Мемлекет басшысының тапсырмасымен қолға алынған «2-10-20»,«5-10-20» мемлекеттік бағдарламалары аясында тұрғын үй кезегіндегі 115 отбасы несиелік пәтерге қоныстанды.
Аппарат мәжілісіне қатысушылар 18 наурыз – Ұлттық киім кию күніне орай, ұлттық нақышта киініп келді. Мерекелік көңіл күй сипат алған жиында тұрғын үйлердегі жеделсатыларды жаңғырту және күтіп ұстау, сондай-ақ электр қуатына қатысты мәселелері көтерілді.
Сегізінші шақырылымдағы Шымкент қаласы мәслихатының кезекті он төртінші сессиясы өтті. Сессияда бірқатар мәселе қаралып, барлығы депутаттар тарапынан қолдау тапты. Сессияға Шымкент қаласының әкімі Ғабит Сыздықбеков қатысты.
ТАРИФТЕР ЕСЕБІНЕН КОММУНАЛДЫҚ ЖЕЛІЛЕРДІҢ ТОЗУ ДЕҢГЕЙІ ТӨМЕНДЕМЕК
Среда, 20 Март 2024 05:05 Автор Тағабай ҚАСЫМ
2024 жылы «Тарифті инвестицияға айырбастау» бағдарламасын және коммуналдық қызметтерге тарифтерді іске асыру барысы туралы баспасөз брифингі өтті. Шымкент қаласы бойынша Табиғи монополияларды реттеу департаментінің басшысы Кенжеболат Көшекбаев коммуналдық қызмет тарифі, инвестициялық бағдарламалардың орындалуы және алдағы жоспарлары туралы баяндады.
«Мереке күндері және қасиетті Рамазан айында тамақтан улану мен ботулизмнің алдын алу» тақырыбында баспасөз брифингі өтті. Шымкент қаласының санитарлық-эпидемиологиялық бақылау департаменті басшысының орынбасары Алдарқұл Ахметов қасиетті Рамазан айында, сонымен қатар Наурыз мейрамы қарсаңында тағамнан уланудың алдын-алу жолдарын баяндады.
Шымкент қаласы Төтенше жағдайлар департаментінің бастығы, генерал-майор Қуанар Базарбаев су тасқыны кезеңіне дайындық бойынша баспасөз брифингін өткізді. Департамент бастығы қаладағы азаматтық қорғау қызметтерінің дайындық шараларынан хабардар етті.
Ұлыстың ұлы күні - әз Наурыз мерекесі «Жаңару» күнімен жалғасып, жоба аясында ағаш көшеттерін егу науқаны өтті. Игі шара А.Асқаров атындағы дендробақта басталып, оған Шымкент қаласының әкімі Ғ.Сыздықбеков, Қазақстан халқы Ассамблеясы мүшелері мен бірқатар қоғамдық ұйымдар қатысты.
Қайырымдылық күні Шымкент қаласы жұмыспен қамту және әлеуметтік қорғау басқармасының №10 арнаулы әлеуметтік қызметтер көрсету орталығында да атап өтілді. Орталық мамандары қарияларға арнап концерттік бағдарлама ұйымдастырып, №65 мектеп гимназиясының оқушылары мен М.Әуезов атындағы ОҚУ студенттері өнер көрсетті. Кәсіпкерлер үлкен кісілерді сый-сияпаттарымен қуантты.
Шымкентте «Шаңырақ» күніне орай отбасылық құндылықтарды дәріптейтін және өнегелі ұрпақ тәрбиелеген үлгілі отбасыларға арналған мәдени іс-шаралар ұйымдастырылуда. Қала әкімінің орынбасары Сәрсен Құранбек қалалық перинаталдық орталықта жаңа туған нәрестелердің ата-аналарына «Наурыз базарлық» естелік кәдесыйларын табыстады.
Шымкент қалалық денсаулық сақтау басқармасына қарасты Бөбектер үйінде «Қайырымдылық күні» аясында «Наурыз - мерекем, Наурыз берекем» атты қайырымдылық іс-шарасы өтті.