Қазақстан халқы Ассамблеясының Шымкент қаласындағы штабы 6 сәуірде 10 миллион теңгеге 20 тонна гуманитарлық көмектің алғашқы легін Атырауға жөнелтті. Көмек жинауға арналған қайырымдылық шарасы «Жүректен – жүрекке» акциясының аясында қолға алынған. Қазіргі уақытта гуманитарлық көмектің 20 тонналық екінші партиясы жөнелтуге дайын. Бұл туралы Өңірлік коммуникациялар…
Мемлекет басшысы Қасым-Жомарт Тоқаев су тасқынына ұшырамаған облыстар мен қалалардың әкімдеріне аумақтарды абаттандыру және көгалдандыру бойынша бірқатар тапсырмалар берді. Яғни, елді мекендердің көшелерін тазарту, ағаш отырғызу және аумақтарды абаттандыру науқанын бастауды тапсырды.
Шымкент қаласының әкімі Ғабит Сыздықбеков «Таза Қазақстан» республикалық экологиялық акциясын ұйымдастыру бойынша арнайы жиын өткізді. Онда қала аумағында тазалық шараларын тиімді ұйымдастырудың тетіктері қарастырылып, өзекті мәселелер пысықталды.
Қала әкімі Ғабит Сыздықбековтің қатысуымен өткен аппарат мәжілісінде қазылған орындарды ретке келтіру мәселесі талқыланды. Жиында Энергетика және инфрақұрылымды дамыту басқармасының басшысы Р.Меңдіқұлов қала аумағындағы қазылған жерлер туралы баяндады.
Шымкентте Абай ауданы аумағындағы Асар-2 шағынауданын электр қуатымен қамтамасыз ету жұмыстарының 2-кезеңі аяқталды. Қала әкімі Ғабит Сыздықбеков ел игілігіне тапсырылған нысанның мүмкіндіктерімен танысып, тұрғындарды инженерлік жүйелермен қамту кезең-кезеңімен іске асатынын атап өтті.
Шымкент қаласының туристік әлеуеті өте жоғары. Біріншіден, қала — Қырғызстан мен Өзбекстанды Қазақстанның басқа өңірлерімен байланыстыратын ірі торап. Сондықтан үшінші мегаполисте өзіндік артықшылықтарды пайдалана отырып, бүкіл оңтүстік өңірі үшін туристік тірек орталығына айналуына барлық мүмкіндіктер бар.
Отан үшін жанын қиған жауынгерлер ерлігі ұмытылмақ емес. Осыдан 29 жыл бұрын 7 сәуірде тәжік-ауған шекарасында қазақстандық 17 жауынгер ерлікпен қаза тапқан еді. Шабуыл жасаған содырларға қарсы тұрып, қазақ батальонының намысын қорғаған ерлердің есімі ел есінде.
Президент Қасым-Жомарт Тоқаев тасқын судан аман отырған облыс және қала әкімдеріне аймақтарды көгалдандыру бойынша тапсырмалар берген болатын.
Шымкентте көктемгі әскер қатарына шақыру науқаны басталды. Биыл көктемгі науқанда 948 азаматты әскер қатарына жіберу көзделген. ҚР Қарулы Күштерінің десанттық шабуылдау әскерлеріне жас сарбаздарды салтанатты шығарып салу іс-шарасы өтті.
Шымкент қаласындағы жаңа ипподромда «Теңге ілу» ұлттық спорт түрінен II Азия Кубогы бәсекесі өтті. 5-ші Дүниежүзілік көшпенділер ойындарына дайындық аясында ұйымдастырылған халықаралық жарыста Қазақстан, Қырғызстан, Өзбекстан, Ресей, Қытай, Моңғолиядан және еліміздің өңірлерінен келген спортшылар теңге ілудің 3 стилі бойынша бақ сынады.