Үзік сәт

Пятница, 20 Декабрь 2019 03:56

Әлеуметтік желі. Қартаң әйел жол бойында қар күреп жүр. Неге күрек ұстап жүр, үйінде бала-шағасын бағып тыныш жатпай ма дейтіндер де табылар. Жұмыс орны ғой. Зейнетке шыққанша осы. Кейбіреулер сияқты көше сыпырмаймын, қар күремеймін, жеңіл жұмыс, көп ақша бер деп жүрген жоқ. Ертең бейнетінің зейнетін көреді.

Безымянный 1

Осы кезде полицей келіп қолынан күрегін алды. Кейбіреулер заңсыз митингке шыққанда кемпір-шал, бала-шағаны сүйрейді деп жұртқа әзірейіл көрсеткісі келетін полицей. Қасат қарды күреп еңсеріп тастады. Қартаң әйелге жаны ашыды, бейнетін жеңілдеткісі келді. Өзінің де қарындас, апа, әжелері бар ғой.

Мейірімділігіне, жүрегінің кеңдігіне сүйсіндік. Бұл – қайырымды қала Шымкент азаматтарының қолынан келеді.
Сюжет әлеуметтік желі қолданушысы Олжас Мамырдың фейсбук парақшасынан алынды.

Б. Байдуллаұлы

Шымкентте Тәуелсіздік күні мерекесі қарсаңында жедел жәрдем қызметі 100 жаңа медициналық автокөлікпен толықты. Қала әкімі Ерлан Айтаханов жедел көмек көрсететін көліктердің технологиялық мүмкіндіктерімен танысты.

 DSC0742

Көз жауын алатын инновациялық үлгідегі May Day фирмасының автокөлігі медициналық стандартқа сай. Салонның іші кең. Биіктігі адам бойына лайықты және дәрігердің науқаспен жұмыс жасауына ыңғайлы. Автокөлік жедел көмек көрсететін заманауи медициналық құрылғылармен толық қамтылған.

Атап айтсақ, ЭКГ аппараты, өкпені жасанды желдендіру, 4 реанимациялық бригадаларға жүрек массажына арналған автопульс және тағы басқа аппаратуралар бар. Сонымен қатар, арба да өте ыңғайлы. Бір артықшылығы, бұған дейінгі көліктегі құрылғылар тек ересектерге арналса, енді жасөспірімдер мен сәбилер үшін де жедел жәрдем көрсетуге жағдай жасалған.

– Жедел жәрдем қызметін көрсетуде кездесетін қиындықтар көп екенін білеміз. Қала тұрғындары тарапынан шақыртуларға уақытылы келмеуіне байланысты сын-ескертпелер жиі айтылады. Жаңа көліктер осы кедергілерді азайту мақсатында беріліп отыр. Жалпы, жедел жәрдем қызметін көрсететін 87 көлік бар. Бірақ оның жартысынан көбі ескірген. Сол себепті, рет-ретімен орнын жаңа көліктермен алмастырамыз, - деді Ерлан Қуанышұлы.

Қала әкімі сыйға тартқан көліктер қаламыздағы 10 жедел жәрдем стансасына берілді. Айта кетейік, осы жоба аясында сall-орталық әлемдік стандарттар бойынша жаңғыртылмақ. Ал түрік компаниясы тарапынан инвестицияның жалпы сомасы 6,3 миллиард теңгені құрайды.

Шымкентте Қазақстандағы алғашқы цифрлық банктің 6-филиалы ашылды. «Altyn Bank» АҚ филиалдары бұған дейін еліміздің Нұр-Сұлтан, Алматы, Ақтау және Атырау қалаларында ашылған болатын.

банк фото

Елбасының «Цифрлық Қазақстан» мемлекеттік бағдарламасы аясында жұмысын бастаған қаржы ұйымының ашылу салтанатына Қытай Халық Республикасының Қазақстан Республикасындағы елшісі Чжан Сяо мен қала әкімі Ерлан Айтаханов қатысты.

Шымкент қаласының тұрғындары мен банк қызметкерлерін жаңа банктің ашылуымен құттықтаған қала басшысы заманауи технологиялық трендтер қаржы саласын өзгертетінін атап өтті.

– Бүгінгі таңда банктердің 70% жеке және заңды тұлғаларға интернет пен мобильдік банкинг арқылы қызмет көрсетсе, банктердің 55% өз қызметтерін мобильді қосымша негізінде ұсынады. Бұл нарыққа өңірлік инвесторлардың қол жеткізуін жеңілдетіп, инвесторларға әлемнің кез келген нүктесінен қазақстандық қор нарығында қаржы құралдарымен сауданы жүзеге асыруға мүмкіндік береді, - деді қала әкімі.

«Altyn Bank» АҚ құрған бренд жеке тұлғаларға қызмет көрсету бойынша толыққанды сандық банк саналады.

Шымкент қаласының әкімі Ерлан Айтаханов Қытай Халық Республикасының Қазақстан Республикасындағы елшісі Чжан Сяомен кездесті.

кытай елш

Кездесуде Қазақстан мен Қытай арасындағы тату көршілік қарым-қатынастарды одан әрі нығайтудың және өзара тиімді ынтымақтастықты дамытудың маңыздылығы атап өтілді.
Әңгіме барысында Ерлан Қуанышұлы Шымкент қаласының экономикалық дамуы мен инвестициялық әлеуеті туралы мәлімдеді.

– Мемлекет басшысы Қасым-Жомарт Тоқаев Бейжіңде өткен Қазақстан-Қытай іскерлік кеңесінің алтыншы отырысының ашылуында Қытай Қазақстанның ең ірі сыртқы сауда және экономикалық әріптестерінің бірі екенін айтқан болатын. Осы бағыттағы жұмыстарды жандандыру үшін өндірісі мен инфрақұрылымы дамып келе жатқан мегаполиске шетелдік инвесторларды шақырамын.

Себебі, Ұлы Жібек жолының бойында орналасқан ірі транзиттік дәліздері бар Шымкентте инвесторлар үшін қолайлы жағдай жасалған. Сондықтан біз түрлі бағытта әріптестік орнатуға ниеттіміз және дайынбыз», - деді қала әкімі.

Өз кезегінде елші Чжан Сяо Елбасы Нұрсұлтан Назарбаевтың екі мемлекеттің достық қарым-қатынасын нығайтуға қосқан зор үлесі мен үлгілі сара жолын әрі қарай жалғастыру қажет екенін жеткізді. Сондай-ақ, елші инвесторларға қатысты айтылған пікірмен келісетінін және осы бағытта жұмыстар атқарылатынын айтты.

ЦИТАДЕЛЬ: құрылыс қарқынды

Пятница, 20 Декабрь 2019 03:40

Шымкентте ескі қалашықтағы құрылыс жұмыстары қарқынды жүруде. Қала әкімі Ерлан Айтаханов Цитадельдегі қазба жұмыстарын пысықтап қайтты. Ондағы құрылыс жұмыстарын қадағалаған шаһар басшысы ескі қалашықтың құрылысы 2020 жылы өз мерзімінде аяқталуы тиіс екенін баса айтты. Археологтар және құрылысшылармен болған кездесуде әкім ескі қалашық ауданының тарихи жоспарлау құрылысын барынша сақтауды ескертті.

56

Бүгінде 2200 жылдық тарихы бар көне шаһарымызды айшықтайтын ескі қалашықтың құрылыс жұмыстарын «Қаржан Тау» құрылыс компаниясы жүргізуде. Мердігер Әлихан Батырханұлы келер жылы өтетін ТМД елдерінің мәдени астанасымен тұспа-тұс келген Шымкенттің 2200 жылдығында аталған нысанды сапалы әрі уақтылы тапсыру үшін бар күшін жұмылдырып жатқанын айтты.
– Бүгінде аумағы 5.03 гектарды құрайтын цитадельде 120-дан астам құрылысшы жұмыс істеуде. Олар ауа райының қолайсыздығына қарамастан тапсырысты уақытында орындау үшін талмай еңбек етуде. Біздің басты мақсатымыз - құрылысты сапалы орындау, сондықтан мұнда білікті мамандар жұмыс істеуде, - деді компания басшысы.

Расымен де сындарлы қоғамдық диалог – мемлекетіміздің тұрақтылығының негізі. Саяси жаңғыру үдерісі азаматтарымыз бен мемлекетіміздің мүдделеріне сәйкес, біртіндеп үздіксіз жүзеге асырылуда.

Негізсіз, жүйесіз саяси ырықтандыру елдің ішкі саяси ахуалының тұрақсыздығына, тіпті мемлекеттіліктен айырылуға әкеліп соғатынын әлем елдерінің тәжірибесінен көріп отырмыз.

Сондықтан біз саяси реформаларды «асығыстыққа салынбай», керісінше, кезең-кезеңімен, табанды түрде және жан-жақты ойластырып жүзеге асырылуда.

Азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру – бәрімізге ортақ міндет.

Билік пен қоғам арасында тұрақты диалог орнату арқылы ғана қазіргі геосаяси ахуалға бейімделген үйлесімді мемлекет қалыптастыруға болады.

Сондықтан азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет.

Осы мақсатпен белгілі қоғам өкілдерін қамтитын Ұлттық қоғамдық сенім кеңесі құрылды. Бұлкеңесротациялықтәртіппенжұмысістейді.

Халықпен тиімді кері байланыс орнату қоғамдық диалог, ашықтық, адамдардың мұң-мұқтажына жедел назар аудару мемлекеттік органдар қызметінің негізгі басымдықтары саналады.

Президент Әкімшілігінде азаматтардан келіп түскен өтініштерді мемлекеттік органдардың сапалы қарауын қадағалап, жедел шаралар қабылдайтын бөлім құрылды.

Көп жағдайда азаматтарымыз орталық және жергілікті органдар басшыларының құлықсыздығы мен «бейқамдығына» байланысты Президентке жүгінуге мәжбүр болады.

Белгілі бір саладағы шешімдердің әділетсіздігіне қатысты жолданатын көптеген шағымдар нақты мемлекеттік органда немесе аймақта күрделі түйткілдер бар екенін көрсетеді. Енді бұл мәселеге дәл осы тұрғыдан қарап, тиісті шешімдер қабылдаған жөн.

Мемлекеттік қызметшілер жұмысының тиімділігін арттыру мақсатында арнайы дайындығы бар жас кадрларды тарту қажет.

Түркістан облысының мамандандырылған ауданаралық экономикалық сотының https://trk.sud.kz/kaz/sub/smes сайтында жеке тұлғаларды және заңды тұлғалардың өкілдерін қабылдау кестесі, виртуалды қабылдауы, төрағаның блогы орнатылған. Оның негізгі мақсаты – азаматтардың жеке немесе түрлі қоғамдық мәселелерге қатысты өтініштерін қарау, қоғаммен тікелей диалог орнату.

 

Түркіста облысының

мамандандырылған ауданаралық

экономикалық сотының төрағасы

Б.С.Диханбаев

Елбасы Нұрсұлтан Назарбаев бүгін жариялаған Қазақстан халқына «Қазақстан жаңа жаһандық нақты ахуалда: өсім, реформалар, даму» атты жаңа Жолдауын аса ден қоя тыңдадым. Онда мемлекет басшысы дағдарыс қыспаққа алып тұрған кезеңде халықтың әл-ауқатын әлсіретпей, тығырықтан шығу жолдарын нақты көрсете отырып, Ұлттық валютаға деген сенімді нығайту өте маңызды екендігін және бүгіннен бастап Қазақстан ДСҰ-ның толық құқықты мүшесі болғанын атап өтті. Әрине, әлемде дағдарыс дендеп тұрған кезеңде, халықтың алдағы уақытта жағдайы қалай болар екен?- деген сауал мені де мазалағаны рас. Бүгін сол сауалдардың жауабын елбасының өз аузынан естіп білдік. Мәселен, елбасының зейнетақы қаржысын бизнесті қаржыландыру үшін пайдалануды тоқтату керек,- деп айтқан ойын мен қолдаймын. Өйткені әр адам болашақта зейнетақымен қамтамасыз етілуіне алаңдайтыны сөзсіз. Бұдан бөлек бюджет саласында еңбек ететін қызметкерлер жалақысы 2016 жылдың қаңтарынан бастап өсетінін естіп қуанып жатырмыз. Әрине, Жолдауда көптеген мәселелерге қатысты межелі бағыт-бағдарлар сараланып, салмақты таразыланған. Елбасы айтқандай, «Әлемдегі ең дамыған 30 мемлекеттің қатарына қосылып, бай да қуатты елдермен иық түйістіру – мақсатымыз» болса, Жолдауда көрсетілген жолмен жүретін болсақ, қазақ елінің басына туатын ондай күннің де алыс емес екенін аңғарғандаймыз. Сонда ғана тәуелсіздігімізді баянды етіп, мәңгілік ел – Қазақ елі болатынымыз айдан анық. Жолдаудағы: «Санаулы күндерден кейін біз азаттық туын желбіреткен Тәуелсіз мемлекет атанғанымыздың 25 жылдығына аяқ басамыз. Бұл - Тәуелсіздікті нығайту жолындағы өлшеусіз еңбегіміздің ширек ғасырлық белесін қорытындылайтын мерейлі сәт. Тәуелсіздікті баянды ету - оған қол жеткізуден де қиын екенін біз осы жылдар ішінде көріп-білдік. Мемлекетіміздің тұғырын мызғымастай нығайту үшін бізге әлі талай күрделі, өтпелі көп бұралаң жолдардан өтуге тура келеді.

Ең жақсы жоспар - заман талабына бейімделген жоспар. Біз де заманның беталысына қарай межелерімізді белгілеп, жоспарларымызды нақтылап отыруымыз қажет. Біздің мақсатымыз - елі бақытты, жері гүлденген, қасиетті Отанымыз - Қазақстанды мәңгілік ел ету», - деген Елбасы сөздері әр қазақстандықтың қаперінде жүрер ізгі сөздер деп ойлаймын . 

Елбасының Қазақстан халқына дәстүрлі Жолдауында бүгінгі қоғамдағы аса маңызды мәселелерге баса назар аударылды. Елбасы өз сөзінде ұлттық теңгеміздің қазіргі дағдарыс кезеңіндегі маңызын арттыру мақсатында атқарылатын нақты іс-шараларды атап көрсетті. Сонымен қатар ел экономикасын одан әрі дамыту, халықтың әлеуметтік әл-ауқатын жақсарту жолдары, білім, ғылым саласы қызметкерлерінің еңбекақысы мен білім алушылардың шәкіртақысын, зейнетақыны белгіленген пайыздық мөлшерде көбейту т.б. мәселелер де қамтылды. Елдің ішкі экономикасын дамытуда отандық өнімдерге деген сұранысты арттыру жолдары да атап көрсетілді. Ең бастысы, бұл Жолдауда Қазақстанның болашақ даму жолының бағыт-бағдарлары айқындалып, халықтың әл-ауқатын жақсартудың нақты жолдары көрсетілді.

 

Шымкент қаласының Еңбекші

ауданының аумақтық сот

орындаушылар бөлімінің басшысының м.а.

Н.Серік

/Шымкент қаласы/

Бүгінгі таңда, ата-аналар бала ағзасында байқалатын қатерлі ісік сияқты ауыр сырқаттанушылықтың жалпы белгілеріне назар аудара бермейді. Өйткені, қатерлі ісікпен тек ересектер ғана ауырады деген түсінік қалыптасып қалған.

Балалардағы қатерлі ісікті анықтауға «кіші белгілер синдромы» тән:

-      Әлсіздік, жақсы көретін ойынына көңіл аудармау;

-       Ұйқы мен тәбеттің бұзылуы;

-      Салмақ жоғалту, арықтау;

-      Шамалы дене қызуының көтерілуі;

-     Себепсіз құсу, жүрек айну, диарея немесе іш қату;

-     Іштің немесе сүйектің ауыруы;

-     Терінің бозаруы;

-     Іштің ісінуі;

-     Жиі қанау (мұрын, көгерулер)

Бұл белгілер алғашқы ісік процесінің көріністері болуы мүмкін. Дегенмен, бұған назар аудармағанда ісіктің соңғы стадиясы анықталып жатады.

Ең үлкен қауіпке 4 жасқа дейінгі балалар жатады, осы кезде оларды онкологиядан сақтау қажет. Ата-аналар балаларда қатерлі ісіктің даму ықтималдығын және алғашқы сақтану белгілерін білуі қажет. Егер жоғары атап өткен белгілер балада байқалса, тез арада дәрігерге көрсету қажет.

Өз балаңыздың ағзасындағы аталған белгілерді жіберіп алмаңыз, оның соңы қайғыға әкелуі мүмкін.

Күләнда Азатқызы,
Шымкент қалалық салауатты
өмір салтын қалыптастыру 
орталығының үйлестірушісі

Страница 6 из 356