Шымкент келбеті

Қала халқының табысының артуына байланысты, өткен жылдың 8 айымен салыстырғанда әлеуметтік көмек алушылар саны 30,4 пайызға азайды.

Шымкент қалалық ардагерлер кеңесінде Мемлекет басшысының Қазақстан халқына жолдауын іске асыру бойынша кеңейтілген алқа мәжілісі өтті. Аға буын өкілдері «Әділетті Қазақстан: заң мен тәртіп, экономикалық өсім, қоғамдық оптимизм» тақырыбындағы Жолдауда айтылған мәселелер бойынша өз ойларын ортаға салды. Жиынға қала әкімінің орынбасары Сәрсен Құранбек қатысты.

Стоматологиялық көмек – денсаулық сақтау саласындағы ең қымбат тұратын қызметтің бірі.  Соңғы жылдары стоматолог мамандарына жүгінетіндердің саны көбейген. Оған себеп әртүрлі.Кейде жарамсыз тісті жұлып, орнына жасанды тістер қою үшін жүгінеді. Бұл процестердің оңай емес екені анық. Стоматологтың алдына келген жасанды тістерді көргенде, оның қайдан және қалай келгеніне мән бермейміз. Бірақ, бұл істің де өз мамандары бар. Оларды да назардан тыс қалдыруға болмайды. Әр емделушінің тіс көлемінің дәл келіп, сапасының жақсы болуын осы сала қызметкерлері қамтамасыз етеді.

Туған тіліңді қорғау – туған Отаныңды қорғаудан да маңыздырақ. Отанға қауіп келсе, білектің күшімен ерте ме, кеш пе, әйтеуір, азат етеріңе сенесің.
Ал, тіліңе қатер төнсе, бұл – қиын мәселе. «Ана тілің – арың бұл» деп Қадыр ақын жырлағандай, тіл тағдырына алаңдап, қайтсек тіл тазалығын сақтап қаламыз деп жарғақ құлағы жастыққа тимей жүрген қайраткерлеріміздің еңбегі орасан. Тіл үшін күрес нағыз ұлт жанашырларының ісі деп білеміз.

Мемлекеттік қызметші болу – абыройлы міндет. Себебі мемлекеттік қызметші халық пен бұқара арасындағы алтын көпір, байланыстырушы буын болып табылады. Сондықтан, мемлекеттік қызметтің әрбір саласының қарқынды ілгерілеуі ол тікелей мемлекеттік қызметшінің кәсібіне адалдығымен, жауапкершілігімен тығыз байланысты. Мемлекеттік қызметкер мемлекеттің атынан жұмысын атқарғандықтан мемлекет мүддесін қорғайтын қызметкердің өзін-өзі ұстауы мен адамдармен қарым-қатынасы және шеберлігі аса маңызды. Қызметкердің осындай мінез-құлықтарына қарап қарапайым халықтың да мемлекеттік қызметке сенімдері нығая түспек.

Ең таза әрі дәмді ауыз су – Шымкентте. Мегаполис халқы суды қайнатпай-ақ, сүзгісіз краннан іше алады. Бұл әуелі Табиғат-Ананың халқымызға жасаған сыйы, содан кейін 26 жылдық тарихы бар, шаһарды үздіксіз сумен қамтамасыз етіп отырған алапауыт компания – «Су ресурстары-Маркетинг» ЖШС-нің еңбегі десек артық айтқандық емес. Аталған кәсіпорын 26 жыл ішінде жоғары технологиялық өндіріске дейін жеткен үлкен мекеме.
Бүгінде Шымкентте халық саны да көбейіп, ол өркендеген еліміздің үш мегаполисінің бірі атанды. Бұл орайда тұрмыстық шайынды судың көлемі де өсетіні анық. Ал, «Су ресурстары-Маркетинг» ЖШС бұл тұрғыдан да Қазақстанда тек өзінің прогрессивті технологиялық шешімдерімен танымал болған. Осыған орай «Су ресурстары-Маркетинг» ЖШС бас директордың экономика және маркетинг жөніндегі орынбасары Жанатбек ТҰРДАЛИЕВПЕН сұхбаттасып, мекеменің тыныс-тіршілігімен танысып қайттық.