынымыз әзірге белгісіз.
– Астанадағы әлемдік сайыста жүлдегер атандың. Жауапкершілікті қалай сезіндің?Алтын алуға да мүмкіндігің мол еді...
– Маңдайға қола жүлде алу жазылыпты... Рас айтасыз, алтыннан үмітті едім. Өз елімізде өтіп жатқандықтан әнұранды шырқатсақ деген мақсат болды. Жартылай финалда әлем чемпионы, Олимпиада жеңімпазы ұлыбританиялық боксшы алдымды орап кетті. Негізінен, психологиялық тұрғыда бабым дұрыс болмаған сияқты. Мүмкін, кішкене тәжірибе жетпегендей. Онымен бұрын Польшадағы Феликс Штамм турнирінде қолғап түйістіргенмін. Ол кезде ұпай санымен есе жіберіп алдым. Никола Адамс – әлемдік рейтингте орны бар боксшы. Бірақ онымен тең дәрежеде бокстастым деп ойлаймын.
– Олимпиадада жүлдеге бір табан жақын қалдың...
– Риода жеребенің сәттілігінің арқасында бірден ширек финалға шықтық. Франциялық Сара Урамунды жеңуге мүмкіндік бар еді. Бәлкім, бір жекпе-жек өткізіп, Олимпиада шаршы алаңына бой үйретіп алуым керек пе еді... Сол керек болған сияқты. Жалпы, жеңілгеннен кейін түрлі себеп айтылады ғой. Шыны керек, алғашқы Олимпиадада жолым болмады. Франциялық қарсыласыммен бұрын жолымыз түйіскен емес. Олимпиада алдында Ұлыбританияда оқу-жаттығу жиыны өткен. Сол жерде спаррингте ғана қолғап түйістіргеніміз бар. Астанадағы әлем чемпионатында Сарамен тұғырда қатар тұрдық. Қарым-қатынасымыз жақсы. Азия ойындарында жүлдегер болғанымда құттықтады.
Шүкір дейміз, құрбым Дариға Шәкімова қазақ қыздары арасынан тұңғыш жүлдегер атанды. Соның өзі үлкен жетістік. Дариғамен боксты бастағалы бері бірге жүрміз. Оның жақсы қасиеттері туралы көп айтуға болады. Тұйық мінезді. Өзінің әлемі бар. Тәрбиелі қыз. Еңбекқорлығы да басым. Төзімділік жағынан көп спортшыға үлгі.

Филиппин аруынан есемді қайтарғым келген

– 2014 жылғы Азия ойындарында басты қарсыласың әйгілі үндістандық ару боларын әуел бастан білдік.
– Алты дүркін әлем чемпионы Мери Ком осалдардан емес. Оның атақ-дәрежесінен қаймыққан жоқпын. Керісінше, үнемі сондай мықтылармен жұдырықтасуды қолай көретінмін. Мери Комға да тізгінді толық беріп қойған жоқпыз. Тактика бойынша, жылдамдықты арттыра түсуге нұсқау алдым. Тәжірибелі боксшы. Ұпай жинап алғаннан кейін, қашқақтап, сытылып кетуі мүмкін ғой. Бапкерімнің айтқаны да дөп келді. Екінші раундта жеңгеннен кейін ұстасумен жүрді. Бапкерлерім жекпе-жек тең өткенін айтты. Өзімнің де пікірім солай. Дегенмен қарсыласым өте тегеурінді. Атақ-дәрежесі төрешілердің мысын басып кеткен секілді. Алтын Мери Комға бұйырып тұр екен. Гуанжоуда есем кеткен филиппин қызы Энни Албани осы жолы кезіксе екен деп едім. Соңғы кездері көрінбей жүр. Бәлкім, спорттты қойған. Жартылай финалда моңғол қызынан ақымды қайтардым. Одан Алматыда төрт елдің турнирінде жеңіліп қалғанмын.
– Мери Ком құрбыңнан нені үйренуге болады?
– Жасы отыз беске келген, ең егде боксшылардың бірі. Үш баланың анасы. Қайтпас, қайсарлықты үйренуге болады... Төзімділікті. Қиыншылыққа мұқалмай, еңбекқорлығының арқасында осындай жетістікке жетіп жүр. Ол туралы фильм түсірілгенін білесіздер. Алматыдағы оқу-жаттығуда жүргенде бапкерлер барлығымызды жиып, кинотетарға апарып көрсетті. Өздеріңіз білесіздер, үнділер фильмнің маманы ғой (күліп). Түсірілім жағы керемет. Фильмнің 60-70 пайызы шындық. Содан кейін бе, маған ерекше әсер етті. Біз боксқа үйірсектеп жүрген кезде атағы жер жарып тұрған еді. Өзіміз қарсылас болдық. Өте ақжарқын мінезді. Жарысқа келген кезде хал-жағдай сұрасып, бала-шағасын көрсетіп тұрады. Басқа жарыстарда ұтып жатсақ, құттықтау жазатыны бар.

Қыздар да техника жағынан ерлерден қалысар емес

– Осынау төзімділікті талап ететін боксқа қалай келгеніңді толығырақ айтып берсең...
– Мектеп қабырғасында жүргенде волейбол, баскетбол ойнадық. Спортқа бейім едім. Ұл балаларға жақын болып өссем керек. Баскетболдан ауданаралық жарыстарға қатысып жүрдік. Жаңалықтардан атақты Мұхаммед Әлидің қызы Лейла Әли туралы еститінмін. Атағы жер жарып тұрған шағы. Сол кезде біз де боксқа қатыссақ қалай болар екен, бізде бұған мүмкіндік бар ма деп ойладық. Бірақ ол кезде кәсіпқой түрде айналысамын деген мақсат болған жоқ.
Осы талпыныстың арқасында мектеп бітіріп, Шымкент қаласына оқуға түстім. Спорттағы жарқын жеңістерім осы қаладан басталды. «Фемида» заң колледжінде оқып жүргенде бір спорт түрімен шұғылданайын дедім. Оқу орнының жанында кикбокс үйірмесі бар болатын. Алғашында кикбоксты серік етіп жүріп, 2006 жылы Қызылжар қаласында өткен ел біріншілігінің жеңімпазы атандым. Содан бір күні әуесқой боксқа аңсарым ауып, оның қыр-сырын меңгеруге барымды салдым.
2008 жылы Алматыда өткен ел чемпионатына қатысып, жеңімпаз атандым. Бұл менің бокстағы алғашқы әрі ірі жеңісім болатын. Бір айта кетерлігі, сол кезде небәрі 50-ге тарта боксшы бақ сынады. Алайда қазір бұл көрсеткіш едәуір өсті.
Бүгінде әйелдер боксы өте қарқынды дамып жатыр. Ерлерден қалысар емес. Бізде де дәрігер, психологтар, биохимиктер жұмыс істейді. Үлкен командамыз. Бұрын ондай жоқ еді. Олимпиадада қыздардың салмағын көбейтті. Әлем чемпионатын қарасақ, қыздар да ерлерден қалмай, әдемі бокс көрсетуде. Техника жағынан да ерлерден қалыспайды. Бұрын әйелдер боксы төбелеске жақын, оларда техникасы аз деп айтатын. 5-6 жылдың көлемінде қыздардың да әдіс-айлалары көбейді. Ұлдар сияқты техника көрсеткен құрбыларымды атап бере аламын.
– Спорттық мансабың осы салмақта аяқталады екен ғой...
– Менде салмақ жағынан мәселе жоқ. 2010 жылғы Азия ойындарынан бері осы салмақта бокстасып жүрмін. Әзірге қоржынымда тек Олимпиада жүлдесі ғана жоқ екен. Польшадағы Феликс Штамм, Түркиядағы Ахмет Комерт турнирінің алтын жүлдесі бар. Чехиядағы Гран-При жарысының күміс жүлде иегерімін. Өз елімізде өтіп жатқан турнирлердің көбісінен жүлде алдым. Халықаралық турнирлер үлкен ресми жарыстарға дайындық іспетті.
Ең бірінші мақсат – Олимпиада жүлдесі. Қазір осы жолда еңбек етіп жатырмын. Оған бару үшін де көптеген сынақтардан өту керек. Ендігі жылы өтетін әлем чемпионатында жолдама беріледі. Жолдама алу – ең басты мақсат. Соған жетсек пе дейміз. Денсаулығым барлығы жақсы. Неге ары қарай жұмыс істемеске?! Қолдан келіп тұрса, тек еңбек ету керек. Токио Олимпиадасына дейін барлық күш-жігерімді жұмсаймын деп ойлаймын.
– Спортта кімдерді үлгі тұтасың?
– Жалпы, спортта Жақсылық Үшкемпіровты үлгі тұтамын. Қазақ боксшыларынан Серік Қонақбаев, Мұхтархан Ділдәбеков, Серік Сәпиев сынды ағалар қандай құрметке де лайық азаматтар. Жас боксшылардың бәрі де осы кісілерге ұқсағысы келеді. 2000 жылы Сидней олимпиадасында талайларды тамсандырған, небәрі 20 жасында қазақ боксшыларының арасында тұңғыш Олимпиада чемпионы атанған, марқұм Бекзат Саттархановтың шеберлік мәнері ұнайды.
Кәсіпқой бокста отандасымыз Головкиннің бәсекелерін үзбей қадағалап жүремін. Еңбекқорлығымен жеңіске жетіп жүр. Әлемдік рейтингтегі үздіктердің бірі Флойд Мейвезер, Мэнни Пакьяолардың боксын үзбей көремін. Адамгершілігі жағынан Головкин де, Пакьяо да қандай құрметке да лайық боксшылар.

– Әңгімеңе рақмет!

Азаматтардың мұң-мұқтажы тыңдалды

Пятница, 07 Декабрь 2018 04:53

«Нұр Отан» партиясы Шымкент қалалық филиалы төрағасының бірінші орынбасары Бахадыр Нарымбетов қоғамдық қабылдау өткізді. Бұл жолы қала тұрғындары негізінен әлеуметтік мәселелер бойынша көмек сұрап келген. Бахадыр Мәделіұлы барлық тұрғынның мұң-мұқтажын мұқият тыңдады.

10

Қабылдауға негізінен 6 адам жазылған. Олар құқық қорғау органы өкілдерінен, мәдениет, жұмыспен қамту мәселесі, жер қатынастары саласы мамандарынан көмек сұрады. Мысалы, Әл-Фараби ауданының тұрғыны, зейнеткер Шерім Асылбеков кішкентай балаларды құтқарамын деп қаза тапқан ұлының атын көшеге беруді өтінеді. Ерден Асылбеков небәрі 26 жасында судан кішкентайларды құтқарамын деп өзі қаза тапқан еді. Бұл мәселе көптен бері БАҚ беттерінде де жазылып келеді. Батыр ұлдың әкесі осы мәселенің тезірек шешімін тапса дейді. Мәдениет басқармасы өкілінің айтуынша, қазір көшелерге кісі есімін беруге шектеу бар. Дегенмен партия филиалы төрағасының бірінші орынбасары осы мәселе бойынша Президент Әкімшілігіне хат жазатындарын айтты.
Ал Еңбекші ауданының тұрғыны, зейнеткер Қалдыгүл Тұрсынбекова үйінің ауласынан газ құбырлары заңсыз жүргізілгеніне наразылық танытты. Жалпы, тұрғындардың барлық сауалдары бойынша тиісті басқарма өкілдері жауап берді.
Партия филиалы төрағасының бірінші орынбасары да бұл мәселелерді өз бақылауына алатынын айтып, тиісті азаматтарға дер кезінде мәселені шешуді тапсырды.

«Болашақ» – еліміздің білім қуған жастарына арналған ең сәтті жобалардың бірі. Бағдарламаның қолға алынғанына биыл 25 жыл толды. Ширек ғасыр. Әрине, ең үлкен байлық адами капитал екені мәлім.

153

Жолдау: агросектор адымдары айқын

Пятница, 30 Ноябрь 2018 05:04

Шымкент қаласына ҚР Премьер-министрінің орынбасары – Ауыл шаруашылығы министрі Өмірзақ Шөкеев бастаған республикалық ақпараттық топ жұмыс сапарымен келді. Елбасының: «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауын түсіндіру мақсатында Шымкент активімен кездескен Өмірзақ Естайұлы Жолдаудағы негізгі бағыттарды атап берді.

158

ҚМДБ-ның Шымкент қаласы бойынша өкілдігі жылдық есепке байланысты баспасөз мәслихатын өткізді. 2018 жылы атқарылған жұмыс жеткілікті. Қала мешіттерінің құжаттарын реттеу, имамдардың біліктілігін көтеру, жат ағымдармен күрес сынды жұмыстар қорытындыланды. Сондай-ақ, қолға алынған маңызды жұмыстың бірі – имамдарға жалақы беру, мешітердегі қаржылық есеп-қисапты жүргізу.

137

«Жақсы сөз жарым ырыс» дейді. Әрдайым жақсылықтан үміттенеміз.
2017 және 2018 жылғы күрес түрлерінен Қазақстан чемпионаты Шымкент қаласында өткен-ді. Мінекей, Шымқала төріндегі бәсеке әлем чемпонатының жүлдесіне бастады. Шүкір дейік. Грек-рим күресінен соңғы ел чемпионатының жеңімпазы Мейіржан Шермаханбет тарихтың жаңа бетін ашты.

126

Страница 7 из 47