Қала әкімдігінің ұйымдастыруымен «Мейірім» күні аясында өткен қайырымдылық акциясына кәсіпкерлер де өз үлестерін қосты. Ордабасы алаңында тұрмысы төмен мың отбасыға тегін азық-түлік таратылды.
Ордабасы алаңында азық-түлік тиелген жүк көліктері қаз-қатар тізілген. Төрт ауданның тұрғындарына 25 келілік ұн мен 3 литр май үлестірілді.
Қала әкімінің орынбасары Қайрат Нұртай акцияға қолдау білдірген кәсіпкерлерге алғысын айтты.
Шымкент қаласының кәсіпкерлік және өнеркәсіп бөлімі ұйымдастырған қайырымдылық іс-шарасына «Орталық қырғы базары», «Алаш», «Айна», «Автонұр» базары, «Дауреханова сауда қатары, «Шымкент Тұлпар» базары мен «Береке», «Алтын дән» ЖШС және «Химфарм» АҚ-ы да атсалысты.