Сенаторлардың депутаттық өкілеттік мерзімі алты жыл болса, олардың жартысы әрбір үш жыл сайын қайта сайланып отырады. Депутаттардың жартысы соңғы рет 2008 жылғы 4 қазанда сайланған болатын.
Осы себепті ҚР Президентінің «2014 жылғы 1 қазанға Қазақстан Республикасы Парламенті Сенаты депутаттарының кезекті сайлауын тағайындау туралы» Жарлығы шықты. Осыдан алты жыл бұрын, яғни 2008 жылғы 4 қазанда сайланған сенаторлар өкілеттігінің конституциялық мерзімі ағымдағы жылғы 9 желтоқсанда аяқталады. Соған орай, 1 қазанда республиканың 16 өңірінде Сенат депутаттығына бір-бір депутаттан сайлау қарастырылған.
Кандидаттарды ұсыну ағымдағы жылғы 31 тамызға дейін жүреді. Тіркеу 2014 жылғы 11 қыркүйекке дейін, ал сайлау алдындағы үгіт 12 қыркүйекте басталып, 29 қыркүйектің 24.00 сағатқа дейін жүргізіледі. Дауыс беруді, дауыстарды санауды және қорытындыларды жариялауды облыстық, Астана және Алматы қалалық сайлау комиссиялары бір күн ішінде - 1 қазанда жүргізеді. Сайлаудың соңғы қорытындыларын Орталық сайлау комиссиясының 2014 жылғы 7 қазаннан кешіктірмей анықтайды.
